Super Thanks (અગાઉ 'દર્શકો દ્વારા પ્રશંસા' તરીકે ઓળખાતી હતી) વડે નિર્માતાઓને એવા દર્શકો પાસેથી આવક મળે છે, જેઓ તેમના Shorts અને લાંબી અવધિનો વીડિયો માટે વધારાની કૃતજ્ઞતા બતાવવા માગતા હોય.
દર્શકો લાંબી અવધિના વીડિયો કે Short પર વધારાની કૃતજ્ઞતા બતાવવા માટે મજેદાર ઍનિમેશન ખરીદી શકે છે, જેને Super Thanks કહેવાય છે. માત્ર એકવાર દેખાતું આ ઍનિમેશન ખરીદનાર વ્યક્તિને લાંબી અવધિના વીડિયો કે Shortની સૌથી ઉપર બતાવવામાં આવે છે. બોનસ તરીકે, ખરીદનારાઓને કૉમેન્ટ વિભાગમાં વિશેષ, રંગીન અને કસ્ટમાઇઝ કરી શકાય એવી કૉમેન્ટ પોસ્ટ કરવાની પણ તક મળે છે. દર્શકોની પસંદ પ્રમાણે Super Thanks વિવિધ કિંમતો પર ઉપલબ્ધ છે.
યોગ્યતા
ચૅનલ માટેની યોગ્યતા
Super Thanksની યોગ્યતા મેળવવા માટે, ખાતરી કરો કે પહેલા તમે ફૅન ફંડિંગ સુવિધાઓ માટેની ન્યૂનતમ આવશ્યકતાઓ પૂરી કરતા હો. પછી કન્ફર્મ કરો કે તમે Super Thanks માટેના નીચે જણાવેલા માપદંડ પૂરા કરતા હો:
- આ સુવિધા જે લોકેશનમાં ઉપલબ્ધ હોય, તમે ત્યાં રહેતા હો.
- તમે (અને તમારા MCN) અમારી શરતો અને પૉલિસીઓ (સંબંધિત કૉમર્સ પ્રોડક્ટ મૉડ્યૂલ સહિત) સાથે સંમત થયા હો અને તેનું પાલન કરી રહ્યાં હો.
- ચૅનલ બાળકો માટે યોગ્ય તરીકે સેટ કરેલી ન હોય તેમજ તેમાં બાળકો માટે યોગ્ય તરીકે સેટ કરેલા કે યોગ્યતા ન ધરાવતા વીડિયોની સંખ્યા નોંધપાત્ર માત્રામાં ન હોય
અમુક મ્યુઝિક ચૅનલ કદાચ Super Thanks માટે યોગ્યતા ધરાવતી ન પણ હોઈ શકે. ઉદાહરણ તરીકે, SRAV કરાર હેઠળની મ્યુઝિક ચૅનલ હાલમાં યોગ્યતા ધરાવતી નથી.
જો તમે ઍક્સેસ ધરાવતા હો, તો YouTube Studioના કમાણી કરો વિભાગમાં Supers ટૅબ દેખાશે.
લાંબી અવધિના વ્યક્તિગત વીડિયો અને Shorts માટેની યોગ્યતા
આ પ્રકારના લાંબી અવધિના વીડિયો કે Shorts માટે Super Thanks ઉપલબ્ધ નથી:
- ઉંમર પ્રતિબંધિત
- ફક્ત લિંક સાથે દેખાતા વીડિયો
- ખાનગી
- બાળકો માટે યોગ્ય
- Content IDના દાવોવાળા લાંબી અવધિના વીડિયો કે Shorts
- YouTube ડોનેશન હેઠળ, ફાળો ઉઘરાવનારા લાંબી અવધિના વીડિયો કે Shorts
- લાઇવ દરમિયાન લાઇવ સ્ટ્રીમ કે પ્રિમિયર (આ સુવિધા આગળ જતાં આર્કાઇવ કરેલા લાંબી અવધિના વીડિયો માટે ઉપલબ્ધ થશે)
- કૉમેન્ટની સુવિધા બંધ કરી હોય એવા લાંબી અવધિના વીડિયો કે Shorts
યોગ્યતા ધરાવતા નિર્માતાઓ માટે આ લોકેશનમાં Super Thanks ઉપલબ્ધ છે:
|
|
Super Thanks સંબંધિત પૉલિસીઓ
સહભાગ લેનારા નિર્માતાઓ (અને MCNs) દ્વારા આ બાબતો સ્વીકારવી અને તેનું પાલન કરવું આવશ્યક છે:
- YouTubeની સેવાની શરતો
- YouTube સમુદાયના દિશાનિર્દેશો
- YouTube ચૅનલ પર કમાણી કરવાની પૉલિસીઓ
- કૉમર્સ પ્રોડક્ટ મૉડ્યૂલ સહિત YouTube ફૅન ફંડિંગ સુવિધાઓ માટે લાગુ થતી બધી પૉલિસીઓ.
- YouTubeની સેવાની શરતો અનુસાર લાગુ થતા જરૂરી બધા કાયદાઓ. તમને Super Thanks દ્વારા મળનારા નાણાંની ગણતરી તમને અને તમારી પ્રવૃત્તિઓને લાગુ પડતા કાયદાના આધારે અલગથી કરવામાં આવી શકે છે.
Super Thanks કોઈ ક્રાઉડફંડિંગ કે ડોનેશનનું ટૂલ નથી. YouTube પર ફાળો ઉઘરાવવાના વિકલ્પો અહીંથી શોધી શકાય છે. તમારી જવાબદારી છે કે તમે લાગુ થતા બધા કાયદાઓ સમજો અને તેમનું સંપૂર્ણ રીતે પાલન કરો. આમાં Super Thanksની સુવિધા ચાલુ કરવી કે નહીં, તે ઑફર કરવી કે નહીં, મોકલવી કે નહીં અને તેમાંથી નાણાં કમાવવા કે નહીં જેવી બાબતો શામેલ છે.
તમે અમારા સમુદાયના દિશાનિર્દેશોની સ્ટ્રાઇક માટે બનેલી સિસ્ટમથી વાકેફ હો એ જરૂરી છે અને સાથે જ તમને એ વાતની પણ જાણકારી હોવી જોઈએ કે YouTube સમુદાયને નુકસાન પહોંચાડે એવી ક્રિયાઓ કરવાથી કયા વિશેષાધિકારો ગુમાવી દેવાની શક્યતા હોય છે. અમે સંભવિત દુરુપયોગ અથવા કપટપૂર્ણ વર્તનની ભાળ મેળવવા માટે, નિરંતર સિગ્નલનો ઉપયોગ કરતા રહીએ છીએ. જો અમને આમાંથી કોઈપણ સિગ્નલ મળે, તો અમે Super Thanksની સુવિધાનો ઍક્સેસ સમાપ્ત કરી નાખીશું. અમે કોઈપણ ચૅનલ માટે Super Thanksની સુવિધાનો ઍક્સેસ સમાપ્ત કરવાનો અધિકાર આરક્ષિત રાખીએ છીએ.