I-produce ang iyong video
Naranasan mo na bang malula kapag pinag-iisipan ang kagamitan sa pag-video? Sa video na ito, bibigyan ka ng Creator sa YouTube na si Shameless Maya ng kumpletong gabay para sa nagsisimula sa kagamitan sa pag-video. Tingnan ang payo ni Maya tungkol sa camera, tunog, ilaw, at mga opsyon sa pag-edit.
Kumpletong Gabay para sa Nagsisimula para sa Kagamitan sa Pag-video
Kinakailangan sa pagiging creator sa YouTube ang kahit man lang pangunahing kaalaman sa kagamitan sa pag-video. Posibleng itanong mo sa iyong sarili: Anong uri ng camera ang gagamitin ko? Paano ko papangasiwaan ang tunog at ilaw? Narito ang pangkalahatang-ideya ng ilang karaniwang pagpipilian sa kagamitan sa produksyon na makakatulong sa iyong magsimula.
Mga Camera
Walang “one size fits all”—isaalang-alang ang kung ano ang gusto mong makamit sa iyong mga video. Narito ang dalawang karaniwang uri:
 |
Ang mga point-and-shoot camera ay mga simple at all-in-one na device na mainam para sa madalas na pag-vlog sa halos anumang setting. May reversible na LCD screen ang ilang modelo para makita mo ang iyong shot. Nakakapaghatid ang mga madaling gamiting camera na ito ng kalidad ng larawan na full HD (1080), at ginagamit ng maraming creator ang mga ito sa kanilang pang-araw-araw na video. |
|
Nakakapaghatid ang mga DSLR camera ng mas cinematic na hitsura, pero posibleng mangailangan ang mga ito ng pag-aaral para mapagana. Ang mga ito ay gumagamit ng mga napagpapalit-palit na lens, mas mabigat, at kung minsan, mas nakakalitong i-focus. Ang mga camera na ito ay mas mahal at karaniwang ginagamit ng mga creator na gusto ng mas masining o propesyonal na hitsura. |
 |
Puwede ka namang magsimula gamit ang camera ng iyong mobile device. Isa itong magandang opsyon bago ka mamuhunan sa isang standalone na camera.
Tingnan ang mga review ng camera mula sa iba pang creator sa YouTube para malaman kung anong mga brand at modelo ang inirerekomenda nila.
Tunog
Kinakailangan ang magandang tunog. Kadalasan, ayos lang sa mga manonood ang hindi perpektong ilaw, pero hindi nila gaanong tinatanggap ang mababang kalidad ng tunog sa video.
Kung ginagamit mo ang onboard mic ng iyong camera, posibleng kailanganin mong manatili nang tatlo hanggang apat na talampakan mula sa camera para sa pinakamagandang audio.
 |
Bumibili ang ilang creator ng “shotgun” mic; dahil may directional recording ang mga ito, mabisa ang mga ito sa pagkuha ng natural na tunog mula sa mas malayong sakop. |
|
Kapag kailangan mong mag-record nang malayuan, puwede kang gumamit ng wireless na lavalier mic, na puwedeng ikabit sa iyo. Halimbawa, posibleng naaangkop ang lav mic para sa instructor sa isang fitness video. |
 |
Kumpirmahin kung may port ang iyong camera para sa panlabas na mikropono bago ka bumili nito!
Ilaw
- Gumagamit ang maraming creator ng “two-point” na lighting system. Kasama rito ang pag-iilaw sa iyong pangunahing paksa mula sa dalawang source ng ilaw sa magkabilang direksyon. Sa setup na ito, nagbibigay ang “key light” ng pangunahing ilaw, habang binabalanse ng “fill light” ang mga anino.
- Isa pang opsyon ang “mga banayad na ilaw,” na karaniwang mas mura, kumokonsumo ng mas kaunting kuryente, at mas maganda sa paningin. Puwedeng maganda ang isang banayad na ilaw para sa mga malapitang shot. Puwede kang magdagdag ng mga ilaw para mapaliwanag ang background o iba pang bahagi ng eksena, kung kinakailangan.
- Huwag kalimutan ang isa sa pinakamaliliwanag (at pinakamura) na ilaw na umiiral—ang araw! Subukang mag-record sa labas o gamit ang natural na liwanag ng araw sa pamamagitan ng bintana.
- Para sa pag-shoot on-the-go, isaalang-alang ang mga ilaw na naka-mount sa camera.
Inirerekomenda naming
- Kung marami kang tanong, isaalang-alang ang iyong malikhaing istilo at mga layunin sa produksyon habang pinipili mo ang tamang kagamitan. Nilalayon ng ilang creator ang napakapulidong video, samantalang ayos na sa iba ang isang bagay na casual at tunay.
- Kung gusto mong mabawasan ang mga gastos, puwede mong bilhin ang pinakaabot-kayang kagamitan at mag-upgrade sa ibang pagkakataon batay sa iyong mga pangangailangan sa paggawa ng video.
- Kadalasan, ang pinakamagandang kagamitan ay ang mayroon ka na. Gamitin ang iyong mobile device para makapagsimula kaagad!
Susunod: matuto tungkol sa mga tip sa pag-film