თქვენი ვიდეოები შეიძლება მოიცავდეს ფასიანი პროდუქტების განთავსებას, რეკომენდაციებს, სპონსორობას ან სხვა კონტენტს, რომელთა შესახებაც აუცილებლად უნდა აცნობოთ მნახველს. უნდა გვაცნობოთ, თუ რომელიმე მათგანს დაურთავთ, თქვენი ვიდეოს დეტალებში ფასიანი რეკლამების ველის მონიშვნით.
ყველა ფასიანი რეკლამები უნდა იცავდეს Google Ads-ის წესებსა და YouTube-ის საზოგადოების წესდებას. თქვენ და ბრენდები, რომლებთანაც თანამშრომლობთ, პასუხისმგებელი ხართ კონტენტში ფასიანი რეკლამის შესახებ ინფორმაციის გამჟღავნების ადგილობრივი და იურიდიული ვალდებულებების დაცვაზე. ამ ვალდებულებათაგან ზოგიერთი მოიცავს, თუ როდის, როგორ და ვისთან უნდა გაამჟღავნონ ინფორმაცია.
Google Ads-ის წესების დაცვა გულისხმობს იმას, რომ თქვენს კონტენტში ვერ განათავსებთ შემდეგი პროდუქტებისა და სერვისების ფასიან რეკლამებს:
- უკანონო პროდუქტები და სერვისები
- სექსუალური ან ესკორტის სერვისები
- ზრდასრულთა კონტენტი
- საქორწილო სააგენტოები
- გასართობი ნარკოტიკები
- ურეცეპტო მედიკამენტები
- ონლაინ აზარტული თამაშების საიტები, რომლებიც არ არის შემოწმებული Google-ის ან YouTube-ის მიერ
- გამოცდებსა თუ ტესტებზე თაღლითობის სერვისები
- ჰაკინგი, ფიშინგი და სათვალთვალო პროგრამული უზრუნველყოფა
- ასაფეთქებლები
- თაღლითური ან შეცდომაში შემყვანი ბიზნესები
აღნიშნული წესები ვრცელდება ვიდეოებზე, ვიდეოების აღწერილობებზე, კომენტარებზე, პირდაპირ სტრიმინგებზე, მოკლე ვიდეოებზე და ნებისმიერ სხვა YouTube პროდუქტზე ან ფუნქციაზე. ეს სია არ არის სრულყოფილი. არ გამოაქვეყნოთ კონტენტი, თუ ფიქრობთ, რომ ის შეიძლება არღვევდეს ამ წესებს.
მაგალითები
წარმოგიდგენთ YouTube-ზე აკრძალული კონტენტის ზოგიერთ მაგალითს.
- აკადემიური ესეის წერის სერვისის ფასიანი რეკლამა
- ყალბი პასპორტების გამყიდველი ვებსაიტის ან ოფიციალური დოკუმენტების ყალბი ასლების დამზადების ინსტრუქციის ფასიანი რეკლამა
- საკრედიტო ბარათების ყალბი ნომრების გენერატორი პროგრამის ფასიანი რეკლამა
- რეგულირებული მედიკამენტების ურეცეპტოდ გამყიდველი ონლაინ აფთიაქის ფასიანი რეკლამა
რა ხდება, თუ კონტენტი არღვევს ამ წესებს
თუ თქვენი კონტენტი არღვევს ამ წესებს, ჩვენ ამოვშლით კონტენტს და ელფოსტით შეგატყობინებთ ამის შესახებ. თუ ეს საზოგადოების წესდების პირველი დარღვევაა, თქვენ, სავარაუდოდ, მიიღებთ შენიშვნას და თქვენს არხს ჯარიმა არ დაეკისრება. თქვენ შეგეძლებათ, გაიაროთ ტრენინგი წესების შესახებ, რომ თქვენს შენიშვნას ვადა ამოეწუროს 90 დღის შემდეგ. თუმცა, თუ 90 დღის განმავლობაში განმეორებით დაარღვევთ წესებს, შენიშვნას ვადა არ ამოეწურება და თქვენი არხი გაფრთხილებას მიიღებს. ტრენინგის დასრულების შემდეგ დარღვეული სხვა წესი ცალკე შენიშვნას იღებს. ჩვენ განმეორებით დამრღვევებს, შესაძლოა, შევუზღუდოთ მონაწილეობის მიღება წესების შესახებ მომავალ ტრენინგებში.
თუ თქვენ მიიღებთ 3 გაფრთხილებას, თქვენი არხის მოქმედება შეწყდება. შეიტყვეთ მეტი საზოგადოების წესდების დარღვევის გაფრთხილების შესახებ YouTube-ზე.
ამასთან, შეიძლება თქვენი კონტენტის ასაკის მიხედვით შევზღუდოთ, თუ რეკლამირებული პროდუქტი ან სერვისი შეუსაბამოა ყველა ასაკის აუდიტორიისთვის.
პროდუქტის ფასიანი განთავსება წარმოადგენს კონტენტს, რომელსაც ქმნის მესამე მხარე ანაზღაურების სანაცვლოდ. აღნიშნული ასევე მოიცავს მესამე მხარის ბრენდის, შეტყობინების ან პროდუქტის პირდაპირ კონტენტში ინტეგრირებას.
რეკომენდაციები წარმოადგენს რეკლამის განმთავსებლისთვის (ან შემქმნელის პირადი ბრენდისთვის, თუ შემქმნელსა და ბრენდს შორის ურთიერთობა არ არის მკაფიო) შექმნილ კონტენტს, რომლის გზავნილსაც, სავარაუდოდ, მომხმარებლები ირწმუნებენ და რომელიც გამოხატავს კონტენტის შემქმნელის მოსაზრებას.
სპონსორობა წარმოადგენს კონტენტს, რომელიც, ნაწილობრივ ან მთლიანად, დაფინანსებულია მესამე მხარის მიერ. სპონსორობით ძირითადად რეკლამირდება მესამე მხარის ბრენდი, გზავნილი ან პროდუქტი კონტენტში აღნიშნული ელემენტების ინტეგრირების გარეშე.
შემქმნელებმა და ბრენდებმა უნდა იცოდნენ, კონკრეტულად რა ტიპის ფასიანი რეკლამებია ნებადართული ადგილობრივი კანონმდებლობის მიხედვით. მაგალითად, გაერთიანებულ სამეფოსა და ევროკავშირის წევრ ქვეყნებში, ზოგიერთ ვიდეოში, რომელიც კლასიფიცირდება „ბავშვთა პროგრამად“ აუდიოვიზუალური მედია სერვისების განკარგულების თანახმად, შეიძლება აკრძალული იყოს რეკლამებისა და პროდუქტების ფასიანი განთავსებების ჩართვა.
- კომპიუტერიდან შედით YouTube Studio-ში.
- მარცხენა სექციაში აირჩიეთ კონტენტი.
- დააწკაპუნეთ ვიდეოზე, რომლის რედაქტირებაც გსურთ.
- აირჩიეთ სხვა ვარიანტები.
- მონიშნეთ ველი „ჩემი ვიდეო შეიცავს ფასიან რეკლამას (პროდუქტის განთავსებას, რეკლამას ან რეკომენდაციას)“.
-
აირჩიეთ შენახვა.
ზოგჯერ, შეიძლება ფასიანი რეკლამის შემცველ ვიდეოში სხვა რეკლამით ჩავანაცვლოთ რეკლამა, რომელიც წინააღმდეგობაში მოდის თქვენი ბრენდის პარტნიორთან. აღნიშნული ჩანაცვლება მოხდება ჩვენი რეკლამის განმთავსებლების ინტერესების დაცვის მიზნით.
მაგალითად, თქვენ ატვირთეთ ვიდეო, რომელშიც ნახსენებია და განთავსებულია „კომპანია A“-ს პროდუქცია. გაუმართლებელი იქნება ამ ვიდეოში სარეკლამო სივრცის „კომპანია B“-სთვის მიყიდვა.
ზოგიერთი იურისდიქცია და ბრენდის პარტნიორი მოითხოვს, რომ მნახველებს გაუმხილოთ ნებისმიერი კომერციული ურთიერთობის შესახებ, რომელმაც შეიძლება გავლენა იქონიოს თქვენს კონტენტზე. თქვენ პასუხისმგებელი ხართ, გაეცნოთ და დაემორჩილოთ ფასიანი რეკლამის შემცველი კონტენტის შესახებ კანონებსა და რეგულაციებს, რომლებიც თქვენზე ვრცელდება.
დიახ. ჩვენ ავტომატურად ვაჩვენებთ მნახველებს შეტყობინებას 10 წამით ვიდეოს დასაწყისში, როგორც კი მონიშნავთ, რომ თქვენი ვიდეო ფასიან რეკლამას შეიცავს. აღნიშნული ინფორმაციის გამჟღავნება აცნობებს მნახველებს, რომ ვიდეო შეიცავს ფასიან რეკლამას და უზრუნველყოფს ბმულს ამ გვერდზე მნახველებისთვის პროდუქტის ფასიანი განთავსების, სპონსორობისა და რეკომენდაციების შესახებ დამატებითი ინფორმაციის მიწოდების მიზნით.
გაითვალისწინეთ, რომ ყველა იურისდიქციაში განსხვავებული მოთხოვნებია შემქმნელებისა და ბრენდებისთვის, რომლებიც ფასიან რეკლამირებაში არიან ჩართული. დარწმუნდით, რომ გაეცანით და იცავთ მოქმედ კანონმდებლობას.
თუ თქვენს კონტენტში რეკლამის განთავსებაში დაინტერესებული განმთავსებელი გყავთ, იმუშავეთ თქვენს პარტნიორთა მენეჯერთან. იხილეთ დამატებითი ინფორმაცია მესამე მხარის ჩაშენებულ რეკლამებთან დაკავშირებით მოქმედი წესების შესახებ.
აღნიშნული წესები არ ვრცელდება ბრენდისთვის ან ბრენდის მიერ შექმნილ და ბრენდის YouTube არხზე ატვირთულ ვიდეოებზე.
- სატიტულე ბარათები: მაქსიმუმ 5-წამიანი და სტატიკური. თუ ისინი ვიდეოს დასაწყისშია (0:01 წმ) განთავსებული, ბარათი უნდა იყოს კობრენდირებული შემქმნელის სახელით/ლოგოთი.
- დასასრულის ბარათები: უნდა იყოს განთავსებული ვიდეოს ბოლო 30 წამის განმავლობაში, სტატიკურ მდგომარეობაში.