არსებობს რეკლამის რამდენიმე ტიპი, რომლებიც შეიძლება გამოჩნდეს თქვენს ვიდეოებში ან მათ გვერდით, როდესაც ჩართული გექნებათ ვიდეოების მონეტიზაცია. ქვემოთ მოცემულ ცხრილში მითითებული რეკლამის ფორმატები შეიძლება ვაჩვენოთ ვიდეოს დაკვრამდე („წინასწარი“), დაკვრის განმავლობაში („შუაში“) ან შემდეგ („შემდგომი“).
როდესაც რეკლამებს ჩართავთ ხანგრძლივი ქრონომეტრაჟის ვიდეოებისთვის, მნახველებს შესაბამის შემთხვევებში ავტომატურად ვაჩვენებთ წინასწარ, შემდგომ, გამოტოვების შესაძლებლობის მქონე და არმქონე რეკლამებს. ამას გარდა, თქვენ შეგიძლიათ, ჩართოთ რეკლამები ვიდეოს შუაში 8 წუთზე ხანგრძლივი ვიდეოებისთვის და გადაწყვიტოთ, სარეკლამო ჭრები ხელით ჩასვათ თუ ავტომატურად. შეიტყვეთ მეტი ვიდეოს შუაში სარეკლამო ჭრების მართვის შესახებ.
ვიდეორეკლამის ფორმატი | აღწერილობა | პლატფორმა | სპეციფიკაცია |
გამოტოვებადი ვიდეორეკლამები | გამოტოვების შესაძლებლობის მქონე ვიდეორეკლამები საშუალებას აძლევს მნახველებს, სურვილის შემთხვევაში, გამოტოვონ ისინი 5 წამის შემდეგ. | კომპიუტერი, მობილური მოწყობილობები, TV და სათამაშო კონსოლები | უკრავს ვიდეოდამკვრელში (5 წამის შემდეგ გამოტოვების ვარიანტით). |
გამოტოვების შესაძლებლობის არმქონე ვიდეორეკლამებს მნახველმა აუცილებლად უნდა უყუროს, ვიდეოს ნახვა რომ შეძლოს. | კომპიუტერი, მობილური მოწყობილობები, TV და სათამაშო კონსოლები |
უკრავს ვიდეოდამკვრელში. 15 ან 20 წამის ხანგრძლივობისაა, რაც დამოკიდებულია რეგიონულ სტანდარტებზე. მხოლოდ ტელევიზორებში, შეიძლება იყოს 30-წამიანი. |
|
რეკლამა-ჩანართები |
მოკლე, მაქსიმუმ 6-წამიანი ვიდეორეკლამები გამოტოვების შესაძლებლობის გარეშე, რომლებსაც აუცილებლად უნდა უყუროს მნახველმა, ვიდეოს ნახვა რომ შეძლოს. რეკლამა-ჩანართები ირთვება, როდესაც ჩართულია რეკლამები გამოტოვების შესაძლებლობით ან გამოტოვების შესაძლებლობის გარეშე. | კომპიუტერი, მობილური მოწყობილობები, TV და სათამაშო კონსოლები | უკრავს ვიდეოდამკვრელში, მაქსიმუმ 6 წამის ხანგრძლივობისაა. |
რეკლამების ჩართვა რამდენიმე ვიდეოსთვის
თქვენ მიერ უკვე ატვირთული რამდენიმე ვიდეოსთვის რეკლამების ჩასართავად:
- გადადით YouTube Studio-ზე.
- მარცხენა მენიუდან აირჩიეთ კონტენტი .
- აირჩიეთ მოსანიშნი ველები იმ ვიდეოს ესკიზების გვერდით, რომელთა მონეტიზაციაც გსურთ.
- თქვენი ვიდეოების სიის ზემოთ, შავ ზოლში, დაწკაპუნებით აირჩიეთ რედაქტირების ჩამოსაშლელი მენიუ მონეტიზაცია.
- მონეტიზაციის ჩამოსაშლელ მენიუში დაწკაპუნებით აირჩიეთ ჩართვა.
- რეკლამის პარამეტრებისა და ვიდეოს შუაში განთავსებული რეკლამების ერთიანად შესაცვლელად: დაწკაპუნებით აირჩიეთ რედაქტირება რეკლამის პარამეტრები მონიშნეთ ველი, რომლის გვერდითაც მითითებულია „რეკლამების განთავსება ვიდეოს სტრიმინგისას (ვიდეოს შუაში)“ და აირჩიეთ, ვიდეოს შუაში ავტომატური რეკლამების განთავსება მხოლოდ იმ ვიდეოებში გსურთ, რომლებსაც არ აქვს სარეკლამო ჭრა, თუ ყველა ვიდეოში.
- დაწკაპუნებით აირჩიეთ ვიდეოების განახლება მონიშნეთ ველი, რომლის გვერდითაც მითითებულია „სრულად ვაცნობიერებ ამ მოქმედების შედეგებს“ ვიდეოების განახლება.
YouTube Shorts-ის რეკლამები
Shorts-ის რეკლამები მყისიერად გადაფურცვლადი ვიდეო ან სურათიანი რეკლამებია, რომლებიც Shorts-ის მოკლე ვიდეოებს შორის ჩნდება Shorts-ის არხში. გაეცანით Shorts-ის რეკლამების მოქმედების პრინციპს დეტალურად YouTube Shorts-ის მონეტიზაციის წესებში.
ვიდეოს შუაში განთავსებული რეკლამის ნაგულისხმევი პარამეტრები
შეიტყვეთ, როგორ შეცვალოთ თქვენი არხის ნაგულისხმევი პარამეტრები ისე, რომ სარეკლამო ჭრები ახალატვირთული ვიდეოების შუაში მოექცეს.
რეკლამები ვიდეოდამკვრელის გარეთ
ყურების არხის რეკლამები ნაჩვენებია რეკომენდებული ვიდეოების არხში, მობილური ტელეფონის შემთხვევაში, დამკვრელის ქვემოთ, კომპიუტერების შემთხვევაში კი დამკვრელის გვერდით. ამ ტიპის რეკლამები ვერ იმართება YouTube Studio-დან.
რეკლამები ერთმანეთის მიყოლებით
როდესაც რეკლამებს ჩართავთ მინიმუმ 5-წუთიანი ვიდეოსთვის, შეიძლება ერთმანეთის მიყოლებით გამოჩნდეს ორი ვიდეორეკლამა (ასევე, ცნობილია, როგორც რეკლამების ჯგუფი). რეკლამების ჯგუფები ნაკლებად აფერხებს გრძელი ვიდეოების მნახველებს და ვიდეოების ყურება მათთვის უფრო სასიამოვნო ხდება.