ການສະແດງຜະລິດຕະພັນແບບເສຍເງິນແມ່ນຫຍັງ? (ສຳລັບເດັກນ້ອຍ)
ຕິດຕາມ ຊ່ອງຜູ້ຊົມ YouTube ສຳລັບຂ່າວຫຼ້າສຸດ, ຂໍ້ມູນອັບເດດ ແລະ ເຄັດລັບຕ່າງໆ.
ເມື່ອທ່ານກຳລັງເບິ່ງວິດີໂອ, ທ່ານອາດຈະເຫັນສັນຍາລັກນີ້ ປັອບອັບຂຶ້ນມາ ເຊິ່ງບອກວ່າ “ຊ່ອງນີ້ໄດ້ຮັບເງິນ ຫຼື ສິ່ງຕ່າງໆຟຣີເພື່ອສ້າງວິດີໂອນີ້” ຫຼື "ຮວມມີການສົ່ງເສີມແບບຈ່າຍເງິນ". ມັນໝາຍຄວາມວ່າ ໃຜກໍຕາມທີ່ສ້າງວິດີໂອນີ້ຂຶ້ນອາດຈະໄດ້ຮັບເງິນ ຫຼື ສິນຄ້າຟຣີຈາກບໍລິສັດ.
ຕົວຢ່າງ: ຖ້າວິດີໂອມີຂອງຫຼິ້ນຢູ່ໃນນັ້ນ, ໃຜກໍ່ຕາມທີ່ສ້າງວິດີໂອອາດຈະໄດ້ຮັບເງິນເພື່ອສະແດງຂອງຫຼິ້ນໃຫ້ທ່ານເບິ່ງ. ເຄື່ອງຫຼິ້ນນັ້ນຢູ່ບ່ອນນີ້ຍ້ອນວ່າບໍລິສັດຜູ້ສ້າງເຄື່ອງຫຼິ້ນຕ້ອງການໃຫ້ທ່ານຊື້ມັນ.
ສຳລັບພໍ່ແມ່ ຫຼື ຜູ້ປົກຄອງ: ເຂົ້າໃຈການສະແດງຜະລິດຕະພັນແບບເສຍເງິນ, ການເປັນສະປອນເຊີ ແລະ ການສະໜັບສະໜຸນ
ການເປັນຜູ້ສ້າງ YouTube ສາມາດເປັນວຽກເຕັມເວລາ ແລະ ຊ່ອງຍອດນິຍົມຫຼາຍຊ່ອງກໍມີທີມງານທີ່ຊ່ວຍເຫຼືອໃນການສ້າງວິດີໂອຂອງພວກເຂົາ. ການເປັນສະປອນເຊີ, ການໂຄສະນາ ແລະ ການເປັນຮຸ້ນສ່ວນເປັນວິທີການບາງສ່ວນທີ່ຜູ້ສ້າງຊ່ວຍເຫຼືອຕົນເອງເມື່ອພວກເຂົາສ້າງເນື້ອຫາທີ່ດີເລີດຢູ່ YouTube. ມັນເປັນສິ່ງທີ່ສຳຄັນທີ່ເດັກນ້ອຍຕ້ອງເຂົ້າໃຈວ່າ ຜູ້ສ້າງອາດຈະໄດ້ຮັບສິນຄ້າ ຫຼື ການບໍລິການເພື່ອແລກປ່ຽນກັບການປະຊາສຳພັນ. ເດັກນ້ອຍຄວນຮຽນຮູ້ທີ່ຈະແຍກແຍະລະຫວ່າງວິດີໂອທີ່ມີການສະແດງຜະລິດຕະພັນແບບເສຍເງິນ ແລະ ການສະໜັບສະໜຸນ ແລະ ວິດີໂອທີ່ບໍ່ມີ. ການເປີດເຜີຍຢ່າງຈະແຈ້ງຈະເຫັນໄດ້ໃນເນື້ອຫາໃດໆກໍຕາມທີ່ມີການສົ່ງເສີມແບບຈ່າຍເງິນ ເມື່ອ ຖືກກຳນົດໂດຍຜູ້ສ້າງ.
ເຄັດລັບສຳລັບພໍ່ແມ່ ແລະ ຜູ້ປົກຄອງ
- ລົມກັບລູກຂອງທ່ານກ່ຽວກັບໂປຣໂມຊັນແບບເສຍເງິນໃນວິດີໂອຕ່າງໆ ແລະ ສອນໃຫ້ເຂົາເຈົ້າຮູ້ວິທີສັງເກດໂປຣໂມຊັນແບບເສຍເງິນໃນວິດີໂອ. ເບິ່ງ ວິດີໂອ ສັ້ນໆນີ້ ແລະ ຖາມລູກຂອງທ່ານວ່າເຂົາເຈົ້າບອກໄດ້ບໍ່ວ່າເນື້ອຫາທີ່ກຳລັງເບິ່ງນັ້ນມີໂປຣໂມຊັນແບບເສຍເງິນຫຼືບໍ່ມີ.
- ສົນທະນາກ່ຽວກັບຜູ້ສ້າງທີ່ລູກຂອງທ່ານມັກ ແລະ ອະທິບາຍວ່າຜູ້ສ້າງເຫຼົ່ານີ້ມີຈັກຄົນທີ່ສ້າງເນື້ອຫາໃຫ້ກັບ YouTube ເປັນວຽກເຕັມເວລາຂອງເຂົາເຈົ້າ. ວິທີການນີ້ໝາຍຄວາມວ່າເຂົ້າເຮັດວຽກກັບທຸລະກິດ ແລະ ຮຸ້ນສ່ວນອື່ນໆເພື່ອຫາທຶນໃຫ້ຊ່ອງຂອງເຂົາເຈົ້າ.
- ຊອກຫາວະລີ ເຊັ່ນ: “ສະໜັບສະໜຸນໂດຍ”, “ເປັນຮຸ້ນສ່ວນກັບ” ຫຼື #ໂຄສະນາ, ເຊິ່ງຍັງສາມາດລະບຸໄດ້ວ່າບໍລິສັດໄດ້ຈ່າຍເງິນໃຫ້ຜູ້ສ້າງເພື່ອສົ່ງເສີມຜະລິດຕະພັນຂອງເຂົາເຈົ້າ.
ສຳລັບເຄັດເລັບເພີ່ມເຕີມກ່ຽວກັບວິທີທີ່ຈະຊ່ວຍໃຫ້ລູກຂອງທ່ານສຳຫຼວດ YouTube, ດາວໂຫຼດ ແລະ ກວດສອບ ຄຳແນະນຳກ່ຽວກັບຄອບຄົວຂອງພວກເຮົາ.
ການສະແດງຜະລິດຕະພັນແບບເສຍເງິນ, ການເປັນສະປອນເຊີ ແລະ ການສະໜັບສະໜຸນແມ່ນຫຍັງ?
ການສະແດງຜະລິດຕະພັນແບບເສຍເງິນ:
- ວິດີໂອທີ່ສ້າງຂຶ້ນສໍາລັບບໍລິສັດ ຫຼື ທຸລະກິດເພື່ອແລກປ່ຽນກັບຄ່າຕອບແທນ ຫຼື ຜະລິດຕະພັນ/ການບໍລິການຟຣີ.
- ວິດີໂອທີ່ຍີ່ຫໍ້, ຂໍ້ຄວາມ ຫຼື ຜະລິດຕະພັນຂອງບໍລິສັດ ຫຼື ທຸລະກິດນັ້ນ ຖືກຮວມເຂົ້າໃນເນື້ອຫາໂດຍກົງ. ບໍລິສັດໄດ້ໃຫ້ເງິນ ຫຼື ຜະລິດຕະພັນຟຣີກັບຜູ້ສ້າງເພື່ອສ້າງວິດີໂອ.
ການສະໜັບສະໜຸນ: ວິດີໂອທີ່ສ້າງຂຶ້ນສໍາລັບຜູ້ລົງໂຄສະນາ ຫຼື ນັກການຕະຫຼາດທີ່ມີຂໍ້ຄວາມທີ່ສະທ້ອນເຖິງຄວາມຄິດເຫັນ, ຄວາມເຊື່ອ ຫຼື ປະສົບການຂອງຜູ້ສ້າງ ຫຼື ຝ່າຍສະໜັບສະໜຸນ.
ການເປັນສະປອນເຊີ: ວິດີໂອທີ່ໄດ້ຮັບທຶນທັງໝົດ ຫຼື ບາງສ່ວນຈາກບໍລິສັດ, ໂດຍບໍ່ຮວມຍີ່ຫໍ້, ຂໍ້ຄວາມ ຫຼື ຜະລິດຕະພັນເຂົ້າໄປໃນເນື້ອຫາໂດຍກົງ. ການເປັນສະປອນເຊີໂດຍທົ່ວໄປແມ່ນສົ່ງເສີມ:
- ຍີ່ຫໍ້ສິນຄ້າ
- ຂໍ້ຄວາມ
- ຜະລິດຕະພັນຂອງພາກສ່ວນທີສາມ.
ສິ່ງນີ້ໝາຍຄວາມວ່າແນວໃດຕໍ່ກັບລູກຂອງຂ້ອຍ?
ການໂຄສະນາແບບເສຍເງິນທີ່ສະແດງຢູ່ໃນວິດີໂອທີ່ມຸ່ງໄປຫາເດັກນ້ອຍມີ ການເປີດເຜີຍ ທີ່ຖືກອອກແບບມາເພື່ອໃຫ້ເດັກນ້ອຍເຂົ້າໃຈ.
ໂຄສະນາແບບເສຍເງິນທັງໝົດຕ້ອງປະຕິບັດຕາມ ນະໂຍບາຍໂຄສະນາ ຂອງພວກເຮົາ, ເຊິ່ງຫ້າມບໍ່ໃຫ້ໂຄສະນາໃນບາງໝວດໝູ່. ການໂຄສະນາໃນເນື້ອຫາທີ່ຕັ້ງເປັນ "ສ້າງມາສຳລັບເດັກນ້ອຍ" ຈະຕ້ອງບໍ່ຫຼອກລວງ, ບໍ່ຍຸຕິທໍາ, ບໍ່ເໝາະສົມສຳລັບຜູ້ຊົມທີ່ຕັ້ງໃຈໄວ້ຂອງຕົນ ແລະ ຈະຕ້ອງບໍ່ໃຊ້ຕົວຕິດຕາມພາກສ່ວນທີສາມໃດໆ. ເນື້ອຫານີ້ຈະຕ້ອງບໍ່ເກັບກຳຂໍ້ມູນສ່ວນຕົວໂດຍບໍ່ໄດ້ຮັບຄຳຍິນຍອມຈາກຜູ້ປົກຄອງກ່ອນ ແລະ ຍັງຕ້ອງປະຕິບັດຕາມກົດໝາຍ ແລະ ຂໍ້ບັງຄັບທັງໝົດນຳ. ຜູ້ສ້າງ ແລະ ຍີ່ຫໍ້ສິນຄ້າທີ່ພວກເຮົາເຮັດວຽກນໍາມີຄວາມຮັບຜິດຊອບຕໍ່ຄວາມເຂົ້າໃຈ ແລະ ປະຕິບັດຕາມພັນທະໃນທ້ອງຖິ່ນ ແລະ ທາງດ້ານກົດໝາຍຂອງເຂົາເຈົ້າເພື່ອເປີດເຜີຍການໂຄສະນາແບບຈ່າຍເງິນໃນເນື້ອຫາຂອງຕົນ. ບາງພັນທະເຫຼົ່ານີ້ຮວມມີເວລາ ແລະ ວິທີການເປີດເຜີຍ ແລະ ຂໍ້ມູນວ່າເປີດເຜີຍໃຫ້ໃຜ.