Kuweka au kupata idhini ya ufikiaji wa Mhariri wa Manukuu kwenye Studio ya YouTube

Mhariri wa Manukuu ni ruhusa mpya ya chaneli kwenye Studio ya YouTube inayowaruhusu watayarishi kukabidhi watu wengine jukumu la utayarishaji wa manukuu kwenye chaneli yao. Pata maelezo zaidi kuhusu jinsi ya kuweka au kuondoa ufikiaji kwenye chaneli yako ya YouTube.

Jukumu la Mhariri wa Manukuu halipatikani ikiwa unatumia Akaunti ya Biashara. Pata maelezo zaidi kuhusu jinsi ya kuhamia kwenye ruhusa za chaneli ukiwa unatumia Akaunti ya Biashara.

Jukumu la Mhariri wa Manukuu Kutumia Ruhusa za Chaneli

Toa idhini ya kufikia jukumu la Mhariri wa Manukuu ukiwa mmiliki au msimamizi wa chaneli

Muhimu: Toa idhini ya kufikia kwa watumiaji unaowaamini pekee. 

1. Ingia katika akaunti ya Studio ya YouTube kwenye kompyuta.
2. Kwenye menyu ya kushoto, bofya Mipangilio.
3. Bofya Ruhusa.
4. Bofya Alika kisha uweke anwani ya barua pepe ya chaneli ambayo ungependa kualika.
   1. Chaneli iliyoalikwa lazima ihusishwe na Akaunti ya Google.
5. Bofya Ufikiaji kisha uchague jukumu la Mhariri wa Manukuu.
6. Bofya Nimemaliza.
7. Bofya Hifadhi ili kutuma mwaliko.

Weka lugha ya video ukiwa mmiliki au msimamizi wa chaneli

Wahariri wa Manukuu wanaweza tu kuweka au kuhariri manukuu kwenye video ambapo umeweka lugha ya video.

1. Ingia katika akaunti ya Studio ya YouTube kwenye kompyuta.
2. Kwenye menyu ya kushoto, bofya Maudhui.
3. Bofya visanduku vya kuteua karibu na video zote unazotaka kuwekea manukuu.
4. Kwenye upavu wa juu, bofya Hariri
5. Kwenye kishale cha chini, bofya Lugha ya video.
6. Chagua lugha ya video unayopendelea.
7. Bofya SASISHA VIDEO.

Ili uweke lugha chaguomsingi ya video itumike kwenye upakiaji wote wa siku zijazo, nenda kwenye Mipangilio katika Studio ya YouTube. Chini ya kichupo cha Mipangilio ya Kina, chagua lugha ya video unayopendelea.

Pata uwezo wa kufikia jukumu la Mhariri wa Manukuu kama mmiliki/msimamizi asiye wa chaneli

1. Kwanza, mtayarishi anahitaji kukualika kuwa Mhariri wa Manukuu katika mipangilio yake ya Studio ya YouTube.
2. Mtayarishi akishakualika, angalia barua pepe yako ili uone ujumbe unaoitwa "Mwaliko wa ufikiaji [jina la chaneli].
3. Bofya Kubali mwaliko ili uende kwenye Studio ya YouTube.
   1. Dirisha ibukizi litaonyesha jina la chaneli ambayo utahariri manukuu, na jukumu la chaneli yako.
4. Bofya FUNGA ili kuendelea kwenye Studio kama Mhariri wa Manukuu.

Kumbuka: Wahariri wa Manukuu wanaweza tu kufikia sehemu ya Manukuu ya Studio ya YouTube. Watumiaji walio na kiwango hiki cha ruhusa hawawezi kuona maelezo mengine ya chaneli au data ya mapato. Pata maelezo zaidi kuhusu ruhusa kwenye Mhariri wa Maudhui.

Weka manukuu kama Mhariri wa Manukuu

1. Ingia katika akaunti ya Studio ya YouTube kwenye kompyuta.
2. Thibitisha kuwa uko katika sehemu ya Manukuu kwenye menyu ya kushoto.
3. Ili upate video ya kuwekea manukuu, bofya kwenye vichupo vya Zote, Rasimu, au Zilizochapishwa.
4. Bofya video ambayo ungependa kuhariri.
5. Bofya WEKA LUGHA kisha uchague lugha yako.
6. Chini ya manukuu, bofya WEKA.

Pata maelezo zaidi kuhusu kuweka manukuu, na jinsi ya kuhariri na kuondoa manukuu.