Ons het onlangs aangekondig hoe ons die YouTube Vennootprogram (YVP) uitbrei en ontwikkel deur nuwe geskiktheidskriteria vir Kortvideo’s bekend te stel, asook nuwe maniere om op YouTube te verdien (insluitend advertensie-inkomstedeling vir Kortvideo’s), en toegang tot Skeppermusiek oop te maak.
Om hierdie veranderinge moontlik te maak, het ons nuwe YouTube Vennootprogrambepalings. Lees verder om die jongste veranderinge aan hierdie bepalings te verstaan, en doen stappe om te verseker dat jou kanaal kan aanhou om te monetiseer.
Bekendstelling van modules
Ons het die YouTube Vennootprogrambepalings geherstruktureer om nuwe modules in te sluit wat skeppers meer buigsaamheid gee in die maniere waarop hulle uit hul inhoud kan verdien. Na ondertekening van die basisbepalings, wat die basiese kontrakbepalings is vir alle skeppers wat op die platform wil monetiseer, kan skeppers kies en keur uit kontrakmodules om verdiengeleenthede te ontsluit.
Basisbepalings
Die Basisbepalings sluit grondliggende programbepalings in, soos hoe ons jou betaal, ons inhoudbeleide en nuwe bepalings, soos landdeurgange en regteklaringaanpassings. Daar word van alle skeppers wat wil aansluit of reeds aangesluit is by die YouTube Vennootprogram, vereis om die basisbepalings te aanvaar.
Kykbladsymonetiseringsmodule
Die Kykbladsy verteenwoordig bladsye binne YouTube, YouTube Music en YouTube Kids wat toegewy is aan die beskrywing en terugspeel van jou langformaat- en regstreeksstroomvideo’s. Om advertensie- en YouTube Premium-inkomste te verdien op langformaat- en regstreeksstroomvideo’s wat op die Kykbladsy gekyk word, of wanneer dit op ander werwe in die YouTube-videospeler ingebed is, sal jy die Kykbladsy-monetiseringsmodule moet aanvaar. Vir bestaande skeppers in YVP beteken dit dat jy hierdie module sal moet aanvaar om aan te hou om advertensie-inkomste vanaf die Kykbladsy te verdien.
Monetiseringmodule vir Kortvideo's
Die monetiseringmodule vir Kortvideo’s laat jou kanaal toe om inkomste te deel uit advertensies wat tussen video’s in die Kortvideo’s-stroom gekyk word. Sodra jy hierdie module aanvaar het, sal jy so vroeg as 1 Februarie 2023 uit Kortvideo's-stroomadvertensies en YouTube Premium-inkomste begin verdien op jou kwalifiserende Kortvideokyke. As dit ná 1 Februarie 2023 aanvaar word, sal die deling van Kortvideo's-advertensie-inkomste begin oploop op die datum wanneer jy aanvaar. Lees ons YouTube Kortvideo’s-monetiseringbeleide vir meer besonderhede oor hoe advertensie-inkomstedeling vir Kortvideo’s werk.
Handelsprodukmodule
Die Handelsprodukmodule (vroeër die Handelsprodukaddendum) ontsluit ’n reeks aanhangerbefondsingskenmerke wat jou help om geld te verdien terwyl jy met jou aanhangers in aanraking bly. Dit wissel van kanaallidmaatskappe tot Superklets, Super Stickers en Superdankie. Hierdie bepalings bly dieselfde. As jy hulle reeds aanvaar het, hoef jy hulle daarom nie weer te aanvaar nie.
Wat gebeur as jy nie opgedateerde bepalings aanvaar nie
Dit is belangrik dat alle vennote die nuwe YouTube Vennootprogrambepalings hersien en verstaan. Aanvaarding van die basisbepalings is nodig om by YPP aan te sluit of te bly.
Die Kortvideo's-advertensie-inkomstedeling begin 1 Februarie 2023. Om advertensie-inkomste op jou Kortvideo's-aansigte te begin verdien, sal monetiseringsvennote die basisbepalings en monetiseringmodule vir Kortvideo's moet aanvaar. Jy sal nie kan verdien uit Kortvideo-stroomadvertensies totdat jy dit doen nie. Kortvideo-kyke wat opgeloop het voordat die monetiseringmodule vir Kortvideo's aanvaar is, kwalifiseer nie vir Kortvideo's-advertensie-inkomstedeling nie.
Om in die YouTube Vennootprogram te bly en aan te hou om op YouTube te monetiseer, sal alle monetiseringvennote tot 10 Julie 2023 hê om nuwe bepalings te hersien en te aanvaar. As jy nie ten minste die basisbepalings teen daardie datum aanvaar nie, sal jou kanaal uit die YouTube Vennootprogram verwyder word en jou monetiseringsooreenkoms beëindig word. Nadat dit gebeur het, sal jy weer moet kwalifiseer en weer moet aansoek doen om weer aan te sluit.
Sodra jou kanaal van YPP verwyder is, hou in gedagte dat YouTube se diensbepalings steeds van toepassing is en jou gebruik van YouTube beheer. Dit sluit YouTube se reg in om op jou inhoud te monetiseer en advertensies te vertoon. As jy tans nie in die YouTube Vennootprogram is nie, maar jy voorheen was, kan jy dalk steeds sien dat advertensies op jou inhoud vertoon word, maar jy sal nie op betaling geregtig wees nie.
Gereelde vrae
Hoekom het jy besluit om die terme te modulariseer?
Die bekendstelling van modules aan die YouTube Vennootprogrambepalings beteken dat ons in die toekoms nuwe monetiseringsgeleenthede kan byvoeg sonder dat dit nodig is om die hele monetiseringsooreenkoms op te dateer of te wysig.
Hierdie benadering gee skeppers ook groter deursigtigheid en fokus om te besluit watter monetiseringsgeleenthede reg is vir hul kanaal.
Kan ek onttrek van sekere modules nadat ek dit aanvaar het?
Hoe werk dit vir kanale in ’n multikanaalnetwerk (MKN)?
Wat moet ek weet as ek Studio Inhoudbestuurder (CMS) gebruik?
Vennote met toegang tot Studio Inhoudbestuurder (CMS) sal ’n monetiseringwysiging moet aanvaar wat monetisering van jou langformaatinhoud op die kykbladsy insluit. Dit sluit ook grondliggende programbepalings in soos hoe ons jou betaal, ons inhoudbeleide en nuwe bepalings soos landdeurgange, regteklaringaanpassings, en inhoud wat kwalifiseer om hervermeng te word. Vennote wat Kortvideo’s-advertensie-inkomstedeling wil ontsluit, sal ook die monetiseringmodule vir Kortvideo’s moet aanvaar.
Vennote wat YouTube Studio Inhoudbestuurder gebruik, sal ook nuwe bepalings teen 10 Julie 2023 moet hersien en aanvaar. As jy nie ten minste die Monetiseringswysiging teen daardie datum aanvaar het nie, sal jou monetiseringsooreenkoms beëindig word en sal jou kanale nie meer op YouTube monetiseer nie.YouTube se bepalings help om seker te maak dat ons ’n stelsel lewer waar ons waarde aan adverteerders en gebruikers kan bied, en skeppers verantwoordelik en billik kan beloon. Gevalle van finansiële bedrog, wat verdienste onbillik deur vals kyke of aankope met gebruik van gesteelde kredietkaarte vasvang, skaad die stelsel deur te veroorsaak dat adverteerders, skeppers en kykers vertroue daarin verloor.
Wanneer ons sulke misbruik bespeur, doen ons waar toepaslik en moontlik terugbetalings aan partye wat negatief geraak is, soos adverteerders en gebruikers. YouTube hou nie hierdie inkomste nie, en skeppers moet ook nie ’n deel van enige terugbetaalde inkomste ontvang nie. Enige optrede wat ons doen, geskied in verhouding tot die omstandighede, soos in verwante beleide uiteengesit word. Byvoorbeeld, terwyl ons dalk inkomste wat spruit uit finansiële bedrog sal verhaal en terugbetaal, probeer ons nie inkomste verhaal as daar later gevind word dat video’s nie aan ons riglyne vir adverteerdervriendelike inhoud voldoen nie.
Die “Niekwalifiserende inkomste”-afdeling van die YouTube Vennootprogram se nuwe bepalings weerspieël nie nuwe beleid nie. Pleks daarvan is hierdie afdeling daarop gemik om groter deursigtigheid van ons bestaande programbeleide teweeg te bring oor veranderinge aan of vertragings van betalings in gevalle soos finansiële bedrog. “Niekwalifiserende inkomste” dek 2 verskillende scenario’s waarin ons inkomste kan verhaal in die geval van spesifieke oortredings, soos ongeldige verkeer:
- YouTube kan enige vennootverdienste wat met ’n skending van die bepalings geaossosieer word, terughou of aanpas.
- Byvoorbeeld, as ons finansiële bedrog bespeur voordat ’n betaling gedoen word, kan ons die betaling aanpas om die geassosieerde inkomste te vewyder, of betaling van daardie gedeelte van die inkomste terughou terwyl ons die bedrog ondersoek.
- YouTube kan sulke bedrae terugskryf of aftrek van toekomstige vennootverdienste wat aan jou betaalbaar is.
- Byvoorbeeld, as ons finansiële bedrog bespeur nadat ’n betaling gedoen is, kan die geassosieerde inkomste teruggeskryf word teen enige AdSense vir YouTube-saldo wat nog nie uitbetaal is nie, of anders van toekomstige verdienste afgetrek word. Wanneer dit gebeur, word terugskrywings van jou AdSense vir YouTube-saldo afgetrek, nie van jou bankrekening nie.