Jinsi YouTube inavyokagua maudhui

Maudhui huondolewa au kuzuiwa kwenye YouTube yanapobainishwa kuwa yanakiuka mojawapo ya sera zetu, kama vile Mwongozo wetu wa Jumuiya au yanapokiuka sheria fulani. Ili kubaini iwapo maudhui yanakiuka sera zetu, tunatumia mchanganyiko wa mifumo ya kiotomatiki na ukaguzi unaofanywa na binadamu.

Mifumo ya kiotomatiki

Mifumo yetu ya kiotomatiki hutumia mbinu ya mashine kujifunza, inayoiruhusu kutumia data kutoka kwa ukaguzi wa awali uliofanywa na binadamu kutambua maudhui ambayo huenda yana ukiukaji.

Mifumo yetu mingi huendelea kuwekewa mamilioni ya pointi za data kutoka kwa ukaguzi unaofanya na binadamu. Hii inamaanisha kuwa mifumo yetu ya kiotomatiki inaweza kutoa kiwango cha juu cha usahihi katika kutambua ukiukaji. Pia, mifumo ya kiotomatiki huwapa watumiaji wetu majibu kwa nyakati zinazofaa kwa kiwango kikubwa cha maudhui ambayo YouTube hupokea.

Mifumo yetu inapokuwa na imani ya juu sana kuwa maudhui fulani yana ukiukaji, inaweza kufanya uamuzi wa kiotomatiki. Hata hivyo, katika hali nyingi, mifumo yetu ya kiotomatiki itaripoti maudhui kwa mtu anayekagua ambaye amepewa mafunzo, ili ayakague kabla ya hatua yoyote kuchukuliwa.

Ukaguzi unaofanywa na binadamu

Mtu anayekagua anapokagua maudhui ambayo huenda yana ukiukaji, inamaanisha kuwa mtu aliyepewa mafunzo ametathmini maudhui na kufanya uamuzi kulingana na sera au sheria husika.

Iwapo maudhui yamepatikana kuwa yana ukiukaji, watu wetu wanaokagua wanaweza kuondoa maudhui hayo au kuyawekea mipaka ya umri ikiwa hayafai hadhira zote. Iwapo maudhui yana lengo la kuelimisha, kuelezea hali halisi, sayansi au sanaa, tunaweza kuyaruhusu yasalie kwenye YouTube.

Baada ya uamuzi kufanywa kuhusu maudhui, iwapo rufaa imekatwa dhidi ya uamuzi huo, binadamu atakagua rufaa hiyo na kuitathmini kulingana na hali mahususi.

Iwapo unafikiri kuwa mifumo yetu ya kiotomatiki au watu wetu wanaokagua wamefanya makosa au iwapo hukubaliani na uamuzi uliofanywa kuhusu maudhui, pata maelezo kuhusu chaguo zako za utatuzi.

Maswali Yanayoulizwa Sana (FAQ)

Kwa nini YouTube inatumia mifumo ya kiotomatiki kukagua maudhui?

Kila dakika, mamia ya saa za maudhui mapya hupakiwa kwenye YouTube. Kwa sababu hii, mifumo ya kiotomatiki inahitajika ili kudhibiti kiwango hiki kikubwa cha maudhui kwa ufanisi huku ikitoa maamuzi kwa watumiaji wetu kwa wakati unaofaa.

Kumbuka kuwa maamuzi ya kiotomatiki hutolewa tu pale ambapo mifumo yetu ina imani ya juu sana kuwa maudhui yana ukiukaji. La sivyo, maudhui ambayo huenda yana ukiukaji huripotiwa kwa mmoja wa watu wetu wanaokagua ambao wamepewa mafunzo, ili ayafanyie tathmini.

Ni nini maana ya mashine kujifunza?

Mashine kujifunza ni aina ya akili bandia (AI) inayowezesha kompyuta kutekeleza majukumu changamano kwa njia inayofanana na jinsi binadamu wanavyotekeleza majukumu. Ili kufanya hivi, mbinu ya mashine kujifunza hutumia seti kubwa za data kufunza kompyuta ili ziweze kutambua mitindo na kujifunza vitendo vya kuchukua katika hali mbalimbali.

Ni nini hufanyika baada ya maudhui kukaguliwa?

Baada ya maudhui yako kukaguliwa na uamuzi kufanywa, utapata barua pepe kutoka YouTube inayofafanua uamuzi huo na sera au sheria husika ambayo maudhui yanakiuka.

Iwapo unafikiri kuwa mifumo yetu ya kiotomatiki au watu wetu wanaokagua wamefanya makosa au iwapo hukubaliani na uamuzi uliofanywa kuhusu maudhui, unaweza kupata maelezo kuhusu chaguo zako za utatuzi na uteue chaguo linalofaa zaidi hali yako.

Maelezo zaidi

Mwongozo wa Jumuiya

Jinsi YouTube inavyotambua ukiukaji wa Mwongozo wa Jumuiya

Jinsi YouTube inavyotathmini maudhui ya Elimu, Hali Halisi, Sayansi na Sanaa (EDSA)

Hakimiliki

Jinsi YouTube inavyokagua maombi ya kuondoa video kwa kukiuka hakimiliki

Mpango wa Washirika wa YouTube (YPP) 

Jinsi YouTube inavyotekeleza sera za uchumaji wa mapato kwenye YouTube

Jinsi YouTube inavyokagua maombi ya kujiunga kwenye Mpango wa Washirika wa YouTube (YPP)

Faragha

Jinsi YouTube inavyobaini iwapo maudhui yanafaa kuondolewa kwa kukiuka faragha