Wanneer jy 'n stuk inhoud vir Content ID-passing aktiveer, genereer YouTube outomaties eise teen 'n ander gebruiker se opgelaaide inhoud wat pas by (dele van) die verwysingslêer wat jy verskaf. Vind meer uit oor basiese beleid- en eisbeginsels.
Nie alle inhoud is toepaslik om deur Content ID opgeëis te word nie. Jy moet nie die stelsel gebruik om inhoud op te eis waarvoor jy nie voldoende regte het nie. Jy is verantwoordelik daarvoor om foutiewe resultate te vermy, soos eise wat volg uit verkeerdelik geïdentifiseerde inhoud of eise wat met die gemagtigde gebruik van inhoud inmeng.
Riglyne vir Content ID
Gebruik die volgende reëls om enige probleme te vermy. Let daarop dat die voorbeelde onder elke reël ter inligting verskaf word en dat dit nie 'n volledige lys van moontlike probleme is nie. Kom meer te wete oor hoe om onbehoorlike eise te vermy en op te los.
Eksklusiewe regteJy moet eksklusiewe regte hê tot die materiaal in die verwysinglêer vir die gebiede waar jy eienaarskap eis.
Die volgende voorbeelde kwalifiseer nie vir gebruik in of as 'n verwysing nie:
- Inhoud wat nie-eksklusief van 'n derde party af gelisensieer word
- Inhoud wat onder Creative Commons of soortgelyke kostelose/oop lisensies vrygestel word
- Videomateriaal, opnames of komposisies in die publieke domein
- Snitte van ander bronne af wat volgens billike gebruik-beginsels gebruik is
- Videospeluitlegmateriaal (deur iemand anders as die speletjie se publiseerder)
Alle verwysinginhoud moet heeltemal duidelik wees.
Die volgende voorbeelde kwalifiseer nie vir gebruik in of as 'n verwysing nie:
- Karaoke-opnames, nuwe meesteropnames, klink-soos-opnames en sommige oorgeklankte inhoud
- Klankeffekte, klankbeddens of produksieluslope
Jy moet individuele verwysings vir elke stuk intellektuele eiendom verskaf.
Die volgende voorbeelde kwalifiseer nie vir gebruik in of as 'n verwysing nie:
- Samestellings
- Aaneenlopende DJ-keurspele
- Kombivoere
- Aftellinglyste
- Volledige albumklankopnames
Jy moet die inhoud in individuele komponente, liedjies of video's verdeel, selfs as jy al die regte tot hierdie tipe voorbeelde in alle gebiede besit.
Oorspronklike videospeletjie-klankbane is slegs geldige verwysings wanneer dit deur die videospeletjie se publiseerder besit word.
Oorspronklike videospeletjie-klankbane is klankopnames wat hoofsaaklik vir gebruik in 'n videospeletjie geskep is, soos die oorspronklike partituur of agtergrondmusiek wat saam met 'n videospeletjie kom. (Hierdie beleid is nie van toepassing op gelisensieerde populêre musiek wat nie oorspronklik vir die speletjie geskep is nie.)
Hierdie verwysings is slegs geldig wanneer dit deur die videospeletjiepubliseerder se inhoudeienaar gelewer word. As jy 'n speletjiepubliseerder is en vrae het, kan jy jou vennootbestuurder kontak.
Inhoud wat op skaal verkoop of gelisensieer word om by ander werke geïnkorporeer te word, moet vir hersiening geroeteer word.
Passings teen die volgende inhoudtipes moet byvoorbeeld vir handmatige hersiening geroeteer word voordat dit opgeëis word:
- Sogenaamde "tantièmevrye" produksiemusiekbiblioteke wat tipies vir gebruik in speletjie-, rolprent-, TV- of ander klankbane gelisensieer word.
Wees so spesifiek as moontlik wanneer jy jou komponentmetadata voltooi. Oplaaiers moet voldoende inligting gegee word om te verstaan watter inhoud opgeëis word en wie die eienaar van daardie inhoud is. Alle bates moet 'n informatiewe titel insluit (bv. nie “Snit 4” of 'n interne reeksnommer nie).
Verder is die minimum hoeveelheid komponentmetadata wat vir elk van die volgende komponenttipes gegee moet word, soos volg:
- As die bate 'n klankopname of musiekvideo is, moet die titel, kunstenaar en platemaatskappy verskaf word.
- As die bate 'n musiekkomposisie is, moet die titel en skrywer verskaf word.
- As die bate 'n televisie-episode is, moet die programtitel en die episodetitel of episodenommer verskaf word.
- As die bate 'n rolprent is, moet die titel en regisseurs verskaf word.
- As die bate 'n sportuitsending is, moet die spanname (deelnemername as dit 'n individuele sport is) en datum van byeenkoms verskaf word.
Ons moedig jou ook aan om enige ander metadata te verskaf wat dalk sal help om jou spesifieke bates te identifiseer.
Slegs-vingerafdrukverwysinginhoud
- Slegs-vingerafdrukverwysings sal outomaties met medialêerverwysings vervang word wat die identiese inhoud vergestalt. As jy 'n slegs-vingerdrukafverwysing verskaf, sal daar namens jou 'n kopie van die medialêerverwysing gemaak word en met jou rekening in verband met die Content ID-bate geasossieer word.
- Slegs-vingerafdrukverwysings kan nie outomaties opgedateer word om die nuutste Content ID-passingtegnologie te gebruik nie. Dienooreenkomstig, as jy 'n slegs-vingerafdrukverwysinggebruiker is en 'n gegewe slegs-vingerafdrukverwysing nie opgedateer het binne ses maande nadat jy 'n nuwe binêr vir die skep van vingerafdrukke ontvang het nie, kan die verouderde verwysings outomaties gedeaktiveer word.