Þú getur fengið meira út úr frumsýningu með því að sérsníða hana Veldu annað þema fyrir niðurtalningu, aflaðu tekna af frumsýningu eða birtu stiklu.
Velja þema fyrir niðurtalningu
Tveimur mínútum áður en frumsýningin hefst munt þú og áhorfendur þínir sjá vídeó í beinni sem telur niður að frumsýningunni. Þú getur valið úr lista yfir þemu fyrir niðurtalningu.
- Hladdu upp vídeói í YouTube Studio.
- Skipuleggðu upphlaðið vídeóið sem frumsýningu í skrefinu „Sýnileiki“.
- Smelltu á Setja upp frumsýningu.
- Veldu niðurteljara í „Velja þema fyrir niðurtalningu“.
Sýna stiklu
Gerðu áhorfendur í beinni spennta fyrir væntanlegu vídeói með því að sýna stiklu úr því á frumsýningarsíðunni. Stiklan spilast fyrir áhorfendur á áhorfssíðunni áður en frumsýningin hefst.
- Hladdu stiklunni upp á YouTube rásina þína eins og þú myndir gera með venjulegt vídeó.
- Farðu í YouTube Studio og hladdu þar upp vídeóinu sem þú vilt frumsýna.
- Skipuleggðu sem frumsýningu í skrefinu „Sýnileiki“.
- Smelltu á Setja upp frumsýningu.
- Smelltu á Bæta við í „Bæta við stiklu“ og veldu stikluna.
Þessi eiginleiki er í boði fyrir höfunda sem hafa fleiri en 1.000 áskrifendur og enga punkta vegna brota gegn reglum netsamfélagsins.
- Tegund vídeós: Notaðu tegund vídeós sem YouTube styður.
- Lengd vídeós: 15 sekúndur – 3 mínútur.
- Myndhlutfall og upplausn: Við ráðleggjum þér að nota sama myndhlutfall og upplausn og eru í vídeóinu sem á að frumsýna.
- Hljóð- og vídeóréttindi: Gættu þess að stiklan brjóti ekki gegn öðru efni.
- Gættu þess að ekkert efni brjóti gegn reglum netsamfélagsins.
Aflaðu tekna af frumsýningu
Það eru nokkrar leiðir til að afla peninga af frumsýningu vídeós:
Ef rásin þín á rétt á auglýsingatekjum geturðu kveikt á auglýsingum sem þá birtast í upphafi frumsýningarinnar. Miðjuauglýsingar og auglýsingar eftir myndefni eru ekki í boði fyrir frumsýningar.
Að lokinni frumsýningu fylgjum við sjálfgefnum auglýsingastillingum rásarinnar.
Kynntu þér hvernig þú kveikir á auglýsingum fyrir vídeó eða breytir sjálfgefnum stillingum fyrir upphleðslu.
Ofurspjall og Super Stickers eru leið til að tengja aðdáendur og höfunda í spjalli í beinni. Áhorfendur geta keypt Ofurspjall til að merkja skilaboðin sín í spjalli í beinni. Þú getur kveikt á Ofurspjalli og Super Stickers fyrir áhorfendur fyrir frumsýninguna og á meðan hún stendur yfir.
Athugaðu hvort þú uppfyllir skilyrði fyrir Ofurspjall og Super Stickers.
Ef þú uppfyllir skilyrðin geturðu nýtt þér fríðindi rásaraðildar, til dæmis spjall fyrir meðlimi eingöngu. Einnig færðu fríðindi eins og sérsniðin emoji og tryggðarmerki.