ພວກເຮົາໄດ້ຮວບຮວມເອົາຄຳຖາມທີ່ຖືກຖາມເລື້ອຍໆມາໄວ້ນຳກັນເພື່ອຊ່ວຍຕອບຄຳຖາມ ແລະ ແກ້ໄຂບັນຫາກ່ຽວກັບຮາງວັນຜູ້ສ້າງ YouTube ແລ້ວ.
ຂ້ອຍບັນລຸໜຶ່ງໃນເປົ້າໝາຍຈຳນວນຜູ້ຕິດຕາມ. ເປັນຫຍັງຂ້ອຍຈິ່ງບໍ່ໄດ້ຮັບການແຈ້ງເຕືອນກ່ຽວກັບຮາງວັນຜູ້ສ້າງຂອງຂ້ອຍ?
ກ່ອນຈະສາມາດອອກຮາງວັນໃຫ້ໄດ້, ພວກເຮົາຈະກວດສອບຊ່ອງຂອງທ່ານເພື່ອຮັບປະກັນວ່າມັນປະຕິບັດໄດ້ຕາມເກນການຮັບສິດທັງໝົດ. ຖ້າທ່ານບັນລຸເຫດການສຳຄັນໃນຈຳນວນຜູ້ຕິດຕາມໃນອາທິດຜ່ານມາ, ການມີສິດຂອງຊ່ອງຂອງທ່ານໃນການຮັບຮາງວັນຜູ້ສ້າງອາດຢູ່ລະຫວ່າງການກວດສອບ ເນື່ອງຈາກການກວດສອບຂອງພວກເຮົາອາດຈະໃຊ້ເວລາຮອດ 10 ມື້.
ພວກເຮົາຈະຕິດຕໍ່ຫາທ່ານທາງອີເມວເມື່ອທ່ານສາມາດແລກຮັບຮາງວັນຜູ້ສ້າງຂອງທ່ານໄດ້. ນອກຈາກນັ້ນ, ທ່ານຍັງອາດໄດ້ຮັບການແຈ້ງເຕືອນນັ້ນເປັນແບນເນີໃນ YouTube Studio ນຳ.
ຂ້ອຍໄດ້ຮັບການແຈ້ງເຕືອນ, ແຕ່ຂ້ອຍບໍ່ສາມາດພົບເຫັນລະຫັດແລກຮັບ. ຂ້ອຍສາມາດຊອກຫາມັນໄດ້ຢູ່ໃສ?
ຂ້ອຍໄດ້ແລກຮັບຮາງວັນຜູ້ສ້າງຂອງຂ້ອຍແລ້ວ, ແຕ່ມັນຈະຖືກຈັດສົ່ງເມື່ອໃດ?
ຫຼັງຈາກແລກຮັບຮາງວັນຜູ້ສ້າງຂອງທ່ານແລ້ວ, ທ່ານຈະໄດ້ຮັບອີເມວການຢືນຢັນຄຳສັ່ງຊື້ໂດຍອັດຕະໂນມັດ. ໃນອີກປະມານ 2 ອາທິດ, ທ່ານຄວນໄດ້ຮັບອີເມວການຢືນຢັນການຈັດສົ່ງຈາກຜູ້ໃຫ້ບໍລິການຈັດສົ່ງເມື່ອຮາງວັນຂອງທ່ານຖືກຈັດສົ່ງແລ້ວ. ກະລຸນາອ້າງອີງໃສ່ອີເມວການຢືນຢັນການຈັດສົ່ງຂອງທ່ານເພື່ອຢືນຢັນສະຖານະ ແລະ ວັນທີການຈັດສົ່ງຂອງຮາງວັນຂອງທ່ານ. ກະລຸນາກວດສອບໂຟນເດີສະແປມຂອງທ່ານຫາກທ່ານບໍ່ພົບການຢືນຢັນຄຳສັ່ງຊື້ ຫຼື ການຈັດສົ່ງຂອງທ່ານໃນເບື້ອງຕົ້ນ.
ສໍາລັບລະຫັດທີ່ຖືກແລກຊື້ຫຼັງຈາກວັນທີ 1 ມິຖຸນາ 2023, ທ່ານສາມາດຕິດຕາມສະຖານະຂອງຄຳສັ່ງຊື້ຂອງທ່ານໄດ້ ທີ່ນີ້.
ຢ່າລືມຕອບກັບຫາກບໍລິສັດຈັດສົ່ງຕິດຕໍ່ເພື່ອຮ້ອງຂໍເອກະສານ ຫຼື ຂໍ້ມູນເພີ່ມເຕີມຈາກທ່ານ. ນີ້ອາດຊ່ວຍໃຫ້ຮາງວັນຂອງທ່ານຜ່ານພາສີ ຫຼື ຖືກຈັດສົ່ງຫາທ່ານໄດ້.
ບັນຫາທົ່ວໄປຮວມມີ:
- ອາດມີຄວາມຫຼ້າຊ້າໃນຂັ້ນຕອນການຈັດສົ່ງສິນຄ້າເນື່ອງຈາກປະລິມານການແລກຮັບທີ່ສູງກວ່າຄາດໝາຍ.
- ທ່ານອາດຈະບໍ່ໃຫ້ໄດ້ຂໍ້ມູນການຈັດສົ່ງທີ່ຄົບຖ້ວນ ຫຼື ຖືກຕ້ອງເພື່ອໃຫ້ສາມາດຈັດສົ່ງໄດ້. ຖ້າເບິ່ງອີເມວຈາກຮາງວັນສັງຄົມຖ້າມັນຕົກຢູ່ກໍລະນີນັ້ນ.
- ອາດມີຄວາມຫຼ້າຊ້າໃນຂະບວນການຈັດສົ່ງ, ເນື່ອງຈາກບັນຫາຕ່າງໆ, ເຊັ່ນ: ການອະນຸຍາດພາສີ, ສະພາບອາກາດທີ່ບໍ່ເອື້ອອຳນວຍ ຫຼື ຈຳນວນມື້ພັກຫຼາຍ.
ຂ້ອຍໄດ້ແລກຊື້ລາງວັນຜູ້ສ້າງຂອງຂ້ອຍແລ້ວ, ແຕ່ຂ້ອຍຍັງບໍ່ທັນໄດ້ຮັບມັນເທື່ອ?
ຖ້າຮາງວັນຜູ້ສ້າງຂອງທ່ານຍັງບໍ່ທັນໄດ້ຖືກຈັດສົ່ງເທື່ອ, ລອງເຮັດສິ່ງຕໍ່ໄປນີ້:
- ກວດເບິ່ງສະຖານະການຈັດສົ່ງໂດຍໃຊ້ໝາຍເລກຕິດຕາມທີ່ໄດ້ສົ່ງເມວຫາທ່ານໃນອີເມວການຢືນຢັນການຈັດສົ່ງຂອງທ່ານ ແລະ ຕື່ມຂໍ້ມູນໃສ່ເອກະສານທີ່ຮ້ອງຂໍທັງໝົດ.
- ຫາກລະຫັດຂອງທ່ານຖືກແລກຊື້ຫຼັງຈາກວັນທີ 1 ມິຖຸນາ 2023, ທ່ານສາມາດຕິດຕາມສະຖານະຂອງຄຳສັ່ງຊື້ຂອງທ່ານ ແລະ ດຶງເອົາໝາຍເລກຕິດຕາມຂອງທ່ານ ທີ່ນີ້.
- ຕິດຕໍ່ກັບຝ່າຍບໍລິການຈັດສົ່ງເພື່ອເບິ່ງວ່າຈຳເປັນຕ້ອງມີຂໍ້ມູນ ຫຼື ເອກະສານເພີ່ມເຕີມຈາກທ່ານ ຫຼື ບໍ່.
ຂ້ອຍໄດ້ຮັບຮາງວັນຜູ້ສ້າງໄປແລ້ວ. ຂ້ອຍຈະສັ່ງຊື້ອີກໄດ້ບໍ່?
ຂ້ອຍສາມາດຂາຍ ຫຼື ປະມູນຮາງວັນຂອງຂ້ອຍເພື່ອຜົນກຳໄລໄດ້ຫຼືບໍ່?
ບໍ່. ຮາງວັນຜູ້ສ້າງມີໄວ້ສຳລັບການໃຊ້ສ່ວນຕົວເທົ່ານັ້ນ ແລະ ຫ້າມຈຳໜ່າຍ ຫຼື ແຈກຢາຍໃຫ້ກັບບຸກຄົນໃດໜຶ່ງທີ່ບໍ່ແມ່ນສະມາຊິກທີມຊ່ອງຂອງທ່ານ. ຜູ້ສ້າງທີ່ຖືກພົບເຫັນວ່າລະເມີດນະໂຍບາຍນີ້ອາດຖືກດຳເນີນການທາງວິໄນ.
ການດຳເນີນການທາງວິໄນສາມາດປະກອບດ້ວຍ:
- ການຍຶດຮາງວັນ
- ການບໍ່ມີສິດໄດ້ຮັບຮາງວັນໃນອະນາຄົດ
- ຄວາມເປັນໄປໄດ້ທີ່ຈະປິດບັນຊີ YouTube ຫຼື Google ຂອງທ່ານ
ຮາງວັນຜູ້ສ້າງຂອງຂ້ອຍມາຮອດແລ້ວ, ແຕ່ມັນເສຍຫາຍ. YouTube ສາມາດປ່ຽນອັນໃໝ່ໃຫ້ໄດ້ບໍ?
ຮາງວັນຜູ້ສ້າງແມ່ນເຮັດດ້ວຍມື ແລະ ອາດຈະມີຄວາມບໍ່ສົມບູນ ແລະ ຄວາມບໍ່ສອດຄ່ອງເລັກນ້ອຍທີ່ເປັນຜົນຂອງຂະບວນການຜະລິດຕາມປົກກະຕິ. YouTube ຈະບໍ່ຮັບຜິດຊອບຕໍ່ຂໍ້ບົກຜ່ອງເລັກນ້ອຍ ຫຼື ຮາງວັນທີ່ໄດ້ຮັບຄວາມເສຍຫາຍເລັກນ້ອຍໃນລະຫວ່າງຂັ້ນຕອນຈັດສົ່ງ.
ຫາກຮາງວັນຂອງທ່ານໄດ້ຮັບຄວາມເສຍຫາຍຢ່າງຮຸນແຮງ, ກະລຸນາຕິດຕໍ່ທີມງານການຜະລິດຂອງພວກເຮົາ ບ່ອນນີ້ ພາຍໃນ 7 ມື້ຫຼັງຈາກໄດ້ຮັບຮາງວັນ. ທີມງານຈະພະຍາຍາມປ່ຽນທົດແທນຮາງວັນເມື່ອທ່ານສົ່ງຄືນຮາງວັນທີ່ມີຄວາມເສຍຫາຍແລ້ວ.ເປັນຫຍັງຈຶ່ງມີການຂໍໃຫ້ຂ້ອຍຈ່າຍຄ່າພາສີ ແລະ/ຫຼື ອາກອນ?
ບາງປະເທດ/ພາກພື້ນກຳນົດໃຫ້ຕ້ອງຈ່າຍຄ່າພາສີ ແລະ/ຫຼື ອາກອນສຳລັບຮາງວັນຜູ້ສ້າງທີ່ຖືກຈັດສົ່ງ. ຕາມກົດໝາຍແລ້ວ, YouTube ບໍ່ສາມາດຄອບຄຸມຄ່າໃຊ້ຈ່າຍເຫຼົ່ານີ້. ປະເທດເຫຼົ່ານີ້ປະກອບດ້ວຍ:
- ອາເມເນຍ
- ອາເຊີໄບຈານ
- ຄີກີສຖານ
- ໂມລໂດວາ
- ອຸສເບກິສຖານ
ຂ້ອຍເປັນສິນລະປິນທີ່ມີຊ່ອງສິນລະປິນຢ່າງເປັນທາງການ. ຂ້ອຍມີສິດໄດ້ຮັບຮາງວັນຜູ້ສ້າງບໍ?
ໃນຖານະທີ່ເປັນ ຊ່ອງສິນລະປິນຢ່າງເປັນທາງການ (OAC), ທ່ານຈະໄດ້ຮັບຮາງວັນຜູ້ສ້າງເມື່ອທ່ານມີຈຳນວນຜູ້ຕິດຕາມຄົບຕາມເກນ ແລະ ມີຄຸນສົມບັດກົງຕາມຂໍ້ກຳນົດຂອງການໄດ້ຮັບສິດເຊິ່ງໄດ້ລະບຸໄວ້ຢູ່ເທິງສຸດຂອງໜ້ານີ້. ພວກເຮົາຈະມອບຮາງວັນໃຫ້ໂດຍທີ່ທ່ານບໍ່ຕ້ອງເສຍຄ່າໃຊ້ຈ່າຍພຽງ 1 ຮາງວັນຕໍ່ສິນລະປິນ ແລະ ຕໍ່ເກນເທົ່ານັ້ນ.
ຖ້າກ່ອນໜ້ານີ້ ທ່ານມີ ຊ່ອງທີ່ສ້າງຫົວຂໍ້ຂຶ້ນໂດຍອັດຕະໂນມັດ ຫຼື ຊ່ອງທີ່ຮຸ້ນສ່ວນຈັດຫາໃຫ້ເຊິ່ງໄດ້ຮັບຮາງວັນ, ທ່ານຈະບໍ່ໄດ້ຮັບຮາງວັນນັ້ນອີກ ເມື່ອຈຳນວນຜູ້ຕິດຕາມຂອງທ່ານຖືກຮວມເຂົ້າກັບ OAC ຂອງທ່ານ.