Wadhibiti wanaweza kusaidia kukagua na kudhibiti maoni yanayotolewa na watumiaji kwenye video au ujumbe unaotumwa na washiriki wakati wa gumzo la moja kwa moja la mtiririko wako. Watayarishi wanapomwongeza mdhibiti, wanaweza kuchagua awe mdhibiti wa kawaida au mdhibiti mkuu. Wadhibiti wakuu wana chaguo zaidi zinazopatikana kuliko wadhibiti wa kawaida.
Gumzo la moja kwa moja
- Nenda kwenye YouTube.com.
- Katika kona ya juu kulia, bofya Tafuta na uweke jina la kituo ili ufikie ukurasa wa kutazama.
- Chagua Mtiririko wako mubashara ili uweke Gumzo la Moja kwa Moja.
- Bofya mipangilio karibu na ujumbe au maoni ili uchague kitendo cha udhibiti. Unaweza pia kushikilia vitufe vya Control + Alt ili usitishe gumzo.
Kuna aina mbili za wadhibiti: mdhibiti wa kawaida na mdhibiti mkuu. Mdhibiti wa kawaida anaweza:
- Kuenda kwenye kituo: Unaweza kupata maelezo kuhusu mshiriki wa gumzo la moja kwa moja kabla ya kuchukua hatua ya kudhibiti kwa kuenda moja kwa moja kwenye kituo chake.
- Kuondoa: Unaweza kuondoa maudhui yoyote yasiyofaa au ambayo huenda yametumiwa vibaya au yanakera. Unapofuta ujumbe, ujumbe huo huondolewa kabisa kwenye gumzo la moja kwa moja na katika majibu yoyote.
- Kumficha mtumiaji asione kituo hiki: Unapomficha mtu asione kituo, ujumbe na maoni yake kwenye gumzo hayataonekana tena kwa watazamaji wengine. YouTube haimwarifu mtu kuwa umemficha.
- Kukagua ujumbe ambao huenda Haufai: Unaweza kuonyesha au kuficha maoni au ujumbe ambao umezuiliwa ili ukaguliwe kulingana na mipangilio ya jumuiya yako.
Mdhibiti mkuu anaweza kufanya mambo yaliyobainishwa hapo juu, pamoja na:
- Kuweka mipangilio chaguomsingi ya jumuiya: Unaweza kuwasha kipengele hiki ili utumie teknolojia kugundua kiotomatiki maudhui taka, ya kujitangaza, yenye upuuzi na maudhui mengine ambayo huenda hayafai kwenye maoni. Pata maelezo zaidi.
- Kuwasha au kuzima Gumzo la Moja kwa Moja: Unaweza kuwasha au kuzima Gumzo la moja kwa moja wakati wowote, hata baada ya tukio kuanza.
- Kuweka hali ya kushiriki: Unaweza kubadilisha hali za kushiriki kwenye gumzo la moja kwa moja kwa kuchagua wanaofuatilia pekee, wanachama pekee au maoni mubashara.
- Kuchelewesha ujumbe: Unaweza kuweka kikomo cha mara ambazo kila mtumiaji anaweza kutuma ujumbe wa gumzo kwa kuweka kikomo cha muda kati ya ujumbe mmoja na mwingine.
- Kuzuia maneno: Unaweza kuzuia ujumbe wa gumzo la moja kwa moja ulio na maneno fulani au unaolingana kwa karibu na maneno hayo.
- Kudhibiti wadhibiti wa kawaida: Unaweza kuweka na kuondoa watuamiaji walioidhinishwa.
Kumbuka: Wadhibiti wakuu hawana uwezo wa kufikia Ukurasa wa Kudhibiti Utiririshaji wa Moja kwa Moja au Studio ya YouTube. Wadhibiti wakuu hawawezi kukabidhi wadhibiti wengine.
Kufikia Shughuli kwenye Chaneli katika mipasho ya gumzo la moja kwa moja:
Wewe na wadhibiti wako mnaweza kufikia historia ya watumiaji ya umma kwenye mipasho ya gumzo la moja kwa moja kwa kubofya Shughuli kwenye Chaneli katika Menyu. Pata maelezo zaidi.
Washiriki wa gumzo la moja kwa moja
Kwenye gumzo la moja kwa moja, aikoni na rangi hutumiwa kuwatambulisha washiriki fulani. Zaidi ya aikoni 1 inaweza kuonekana karibu na jina la mtumiaji la mtu fulani kwa wakati mmoja.
Aikoni | Maana |
---|---|
Mtayarishi / mmiliki wa kituo | |
Mtayarishi mwenye akaunti iliyothibitishwa | |
Mshiriki mwenye akaunti iliyothibitishwa | |
Wanachama wa kituo | |
Mdhibiti wa kituo |
Maoni
Kuna njia kadhaa za kufikia zana za udhibiti wa maoni kwenye programu ya YouTube ya vifaa vya mkononi.
Kudhibiti kwenye mipangilio ya maoni
Ikiwa wewe ni mmiliki wa chaneli au mdhibiti, nenda kwenye video yoyote kisha uguse Maoni Mipangilio . Hapo, unaweza kudhibiti mipangilio ya maoni ya chaneli, ikijumuisha:
Kitendo | Mmiliki wa Chaneli | Mdhibiti mkuu | Mdhibiti wa kawaida |
Mipangilio ya maoni ya video | Ndiyo | Ndiyo | Hapana |
Kuweka, kufuta au kunakili maneno yote yaliyozuiwa | Ndiyo | Ndiyo | Hapana |
Kuwasha au kuzima kipengele cha kuzuia viungo | Ndiyo | Ndiyo | Hapana |
Kudhibiti maoni kwenye ukurasa wa kutazama
Ikiwa wewe ni mmiliki au mdhibiti wa chaneli, gusa Zaidi pembeni ya maoni kwenye video ili uangalie chaguo za udhibiti. Kuanzia hapo, unaweza kudhibiti maoni ya mtu binafsi, ikijumuisha:
Kitendo | Mmiliki wa Chaneli | Mdhibiti mkuu | Mdhibiti wa kawaida |
Kubandika au kubandua maoni | Ndiyo | Hapana | Hapana |
Kufuta au kushikilia maoni kwa ajili ya ukaguzi | Ndiyo - Futa | Ndiyo - Shikilia kwa ajili ya ukaguzi | Ndiyo - Shikilia kwa ajili ya ukaguzi |
Kuripoti maoni | Ndiyo | Ndiyo | Ndiyo |
Kuwaongeza au kuwaondoa wadhibiti wakuu | Ndiyo | Hapana | Hapana |
Kuwaongeza au kuwaondoa wadhibiti wa kawaida | Ndiyo | Ndiyo | Hapana |
Kuongeza au kuondoa watumiaji walioidhinishwa | Ndiyo | Ndiyo | Hapana |
Kuongeza au kuondoa watumiaji waliofichwa | Ndiyo | Ndiyo | Ndiyo |