Hoe YouTube inhoud hersien

Inhoud word van YouTube af verwyder of beperk as dit een van ons beleide soos ons gemeenskapsriglyne oortree of as dit die wet oortree. Om te bepaal of inhoud oortree, gebruik ons ’n kombinasie van geoutomatiseerde stelsels en menslike hersienings.

Geoutomatiseerde stelsels

Ons geoutomatiseerde stelsels gebruik masjienleer waarin hulle data van vorige menslike hersienings gebruik om inhoud te identifiseer wat moontlik oortree.

Meeste van ons stelsels kry voortdurend miljoene datapunte van menslike hersienings af. Dit beteken ons geoutomatiseerde stelsels kan oortredings teen ’n hoë vlak van akkuraatheid bespeur. Geoutomatiseerde stelsels verskaf ook effektiewe reaksietye aan ons gebruikers vir die hoë volume inhoud wat YouTube ontvang.

Wanneer ons stelsels met ’n hoë vlak van sekerheid bepaal dat inhoud oortree, kan hulle ’n geoutomatiseerde besluit maak. In die meerderheid gevalle sal ons geoutomatiseerde stelsels egter net inhoud vir ’n opgeleide hersiener vlag, sodat hulle dit kan evalueer voordat enige iets daaraan gedoen word.

Menslike hersienings

Wanneer ’n menslike hersiener inhoud kontroleer wat moontlik oortree, beteken dit ’n opgeleide persoon evalueer die inhoud en maak op grond van die relevante beleid of wet ’n besluit.

Indien die inhoud oortree, kan ons menslike hersieners inhoud verwyder of ’n ouderdomsbeperking daarop plaas as dit nie toepaslik is vir alle gehore nie. Indien die inhoud ’n opvoedkundige, dokumentêre, wetenskaplike of artistieke doel het, kan ons toelaat dat dit op YouTube bly.

Indien ’n besluit geneem word en die besluit word geappelleer, sal ’n persoon die appèl op elke geval se meriete hersien en evalueer.

Indien jy dink ons geoutomatiseerde stelsels of menslike hersieners het ’n fout gemaak of as jy nie met ’n inhoudbesluit saamstem nie, kan jy meer te wete kom oor jou resolusieopsies.

Gereelde vrae

Hoekom gebruik YouTube geoutomatiseerde stelsels om inhoud te hersien?

Honderde ure se inhoud word elke minuut na YouTube opgelaai. Outomatisering is dus nodig om hierdie groot hoeveelheid inhoud effektief te bestuur en tydige besluite aan ons gebruikers oor te dra.

Hou in gedagte dat outomatisering slegs gebruik word in gevalle waar ons stelsels ’n hoë vlak van sekerheid het dat die inhoud oortree. Inhoud wat moontlik oortree word andersins vir een van ons opgeleide menslike hersieners gevlag, sodat hulle dit kan evalueer.

Wat is masjienleer?

Masjienleer is ’n soort kunsmatige intelligensie (AI) wat rekenaars toelaat om komplekse take op ’n soortgelyke manier uit te voer as wat mense take uitvoer. Om dit te kan doen, gebruik masjienleer groot stelle data om rekenaars op te lei om patrone te herken en om handelinge te leer om in verskillende situasies uit te voer.

Wat gebeur nadat inhoud hersien is?

Nadat jou inhoud hersien is en ’n besluit geneem is, sal jy ’n e-pos van YouTube af kry wat die besluit verduidelik, asook die relevante beleid of wet wat die inhoud oortree het.

Indien jy dink ons geoutomatiseerde stelsels of menslike hersieners het ’n fout gemaak of as jy nie met ’n inhoudbesluit saamstem nie, kan jy meer te wete kom oor jou resolusieopsies en met die beste een vir jou situasie voortbeweeg.

Meer inligting

Was dit behulpsaam?

Hoe kan ons dit verbeter?

Hoe YouTube inhoud hersien

Geoutomatiseerde stelsels

Menslike hersienings

Gereelde vrae

Meer inligting

Gemeenskapsriglyne

Kopiereg

YouTube Vennootprogram (YVP)

Privaatheid

Was dit behulpsaam?