Yfirlit yfir heiti

Heiti eru leið fyrir þig til að finna og tengjast höfundum á YouTube. Heiti eru einstök og stutt rásareinkenni aðskilin rásarheitum og byrja á „@” merkinu. Til dæmis @youtubecreators.

Allar rásir munu eiga sitt heiti sem hægt er að nota til að finna og eiga samskipti við aðra notendur - bæði höfunda og áhorfendur. Heitið þitt verður sjálfkrafa nýja YouTube-vefslóðin fyrir rásina þína, sem gerir fólki auðvelt að uppgötva þig. Til dæmis youtube.com/@youtubecreators. Þú getur notað þessa vefslóð til að beina fólki á rásina þína þegar það er ekki á YouTube. Hver rás getur aðeins átt eitt heiti.

Þú munt sjá heiti á stöðum eins og í ummælum, merkingum og í Shorts. Heitið þitt mun birtast á fleiri stöðum í framtíðinni. Þú getur líka notað heitið utan YouTube til að kynna rásina þína.

Allar eldri sérsniðnar vefslóðir sem þú átt munu halda áfram að virka.

Heiti á YouTube

Fáðu áskrift að YouTube-höfundarásinni til að fá nýjustu fréttir, uppfærslur og ábendingar.

Leiðbeiningar um val á heiti

Athugaðu: YouTube áskilur sér rétt til að breyta, endurheimta eða fjarlægja heiti hvenær sem er.

Heitið þitt verður að fara eftir þessum reglum:

• Innihalda 3-30 stafi
• Innihalda bók- og tölustafi (A-Ö, a-ö, 0-9)
  • Heitið getur einnig innihaldið: undirstrik (_), bandstrik (-), punkta (.)
• Líkist ekki vefslóð eða símanúmeri
• Er ekki þegar í notkun
• Fylgir reglum netsamfélags YouTube​.

Góð vinnubrögð við val á heiti

Veldu heiti sem lýsir opinberri ímynd þinni á YouTube best. Hafðu í huga að heiti eru ekki há- og lágstafanæm.

Við leyfum ekki:

• Heiti sem innihalda ofbeldisfullt, móðgandi, kynferðislegt eða ruslorðalag.
• Sölu og flutning á heitum

Ef heitið þitt telst brjóta gegn reglum netsamfélagsins mun YouTube afturkalla heitið og búa til nýtt fyrir rásina þína.

Athugaðu: Í ákveðnum tilfellum, eins og þegar þú býrð til rás til dæmis með því að birta ummæli á farsíma þá getur YouTube úthlutað þér heiti byggt á rásarheitinu sem þú valdir. Það getur þó gerst að heiti sé úthlutað af handahófi ef ekki er hægt að umbreyta völdu rásarheiti í heitið. Þú getur alltaf skoðað og breytt heitinu í Studio eða með því að fara á youtube.com/handle.

Feldu heitið þitt

Ef þú vilt fela heitið þitt geturðu eytt rásinni þinni eða falið hana. 

 Skoða eða breyta heiti

Athugaðu: Þú getur breytt heitinu þínu tvisvar á 14 daga tímabili. Ef þú gerir það geymum við eldra heitið í 14 daga, ef þú skyldir vilja skipta aftur. Á þessu 14 daga tímabili munu vefslóð eldra heitisins og uppfærða vefslóðin báðar virka. Eftir þann tíma verður heitið tiltækt fyrir aðra notendur sem geta þá valið það heiti fyrir sig.

1. Skráðu þig inn í YouTube Studio.
2. Í vinstri valmyndinni skaltu velja Sérsnið  Grunn upplýsingar.
3. Undir Heiti getur þú séð eða breytt vefslóð heitisins
4. Ef þú breytir heitinu þínu skaltu smella á BIRTA til að staðfesta það.

Ef heitið sem þú vilt velja er ekki tiltækt getur þú prófað að bæta við punktum, tölum eða undirstrikum.

Ef heitið sem þú vilt velja er ekki tiltækt er það yfirleitt vegna þess að:

• Önnur rás hefur þegar valið það heiti.

Eða

• Það samræmdist ekki leiðbeiningum okkar um val á heiti.