Hvað eru reglur?

Features described in this article only apply to users of YouTube Studio Content Manager. For info on general YouTube policies, learn more here.

Í Efnisstjórnun Studio segja reglur til um það hvernig á að meðhöndla vídeó sem gert hefur verið tilkall til.

Þegar tilkall er gert til vídeós tiltekur reglan hvernig einni eða fleiri af þessum reglum er beitt: 

 Afla tekna: Leyfa að hægt sé að horfa á vídeóið með auglýsingum.

 Rekja: Leyfa að hægt sé að horfa á vídeóið án auglýsinga; safna tölfræði um vídeóáhorf.

 Loka á: Ekki leyfa að vídeóið sé sýnilegt á YouTube.

Ef þú velur að Afla tekna verður farið yfir vídeó sem gert hefur verið tilkall til í því skyni að ganga úr skugga um að þau samræmist leiðbeiningum um auglýsingavænt efni áður en auglýsingar eru birtar.

 

Þessi valkostur heimilar YouTube að birta auglýsingar með vídeói sem gert hefur verið tilkall til en tilgreinir ekki hvers konar auglýsingar eru birtar. Hægt er að tilgreina tegundir auglýsinga með því að nota auglýsingastillingar.

Hægt er að beita aðgerðunum þremur (afla tekna, rekja eða loka á) á tvær mismunandi tegundir af reglum:

• Upphleðslureglur: Reglur sem notaðar eru á vídeó sem gert hefur verið tilkall til og hlaðið var upp af rásum sem tengdar eru við efnisstjórann þinn.
• Samsvörunarreglur: Reglur sem notaðar eru á vídeó sem gert hefur verið tilkall til sem aðrir YouTube-notendur hlaða upp þegar Content ID gerir tilkall til vídeóanna.

Frekari upplýsingar um upphleðslu- og samsvörunarreglur.

Þú getur einnig valið valkostinn Beina í skoðun fyrir tillkallsreglurnar þínar, sem þýðir að handvirk yfirferð er tilskilin áður en tilkall er virkt. Nánar um hvernig þú sendir tilköll í handvirka yfirferð.

Hvernig tilkallsreglur virka

Tilkallsreglur eru búnar til úr einni eða fleiri „ef-þá“-reglum. Þessar reglur segja til um það hvað á að gera (afla tekna, rekja eða loka á) þegar ákveðin skilyrði eru uppfyllt. Ef þú vilt til dæmis aðeins afla tekna af vídeói hjá áhorfendum í Bandaríkjunum og Kanada væri reglan:

Skilyrði	Aðgerð
(1) Ef staðsetning notanda er Bandaríkin eða Kanada	Afla tekna af vídeóinu
(2) Ef staðsetning notanda er önnur	Loka á vídeóið

 

Fleiri en einn samstarfsaðili geta átt réttmætt tilkall til sama vídeósins á sama landsvæði. Til dæmis getur einn samstarfsaðili gert tilkall til myndhlutans og annar til hljóðhlutans.

Þegar margir samstarfsaðilar eiga réttmætt tilkall til vídeós, og margar reglur gilda, er þeirri reglu beitt sem hefur mest takmarkandi áhrif. Nánar um hvernig reglum er beitt.

Val á tilkallsreglu

Staðsetning notanda er algengasta skilyrði tilkallsreglu en hægt er að velja önnur skilyrði. Almennt er best að búa til reglur sem eiga við um allan heim. Aðeins ætti að nota landsvæðareglur þegar þú þarft að meðhöndla áhorfendur með mismunandi hætti innan landsvæða þar sem þú átt réttindi.

Hægt er að velja úr þremur fyrirframskilgreindum reglum:

• Afla tekna í öllum löndum
• Rekja í öllum löndum
• Loka á í öllum löndum

Þú getur einnig lært að búa til sérsniðnar reglur til að hafa meiri stjórn á efninu þínu.