Watayarishi wanatakiwa kuwa na haki zote zinazohitajika za maudhui wanayopakia kwenye YouTube au wawe na ruhusa zote za kisheria zinazohitajika kutoka kwa wenye haki za maudhui. Kwa kutumia Muziki wa Watayarishi, watayarishi waliotimiza masharti wana uwezo wa kufikia orodha ya muziki inayokua ili waitumie katika video zao ndefu kwa kuweka makubaliano ya leseni au kugawana mapato na wenye haki za muziki. Ikiwa leseni hazijanunuliwa kabla ya kutumia muziki, watayarishi waliotimiza masharti wanaweza kugawana mapato na wenye haki za muziki badala yake.
Ili kuruhusu ugavi wa mapato ya muziki, YouTube inaweza kuidhinisha haki za ziada za muziki, kama vile haki za utendaji, kwa wenye haki za muziki. Makato ya ugavi wa mapato ya mtayarishi kufidia gharama ya uidhinishaji wa haki za ziada za muziki ni marekebisho ya kuidhinisha haki.
Je, marekebisho ya uidhinishaji wa haki hutumika wakati gani?
Marekebisho ya uidhinishaji wa haki hutegemea nchi au eneo ambako haki zinamilikiwa. Hasa marekebisho ya uidhinishaji wa haki hutumika tu kwenye nchi au maeneo ambako video ndefu zinatumika kuchuma mapato.
Ili uone nyimbo zinazoruhusiwa kufanya ugavi wa mapato, watayarishi wanaotimiza masharti wanaweza kuvinjari maelezo ya matumizi ya wimbo kwenye kipengele cha Muziki kwa Watayarishi. Baada ya video kuchapishwa, watayarishi wanaweza kutumia Studio ya YouTube kuangalia nchi au maeneo ambako video inatumika kugawana mapato.
Je, ni nini hufanyika wakati marekebisho ya kuidhinisha haki hayatumiki?
Wakati marekebisho ya kuidhinisha haki yanayoelezewa kwenye ukurasa huu hayatumiki, lakini YouTube ifahamishwe na mhusika mwingine mmoja au zaidi kwamba huenda watayarishi hawana haki zote zinazohitajika, basi YouTube inaweza kuchukua hatua ya kuondoa maudhui husika na watayarishi wanaweza kutostahiki kupokea mapato yanayohusiana nayo.
Hasa, pale ambapo mhusika mmoja au zaidi wanadai sehemu ya maudhui yoyote kwa ajili ya uchumaji wa mapato kupitia mfumo wa Content ID, mapato ambayo mtayarishi huyo angefaa kupata yatalipwa kwa wahusika hao wanaodai. Pale ambapo kuna zaidi ya mhusika mmoja anayedai, mapato hayo yatagawanywa kati yao kwa misingi ya uwiano, mgao huo wa uwiano ukiamuliwa na YouTube kwa hiari yake adilifu.
Pata maelezo zaidi kuhusu madai ya Content ID.
Je, marekebisho ya kuidhinisha haki hukokotolewa namna gani?
Kwa kutumia Muziki kwa Watayarishi, ikiwa video ndefu inatumia nyimbo zinazostahiki katika ugavi wa mapato, kiwango cha kawaida cha asilimia 55 ya ugavi wa mapato hurekebishwa ili kufidia gharama za kuidhinisha haki za muziki kama ilivyoonyeshwa kwenye mifano hapa chini. Hali hii hutegemea:
- Idadi ya nyimbo zilizotumika: Idadi ya nyimbo zinazostahiki katika ugavi wa mapato ambazo mtayarishi hutumia kwenye video zake (angalia mifano hapa chini).
- Gharama za haki za ziada za muziki: Makato ya kufidia gharama za haki za ziada za muziki, kama vile haki za utendaji. Makato haya yanaweza kuwa hadi asilimia 5 na yataonyesha gharama iliyochanganywa ya haki hizi za ziada za muziki katika nyimbo zilizo kwenye Muziki wa Watayarishi ambazo zinastahiki katika ugavi wa mapato.
Mfano: Matumizi ya wimbo 1 unaoweza kutumika katika ugavi wa mapato |
|||||||||||
|
Mfano: Mtayarishi anatumia wimbo 1 unaoweza kutumika katika ugavi wa mapato kwenye video yake ndefu na anapata nusu ya kiwango cha kawaida cha asilimia 55 ya ugavi wa mapato (asilimia 27.5). Ikiwa kama mfano, makato ya gharama za haki za ziada za muziki yanaweza kuwa asilimia 2.5. Kwenye video hii, mtayarishi angeweza kupata asilimia 25 ya mapato ya jumla (asilimia 27.5 - asilimia 2.5). |
|
||||||||||
Mfano: Matumizi ya nyimbo 2 zinazoweza kutumika katika ugavi wa mapato na wimbo 1 uliopewa leseni |
|||||||||||
|
Mfano: Mtayarishi anatumia nyimbo 2 zinazoweza kutumika katika ugavi wa mapato na wimbo 1 uliopewa leseni kwenye video yake ndefu na anapata theluthi ya kiwango cha kawaida cha asilimia 55 ya ugavi wa mapato (asilimia 18.33). Ikiwa kama mfano, makato ya gharama za haki za ziada za muziki inaweza kuwa asilimia 2. Kwa video hii, mtayarishi angeweza kupata asilimia 16.33 ya mapato ya jumla (asilimia 18.33 - asilimia 2). |
|
||||||||||
Je, marekebisho ya uidhinishaji wa haki yanaweza kupingwa?
Ikiwa mtayarishi ana sababu halali ya kupinga dai la marekebisho ya kuidhinisha haki, kama vile kumiliki haki zote zinazohitajika za maudhui husika, anaweza kuamua kupinga dai la Content ID.
Watayarishi wanatakiwa kuhakikisha wanafahamu kinachotokea katika uchumaji mapato wakati wa kupinga dai la Content ID, kabla dai la Content ID halijapingwa.