ແພັກເກດລາຍປີແບບ Premium ແມ່ນການເປັນສະມາຊິກແບບຈ່າຍລ່ວງໜ້າ, ໂດຍບໍ່ເກີດຂຶ້ນເລື້ອຍໆ. ເມື່ອທ່ານສະໝັກໃຊ້, ທ່ານສາມາດເພີດເພີນໄປກັບສິດທິປະໂຫຍດການເປັນສະມາຊິກ Premium ໄດ້ 12 ເດືອນຈົນກວ່າແພັກເກດຂອງທ່ານຈະໝົດອາຍຸ. ເບິ່ງລຸ່ມນີ້ສຳລັບລາຍລະອຽດຕ່າງໆຂອງການມີສິດ.
ກວດເບິ່ງວ່າທ່ານມີສິດສຳລັບແພັກເກດລາຍປີຫຼືບໍ່
ເພື່ອລົງທະບຽນແພັກເກດລາຍປີ, ໃຫ້ເຮັດຕາມຂັ້ນຕອນທາງລຸ່ມນີ້. ຫຼັງຈາກຊື້ສຳເລັດແລ້ວ, ທ່ານສາມາດໃຊ້ສິດທິປະໂຫຍດ YouTube Premium ຫຼື YouTube Music Premium ຂອງທ່ານໄດ້ຢູ່ທົ່ວທຸກບ່ອນທີ່ທ່ານສາມາດເຂົ້າສູ່ລະບົບດ້ວຍບັນຊີ Google ທີ່ເຄີຍໃຊ້ຊື້ການເປັນສະມາຊິກຂອງທ່ານ, ຮວມທັງຢູ່ ສະມາດທີວີ/ເຄື່ອງຫຼິ້ນເກມທີ່ເຂົ້າກັນໄດ້.
ເພື່ອລົງທະບຽນສຳລັບແພັກເກດລາຍປີ, ທ່ານຈະຕ້ອງເປັນ:
- ບໍ່ໄດ້ເປັນຜູ້ສະໝັກໃຊ້ YouTube Premium ຫຼື Music Premium ໃນປັດຈຸບັນ. ຫາກທ່ານເປັນສະມາຊິກ YouTube Premium ຫຼື YouTube Music Premium ຢູ່ກ່ອນແລ້ວ ແລະ ຕ້ອງການ ສະຫຼັບໄປໃຊ້ແພັກເກດລາຍປີ, ໃຫ້ສຶກສາວິທີປ່ຽນໄດ້ຢູ່ບ່ອນນີ້.
- ຢູ່ໃນສະຖານທີ່ໃດໜຶ່ງຕໍ່ໄປນີ້:
- ສະຫະລັດອາເມລິກາ, ຄານາດາ, ເມັກຊິໂກ, ບຣາຊິວ, ຣັສເຊຍ, ເຢຍລະມັນ, ເຢຍລະມັນ, ໄທ, ອິນເດຍ ແລະ ຍີ່ປຸ່ນ.
- ໝາຍເຫດສຳລັບສະໝັກໃຊ້ໃນອິນເດຍ: ຖ້າທ່ານມີແພັກເກດແບບຈ່າຍລ່ວງໜ້າ 1 ເດືອນ ຫຼື 3 ເດືອນ, ທ່ານສາມາດລົງທະບຽນສຳລັບແພັກເກດລາຍປີໄດ້ເຊິ່ງຈະເລີ່ມເມື່ອແພັກເກດແບບຈ່າຍລ່ວງໜ້າຂອງທ່ານໝົດອາຍຸ.
ແພັກເກດລາຍປີ YouTube Premium ຂອງທ່ານນຳໃຊ້ແນວໃດ?
ເມື່ອທ່ານຊື້ແພັກເກດລາຍປີ, ທ່ານຈ່າຍເງິນລ່ວງໜ້າສຳລັບການສະໝັກແບບສ່ວນບຸກຄົນທີ່ບໍ່ເກີດຂຶ້ນຊ້ຳ. ນີ້ໝາຍຄວາມວ່າສິດທິປະໂຫຍດການເປັນສະມາຊິກແບບເສຍເງິນຂອງທ່ານຈະສິ້ນສຸດຫຼັງຈາກໄລຍະເວລາ 12 ເດືອນທີ່ທ່ານໄດ້ຈ່າຍເງິນ. ທ່ານສາມາດຊື້ສິດເຂົ້າເຖິງ YouTube Music Premium ຫຼື YouTube Premium ແບບຈ່າຍລ່ວງໜ້າໄດ້ສູງສຸດ 2 ປີໃນຊ່ວງເວລາທີ່ກຳນົດ. ເພື່ອຮັກສາສິດເຂົ້າເຖິງສິດທິປະໂຫຍດຂອງທ່ານໄວ້, ທ່ານຈະຕ້ອງຊື້ແພັກເກດອື່ນເມື່ອການເປັນສະມາຊິກຂອງທ່ານໝົດອາຍຸ.
ຈະບໍ່ສາມາດຄືນເງິນ ແລະ ຢຸດຊົ່ວຄາວໄດ້ສຳລັບແພັກເກດລາຍປີ. ຫາກທ່ານມີຄຳຖາມກ່ຽວກັບແພັກເກດລາຍປີຂອງທ່ານ, ກະລຸນາ ຕິດຕໍ່ກັບຝ່າຍຊ່ວຍເຫຼືອ YouTube. ຖ້າທ່ານຕ້ອງການລາຍງານການທຸລະກຳທີ່ມີການສໍ້ໂກງ, ໃຫ້ຍື່ນການອ້າງສິດໄດ້ ຢູ່ບ່ອນນີ້.
ສຶກສາເພີ່ມເຕີມທາງລຸ່ມກ່ຽວກັບວິທີການລົງທະບຽນ. ນອກຈາກນັ້ນ, ທ່ານຍັງສາມາດສຳຫຼວດ ຕົວເລືອກການເປັນສະມາຊິກແບບເສຍເງິນ ຂອງພວກເຮົາໄດ້ເພື່ອຕັດສິນໃຈວ່າແບບໃດເໝາະສົມກັບທ່ານ.
ລົງທະບຽນສຳລັບແພັກເກດລາຍປີຂອງ YouTube Premium
ເພື່ອລົງທະບຽນແພັກເກດລາຍປີຂອງ YouTube Premium ຫຼື Music Premium, ໃຫ້ປະຕິບັດຕາມຂັ້ນຕອນທາງລຸ່ມ.
ລົງທະບຽນແພັກເກດລາຍປີສຳລັບ YouTube Premium ຫຼື YouTube Music Premium
- ຈາກໂທລະສັບ ຫຼື ແທັບເລັດຂອງທ່ານ, ໃຫ້ເປີດແອັບ YouTube ຫຼື YouTube Music.
- ເຂົ້າສູ່ລະບົບຫາບັນຊີ Google ທີ່ທ່ານຕ້ອງການຈະເລີ່ມການເປັນສະມາຊິກຂອງທ່ານ.
- ແຕະຮູບໂປຣໄຟລ໌ຂອງທ່ານ
Get YouTube Premium.
- ເລືອກ “ລາຍປີ” ຈາກຕົວເລືອກແພັກເກດ.
- ດຳເນີນການສັ່ງຊື້ໃຫ້ສຳເລັດ.
Get YouTube Premium.ທ່ານອາດຖືກຖາມໃຫ້ຢັ້ງຢືນລະຫັດ PIN ເພື່ອຮັກສາຄວາມປອດໄພການຊື້ຂອງທ່ານ. ຫາກເປັນແບບນັ້ນ, ໃຫ້ປະຕິບັດຕາມຂັ້ນຕອນຢູ່ໜ້າຈໍເພື່ອສຳເລັດຂັ້ນຕອນການຢັ້ງຢືນ.
ຫຼັງຈາກສຳເລັດການສັ່ງຊື້ຂອງທ່ານ, ທ່ານສາມາດໃຊ້ສິດທິປະໂຫຍດ YouTube Premium ຫຼື YouTube Music Premium ຂອງທ່ານໄດ້ຢູ່ຄອມພິວເຕີ, ອຸປະກອນ Android ຫຼື Apple ໂດຍການລົງທະບຽນຫາບັນຊີ Google ທີ່ທ່ານໃຊ້ຊື້ການເປັນສະມາຊິກຂອງທ່ານ. ທ່ານສາມາດກວດສອບເບິ່ງວັນທີທີ່ແພັກເກດຂອງທ່ານສິ້ນສຸດໄດ້ໂດຍການໄປຫາພາກສ່ວນ ການເປັນສະມາຊິກແບບເສຍເງິນ ຂອງບັນຊີທ່ານ.
ປ່ຽນປະເພດການເປັນສະມາຊິກຂອງທ່ານ
ຫາກທ່ານມີການເປັນສະມາຊິກ YouTube Premium ຫຼື Music Premium ທີ່ດຳເນີນຢູ່ ແລະ ຕ້ອງການສະຫຼັບໄປໃຊ້ແພັກເກດລາຍປີ, ທຳອິດທ່ານຈະຕ້ອງຢືນຢັນວ່າທ່ານອາໄສໃນພາກພື້ນທີ່ສາມາດໃຊ້ແພັກເກດລາຍປີໄດ້.
- ສະຫະລັດອາເມລິກາ
- ຄານາດາ
- ເມັກຊິໂກ
- ບຣາຊິວ
- ຣັສເຊຍ
- ເຢຍລະມັນ
- ໄທ
- ອິນເດຍ
- ຍີ່ປຸ່ນ
ຫາກທ່ານມີສິດໃຊ້ແພັກເກດລາຍປີ, ທ່ານຈຳເປັນຈະຕ້ອງ ຍົກເລີກການເປັນສະມາຊິກທີ່ມີຢູ່ກ່ອນແລ້ວຂອງທ່ານ ກ່ອນ. ຫຼັງຈາກການຍົກເລີກການເປັນສະມາຊິກຂອງທ່ານ ທ່ານສາມາດ ລົງທະບຽນແພັກເກດລາຍປີສຳລັບ YouTube Premium ຫຼື Music Premium ໄດ້. ສິດການເຂົ້າເຖິງແພັກເກດລາຍປີຂອງທ່ານຈະເລີ່ມຕົ້ນເມື່ອສິ້ນສຸດຮອບບິນປັດຈຸບັນຂອງທ່ານ.