YouTube არის სივრცე, სადაც ადამიანები თავიანთ ამბებს აზიარებენ, გამოხატავენ საკუთარ აზრს და ერთმანეთთან კომუნიკაცია აქვთ. ჩვენ გვსურს, რომ შემქმნელებმა და მნახველებმა თავი უსაფრთხოდ იგრძნონ. მართალია, YouTube-ის შემქმნელებისა და მნახველების უმრავლესობას გაზიარება, სწავლა და კომუნიკაცია სურს, მაგრამ არის შემთხვევები, როცა ამ პლატფორმას ბოროტად ან სხვების შესავიწროვებლადაც კი იყენებენ. შეიტყვეთ მეტი ქვემოთ იმ წესებისა და ხელსაწყოების შესახებ, რომლებიც YouTube-ზე თქვენს დაცვაში გვეხმარება.
შემქმნელები და მომხმარებლები, ასევე, არიან პასუხისმგებელი YouTube-ის უსაფრთხოებასა და მის გამართულ მუშაობაზე. შეიტყვეთ მეტი იმის შესახებ, თუ როგორ ვაკისრებთ პასუხისმგებლობას შემქმნელებსა და მომხმარებლებს ამ სტანდარტების დაცვის საქმეში.
YouTube-ის წესების შესახებ მეტის შესატყობად შეამოწმეთ ჩვენი საზოგადოების წესდების სრული სია.
სიძულვილსა და ძალადობასთან დაკავშირებული წესები
YouTube-ზე მოქმედებს განსაკუთრებული წესები სიძულვილისა და ძალადობისგან დასაცავად.
- სიძულვილის დამთესავი განცხადება: ეს წესი იცავს გარკვეულ ჯგუფებსა და მის წარმომადგენლებს. ჩვენ მივიჩნევთ, რომ კონტენტი სიძულვილის დამთესავი განცხადებაა, თუ ის მოუწოდებს ჯგუფების მიმართ სიძულვილისა და ძალადობისკენ, ისეთი დაცული ატრიბუტების საფუძველზე, როგორიცაა ასაკი, სქესი, რასა, კასტა, რელიგია, სექსუალური ორიენტაცია ან ვეტერანის სტატუსი. შეიტყვეთ მეტი სიძულვილის დამთესავ განცხადებასთან დაკავშირებული წესების შესახებ.
- ძალადობა: ეს წესები კონკრეტულ ინდივიდებს იცავს. ჩვენ მივიჩნევთ, რომ კონტენტი ძალადობის შემცველია, თუ ის ადამიანს ხანგრძლივად, ან მავნე განზრახვით შეურაცხყოფს მისი არსებითი დამახასიათებლების, მათ შორის, დაცული ჯგუფის სტატუსის ან ფიზიკური თვისებების საფუძველზე. ამაში ასევე შედის მავნე ქმედებები, როგორიცაა მუქარა, დაჩაგვრა, დოქსინგი ან ფანების მხრიდან არასათანადო ქცევის წახალისება. შეიტყვეთ მეტი ძალადობასთან დაკავშირებული წესების შესახებ.
სენსიტიური კონტენტი
ჩვენ იმედი გვაქვს, რომ დავიცავთ მნახველებს, შემქმნელებსა და განსაკუთრებით მცირეწლოვანებს. სწორედ ამას ითვალისწინებს წესები, რომლებიც ეხება ბავშვების უსაფრთხოებას, მათ დაცვას სექსსა და სიშიშვლესთან, ასევე, თვითდაზიანებასთან დაკავშირებული კონტენტისგან. შეიტყვეთ, რა ტიპის კონტენტია დაშვებული YouTube-ზე და როგორ მოიქცეთ, თუ წააწყდებით კონტენტს, რომელიც ამ წესებს არღვევს.
- სიშიშვლესა და სექსუალური შინაარსის კონტენტთან დაკავშირებული წესები
- სუიციდთან, თვითდაზიანებასა და კვებით აშლილობებთან დაკავშირებული წესები
სუიციდსა და თვითდაზიანებასთან დაკავშირებული პრობლემების მქონეთა მხარდაჭერის რესურსი
ქვემოთ წარმოდგენილია ორგანიზაცია, რომელიც ამ პრობლემების მქონე ადამიანების დახმარებას ითვალისწინებს სინგაპურში. ეს ორგანიზაცია კრიზისთან დაკავშირებული სერვისის საკითხში აღიარებული პარტნიორია.
|
1800-221-4444 |
ძალადობრივი ან საშიში კონტენტი
სიძულვილის დამთესავი განცხადება, მტაცებლური ქცევა, ნატურალისტური ძალადობა, მავნე თავდასხმები და კონტენტი, რომელიც პროპაგანდას უწევს მავნე ან სახიფათო ქცევას, არ დაიშვება YouTube-ზე.
- ძალადობრივ ან ნატურალისტურ კონტენტთან დაკავშირებული წესები
- ძალადობრივ კრიმინალურ ორგანიზაციებთან დაკავშირებული წესები
რეგულაციით შეზღუდული საქონელი
შეტყობინება წესების დამრღვევი კონტენტის შესახებ
თუ აღმოაჩენთ კონტენტს, რომელიც არღვევს ზემოთ ჩამოთვლილ წესებს, შეიტყვეთ, როგორ მოახსენოთ YouTube-ზე არასათანადო ვიდეოების, არხებისა და სხვა კონტენტის შესახებ.
თუ იპოვით უკანონო კონტენტს, შეიტყვეთ, როგორ შეიტანოთ სამართლებრივი საჩივარი ან პირდაპირ მოახსენოთ მის შესახებ.
მშობელთა კონტროლი
თუ მშობელი ხართ, გაეცანით დამატებით ინფორმაციას მშობლების კონტროლისა და YouTube Kids პროფილის პარამეტრებისა და ზედამხედველობის ქვეშ მყოფი ანგარიშების შესახებ.
შემქმნელის უსაფრთხოების ცენტრი
თუ ხართ შემქმნელი და გაინტერესებთ დამატებითი რჩევები და ვიდეოები, რომლებიც დაგეხმარებათ, თავი უფრო უსაფრთხოდ იგრძნოთ YouTube-ზე, ეწვიეთ შემქმნელის უსაფრთხოების ცენტრს.