Paano sumusuri ng content ang YouTube

Inaalis o pinaghihigpitan ang content sa YouTube kapag napag-alamang lumalabag ito sa isa sa aming mga patakaran, gaya ng aming Mga Alituntunin ng Komunidad, o kapag may nilalabag itong batas. Para matukoy kung lumalabag ang content, gumagamit kami ng kumbinasyon ng mga naka-automate na system at mga pagsusuri ng tao.

Mga naka-automate na system

Gumagamit ng machine learning ang aming mga naka-automate na system, na nagbibigay-daan sa mga itong gumamit ng data mula sa mga nakaraang pagsusuri ng tao para tumukoy ng potensyal na lumalabag na content.

Tuloy-tuloy na binibigyan ang karamihan sa aming mga system ng milyon-milyong data point mula sa mga pagsusuri ng tao. Ibig sabihin nito, nakakapag-alok ang aming mga naka-automate na system ng mataas na level ng katumpakan sa pag-detect ng mga paglabag. Mabilis ding nasasagot ng aming mga naka-automate na system ang aming mga user para sa napakaraming content na natatanggap ng YouTube.

Kapag mataas ang kumpiyansa ng aming mga system na lumalabag ang content, posibleng gumawa ang mga ito ng naka-automate na desisyon. Gayunpaman, sa karamihan ng mga sitwasyon, ifa-flag lang ng aming mga naka-automate na system ang content sa isang sinanay na taong tagasuri para masuri bago gumawa ng anumang pagkilos.

Mga pagsusuri ng tao

Kapag sinusuri ng isang taong tagasuri ang potensyal na lumalabag na content, nangangahulugan itong sinusuri ng isang sinanay na tao ang content at gumagawa siya ng desisyon batay sa nauugnay na patakaran o batas.

Kung mapapatunayang lumalabag ang content, puwedeng alisin ng aming mga taong tagasuri ang content o paghigpitan ito ayon sa edad kung hindi ito naaangkop para sa lahat ng audience. Kung may layuning pang-edukasyon, pandokumentaryo, pang-agham, o pansining ang content, posibleng payagan namin itong manatili sa YouTube.

Kapag nakagawa na ng desisyon sa content, kung iaapela ang desisyon, susuriin ng isang tao ang apela at pagpapasyahan ito batay sa sitwasyon.

Kung sa palagay mo ay nagkamali ang aming mga naka-automate na system o mga taong tagasuri, o kung hindi ka sumasang-ayon sa isang desisyon sa content, alamin ang tungkol sa iyong mga opsyon sa pagresolba.

Mga madalas itanong (Mga FAQ)

Bakit gumagamit ang YouTube ng mga naka-automate na system para sumuri ng content?

Kada minuto, daan-daang oras ng bagong content ang ina-upload sa YouTube. Dahil dito, kinakailangan ang pag-automate para epektibong mapamahalaan ang ganito karaming content habang agarang nagbibigay ng mga desisyon sa aming mga user.

Tandaang ginagamit lang ang pag-automate sa mga sitwasyon kung saan mataas ang kumpiyansa ng aming mga system na lumalabag ang content. Kung hindi, nafa-flag ang potensyal na lumalabag na content para masuri ng isa sa aming mga sinanay na taong tagasuri.

Ano ang machine learning?

Ang machine learning ay isang uri ng artificial intelligence (AI) na nagbibigay-daan sa mga computer na magsagawa ng mga kumplikadong gawain sa paraang katulad sa kung paano nagsasagawa ng mga gawain ang mga tao. Para gawin ito, gumagamit ang machine learning ng malalaking hanay ng data para sanayin ang mga computer na tumukoy ng mga pattern at alamin ang mga pagkilos na dapat gawin sa iba't ibang sitwasyon.

Ano ang mangyayari kapag nasuri na ang content?

Kapag nasuri na ang iyong content at nakagawa na ng desisyon, makakatanggap ka ng email mula sa YouTube na nagpapaliwanag sa desisyon at sa nauugnay na patakaran o batas na nilabag ng content.

Kung sa palagay mo ay nagkamali ang aming mga naka-automate na system o mga taong tagasuri, o kung hindi ka sumasang-ayon sa isang desisyon sa content, puwede mong alamin ang tungkol sa iyong mga opsyon sa pagresolba at gawin ang pinakamainam na opsyon para sa sitwasyon mo.

Higit pang impormasyon

Mga Alituntunin ng Komunidad

Paano tinutukoy ng YouTube ang mga paglabag sa Mga Alituntunin ng Komunidad

Paano sinusuri ng YouTube ang content na Pang-edukasyon, Pandokumentaryo, Pang-agham, at Pansining (Educational, Documentary, Scientific, and Artistic o EDSA)

Copyright

Paano sinusuri ng YouTube ang mga request sa pag-aalis dahil sa copyright

Partner Program ng YouTube (YouTube Partner Program o YPP) 

Paano ipinapatupad ng YouTube ang mga patakaran sa pag-monetize ng YouTube

Paano sinusuri ng YouTube ang mga aplikasyon sa YPP

Privacy

Paano tinutukoy ng YouTube kung dapat alisin ang content dahil sa paglabag sa privacy