Сіз бейне монетизациясын қосқанда, бейнелеріңізде немесе олардың жанында бірнеше жарнама түрі көрсетілуі мүмкін. Төменде бейне алдында, бейне көрсетіліп жатқанда немесе одан кейін көрсетілуі мүмкін жарнама форматтары берілген.
Сіз жаңа ұзақ бейнелер үшін жарнамаларды қосқанда, қажет болған жағдайда, көрермендерге бейне алдында, одан кейін ойнатылатын, өткізіп жіберілетін/жіберілмейтін жарнамалар көрсетіледі. 8 минуттан ұзақ бейнелерге ортасында ойналатын жарнама қосуыңызға және жарнама үзілістерін қолмен немесе автоматты түрде енгізуді шешуіңізге болады. Бейне ортасында ойналатын жарнама үзілістерін басқару туралы толық ақпарат алыңыз.
Бейнежарнама форматы | Сипаттама | Платформа | Ерекшеліктері |
Өткізіп жіберілетін бейнежарнамалар | Өткізіп жіберілетін бейнежарнамаларды 5 секундтан кейін өткізіп жіберуге болады. | Компьютер, мобильдік құрылғылар, теледидар және ойын консольдері | Бейне ойнатқышта ойнатылады (5 секундтан кейін өткізіп жіберуге болады). |
Өткізіп жіберілмейтін бейнежарнамалар бейне басталмай тұрып көрілуі тиіс. | Компьютер, мобильдік құрылғылар, теледидар және ойын консольдері |
Бейне ойнатқышта ойнатылады. Аймақ стандарттарына байланысты ұзақтығы 15 немесе 20 секунд. Теледидарда 30 секунд болуы мүмкін. |
|
Қысқа жарнамалар |
Бейне көрсетілмей тұрып көрілуі тиіс, өткізіп жіберілмейтін қысқа (ең көбі 6 секунд) бейнежарнамалар. Қысқа жарнамалар өткізіп жіберілетін немесе өткізіп жіберілмейтін жарнамалар қосылғанда, бұл жарнама түрі автоматты түрде қосылады. | Компьютер, мобильдік құрылғылар, теледидар және ойын консольдері | Бейне ойнатқышта ойнатылады, ұзақтығы 6 секунд. |
Бірнеше бейнеде жарнамаларды қосу
Жүктеп салып қойған бірнеше бейнелеріңіз үшін жарнаманы іске қосу:
- YouTube Studio-ға өтіңіз.
- Сол жақ мәзірден Контент опциясын таңдаңыз.
- Пайда тапқыңыз келетін кез келген бейне үшін бейне суретінің сол жағындағы сұр ұяшықты таңдаңыз.
- Бейнелер тізімінің үстіндегі қара бағанада Өзгерту ашылмалы мәзірін ашып, Монетизация түймесін басыңыз.
- Монетизация ашылмалы мәзірінде Қосулы түймесін басыңыз.
- Бірнеше бейне ортасында ойналатын жарнама параметрлерін өзгерту үшін: Өзгерту Жарнама параметрлері түймесін басыңыз, "Бейнеге жарнамалар (бейне ортасында ойналатын жарнама) қою" тармағының жанындағы ұяшықты белгілеңіз және ондай жарнаманы жарнама үзілістері жоқ бейнелерге немесе барлық бейнеге қосу қажеттігін таңдаңыз.
- Бейнелерді жаңарту түймесін басыңыз, "Бұл әрекеттің салдарын түсінемін" ескертуінің жанындағы ұяшықты белгілеңіз, Бейнелерді жаңарту түймесін басыңыз.
YouTube Shorts-тағы жарнамалар
Shorts-тағы жарнамалар – Shorts фидіндегі Shorts арасында көрсетілетін, бірден сырғытуға болатын бейне немесе суретті жарнамалар. Shorts-та жарнамалардың қалай жұмыс істейтіні туралы толық ақпарат YouTube Shorts монетизация саясаттарында берілген.
Бейне ортасында әдепкісінше ойналатын жарнама параметрлері
Бейне ойнатқыштан тыс жарнамалар
Көру фидіндегі жарнамалар ұсынылған бейнелер фидінде (мобильдік құрылғыларда ойнатқыш астында және компьютерлерде ойнатқыш жанында) көрсетіледі. Бұл жарнама түрлері YouTube Studio-дан басқарылмайды.
Бірнеше жарнаманың қатарынан көрсетілуі
Ұзақтығы 5 минуттан басталатын бейнелерде жарнамалар қосылса, қатарынан екі бейнежарнама көрсетілуі мүмкін. Олардың арқасында ұзақ бейнелердегі үзіліс саны азайып, көру ыңғайлы болады.