ວິທີທີ່ YouTube ກວດສອບເນື້ອຫາ

ເນື້ອຫາຈະຖືກລຶບອອກ ຫຼື ຖືກຈຳກັດຢູ່ YouTube ເມື່ອພົບວ່າມັນລະເມີດໜຶ່ງໃນນະໂຍບາຍຂອງພວກເຮົາ ເຊັ່ນ: ຂໍ້ແນະນຳຊຸມຊົນ ຂອງພວກເຮົາ ຫຼື ເມື່ອມັນລະເມີດກົດໝາຍ. ພວກເຮົາໃຊ້ທັງລະບົບອັດຕະໂນມັດ ແລະ ການກວດສອບໂດຍທີມງານເພື່ອພິຈາລະນາວ່າເນື້ອຫາລະເມີດນະໂຍບາຍຫຼືບໍ່.

ລະບົບອັດຕະໂນມັດ

ລະບົບອັດຕະໂນມັດຂອງພວກເຮົາໃຊ້ການຮຽນຮູ້ຂອງເຄື່ອງ, ເຊິ່ງອະນຸຍາດໃຫ້ໃຊ້ຂໍ້ມູນການກວດສອບໂດຍທີມງານທີ່ຜ່ານມາເພື່ອລະບຸເນື້ອຫາທີ່ອາດມີການລະເມີດ.

ລະບົບສ່ວນໃຫຍ່ຂອງພວກເຮົາໄດ້ຮັບຈຸດຂໍ້ມູນຫຼາຍລ້ານລາຍການຈາກການກວດສອບໂດຍທີມງານ. ເຊິ່ງໝາຍຄວາມວ່າລະບົບອັດຕະໂນມັດຂອງພວກເຮົາສາມາດກວດຫາການລະເມີດໄດ້ຢ່າງຖືກຕ້ອງໃນລະດັບສູງ. ນອກຈາກນັ້ນ, ລະບົບອັດຕະໂນມັດຍັງຊ່ວຍໃຫ້ພວກເຮົາຕອບກັບຜູ້ໃຊ້ໄດ້ຢ່າງວ່ອງໄວ ເຖິງແມ່ນວ່າ YouTube ຈະໄດ້ຮັບເນື້ອຫາເປັນຈຳນວນຫຼາຍ.

ເມື່ອລະບົບຂອງພວກເຮົາມີຄວາມໝັ້ນໃຈສູງວ່າເນື້ອຫາມີການລະເມີດ, ລະບົບອາດດຳເນີນການຕັດສິນໂດຍອັດຕະໂນມັດ. ແຕ່ໃນກໍລະນີສ່ວນໃຫຍ່, ລະບົບອັດຕະໂນມັດຂອງພວກເຮົາຈະພຽງແຕ່ໃສ່ທຸງເນື້ອຫາເພື່ອໃຫ້ທີມງານກວດສອບທີ່ຜ່ານການຝຶກອົບຮົມປະເມີນກ່ອນທີ່ຈະດຳເນີນການໃດໆ.

ການກວດສອບໂດຍທີມງານ

ເມື່ອທີມງານກວດສອບເນື້ອຫາທີ່ອາດລະເມີດ, ໝາຍຄວາມວ່າທີມງານທີ່ຜ່ານການຝຶກອົບຮົມຈະປະເມີນເນື້ອຫາດັ່ງກ່າວ ແລະ ຕັດສິນໃຈຕາມນະໂຍບາຍ ຫຼື ກົດໝາຍທີ່ກ່ຽວຂ້ອງ.

ຫາກພົບວ່າເນື້ອຫາມີການລະເມີດ, ທີມງານກວດສອບຂອງພວກເຮົາອາດລຶບເນື້ອຫາອອກ ຫຼື ຈຳກັດອາຍຸ ໃນກໍລະນີທີ່ບໍ່ເໝາະສົມສຳລັບຜູ້ຊົມບາງສ່ວນ. ຫາກເນື້ອຫາມີຈຸດປະສົງເພື່ອ ການສຶກສາ, ສາລະຄະດີ, ວິທະຍາສາດ ຫຼື ສິນລະປະ, ພວກເຮົາອາດອະນຸຍາດໃຫ້ຮັກສາເນື້ອຫາໄວ້ຢູ່ YouTube.

ຫາກມີການອຸທອນຫຼັງຈາກຕັດສິນເນື້ອຫາແລ້ວ, ທີມງານຈະກວດສອບການອຸທອນ ແລະ ປະເມີນແຍກເປັນແຕ່ລະກໍລະນີ.

ຫາກທ່ານຄິດວ່າລະບົບອັດຕະໂນມັດ ຫຼື ທີມງານກວດສອບຂອງພວກເຮົາຕັດສິນຜິດພາດ ຫຼື ຫາກທ່ານບໍ່ເຫັນດີນຳການຕັດສິນກ່ຽວກັບເນື້ອຫາ, ກະລຸນາສຶກສາກ່ຽວກັບ ຕົວເລືອກການແກ້ບັນຫາ ຂອງທ່ານ.

ຄຳຖາມທີ່ຖືກຖາມເລື້ອຍໆ (FAQ)

ເປັນຫຍັງ YouTube ຈຶ່ງໃຊ້ລະບົບອັດຕະໂນມັດໃນການກວດສອບເນື້ອຫາ?

ທຸກໆນາທີມີການອັບໂຫຼດເນື້ອຫາໃໝ່ໆ, ເຊິ່ງມີຄວາມຍາວຮວມກັນຫຼາຍຮ້ອຍຊົ່ວໂມງໃສ່ YouTube. ດ້ວຍເຫດນີ້, ລະບົບອັດຕະໂນມັດຈຶ່ງມີຄວາມຈຳເປັນເພື່ອຈັດການເນື້ອຫາຈຳນວນຫຼາຍນີ້ຢ່າງມີປະສິດທິພາບໃນຂະນະທີ່ແຈ້ງຜົນການຕັດສິນໃຫ້ຜູ້ໃຊ້ຂອງພວກເຮົາຮັບຊາບໄດ້ຢ່າງວ່ອງໄວ.

ກະລຸນາຮັບຊາບວ່າລະບົບອັດຕະໂນມັດແມ່ນຖືກນຳໃຊ້ສະເພາະໃນກໍລະນີທີ່ລະບົບຂອງພວກເຮົາມີຄວາມໝັ້ນໃຈໃນລະດັບສູງວ່າເນື້ອຫາມີການລະເມີດ. ຫາກບໍ່ໝັ້ນໃຈ, ລະບົບຈະໃສ່ທຸງເນື້ອຫາທີ່ອາດລະເມີດໃຫ້ໜຶ່ງໃນທີມງານກວດສອບທີ່ຜ່ານການຝຶກອົບຮົມຂອງພວກເຮົາໄດ້ປະເມີນ.

ການຮຽນຮູ້ຂອງເຄື່ອງແມ່ນຫຍັງ?

ການຮຽນຮູ້ຂອງເຄື່ອງແມ່ນປັນຍາປະດິດ (AI) ປະເພດໜຶ່ງທີ່ຊ່ວຍໃຫ້ຄອມພິວເຕີເຮັດວຽກທີ່ຊັບຊ້ອນໄດ້ໃນລັກສະນະທີ່ຄ້າຍຄືກັບການເຮັດວຽກຂອງມະນຸດ. ເພື່ອດຳເນີນການນີ້, ການຮຽນຮູ້ຂອງເຄື່ອງຈະໃຊ້ຊຸດຂໍ້ມູນຂະໜາດໃຫຍ່ເພື່ອຝຶກໃຫ້ຄອມພິວເຕີຈຳແນກຮູບແບບ ແລະ ສຶກສາການດຳເນີນການທີ່ເໝາະສົມໃນສະຖານະການຕ່າງໆ.

ຈະເກີດຫຍັງຂຶ້ນຫຼັງຈາກເນື້ອຫາໄດ້ຮັບການກວດສອບ?

ຫຼັງຈາກເນື້ອຫາຂອງທ່ານໄດ້ຮັບການກວດສອບ ແລະ ຜ່ານການຕັດສິນແລ້ວ, ທ່ານຈະໄດ້ຮັບອີເມວຈາກ YouTube ທີ່ອະທິບາຍຜົນການຕັດສິນ ແລະ ນະໂຍບາຍ ຫຼື ກົດໝາຍທີ່ກ່ຽວຂ້ອງເຊິ່ງເນື້ອຫາດັ່ງກ່າວໄດ້ລະເມີດ.

ຫາກທ່ານຄິດວ່າລະບົບອັດຕະໂນມັດ ຫຼື ທີມງານກວດສອບຂອງພວກເຮົາຕັດສິນຜິດພາດ ຫຼື ຫາກທ່ານບໍ່ເຫັນດີນຳການຕັດສິນກ່ຽວກັບເນື້ອຫາ, ທ່ານກໍສາມາດສຶກສາກ່ຽວກັບ ຕົວເລືອກການແກ້ບັນຫາ ຂອງທ່ານ ແລະ ດຳເນີນການຕາມຕົວເລືອກທີ່ດີທີ່ສຸດສຳລັບສະຖານະການຂອງທ່ານໄດ້.

ຂໍ້ມູນເພີ່ມເຕີມ

ຂໍ້ແນະນຳຊຸມຊົນ

ວິທີທີ່ YouTube ລະບຸການລະເມີດຂໍ້ແນະນຳຊຸມຊົນ

ວິທີທີ່ YouTube ປະເມີນເນື້ອຫາດ້ານການສຶກສາ, ສາລະຄະດີ, ວິທະຍາສາດ ແລະ ສິນລະປະ (EDSA)

ລິຂະສິດ

ວິທີທີ່ YouTube ກວດສອບຄຳຮ້ອງຂໍໃຫ້ລຶບເນື້ອຫາມີລິຂະສິດອອກ

ໂຄງການຮຸ້ນສ່ວນ YouTube (YPP) 

ວິທີທີ່ YouTube ບັງຄັບໃຊ້ນະໂຍບາຍການສ້າງລາຍໄດ້ຂອງ YouTube

ວິທີທີ່ YouTube ກວດສອບການສະໝັກເຂົ້າຮ່ວມ YPP

ຄວາມເປັນສ່ວນຕົວ

ວິທີທີ່ YouTube ພິຈາລະນາວ່າເນື້ອຫາຄວນຖືກລຶບອອກເນື່ອງຈາກການລະເມີດຄວາມເປັນສ່ວນຕົວຫຼືບໍ່