අධීක්ෂිත ගිණුමක් සහ සාමාන්‍ය YouTube හෝ YouTube Music ගිණුමක් අතර ඇති වෙනස කුමක්ද?
ඔබේ දරුවාගේ අධීක්ෂිත ගිණුම බොහෝ සෙයින් සාමාන්‍ය YouTube හෝ YouTube Music ගිණුමක් ලෙස පෙනෙන නමුත් ලබා ගත හැකි විශේෂාංග සහ සැකසීම්වලින් වෙනස් වේ.
ඔබේ දරුවාට වාදනය කළ හැකි අන්තර්ගතය ඔබ දරුවාගේ අධීක්ෂිත ගිණුම සඳහා තෝරා ගන්නා අන්තර්ගත සැකසීම මත පදනම් වනු ඇත. YouTube සහ YouTube Music හි සාමාන්‍යයෙන් ලබා ගත හැකි ඇතැම් විශේෂාංග ලබා ගත නොහැකි වනු ඇත. ලබා ගත නොහැකි විශේෂාංගවල ලැයිස්තුවක් ලබා ගැනීමට, WYouTube හි අධීක්ෂිත අත්දැකීමක් යනු කුමක්ද? වෙත යන්න.
ස්වයං ප්‍රකාශනය සහ සාමූහික බව YouTube හි වැදගත් කොටසක් වන බැවින්, අධීක්ෂිත ගිණුම් සඳහා බලපාන විශේෂාංග තීරණය කිරීමේදී අපි මාපියන් සහ විශේෂඥයන් සමග වැඩ කරමු.
YouTube Kids යනු කුමක්ද? එය YouTube හි අධීක්ෂිත ගිණුමකට වඩා වෙනස් වන්නේ කෙසේ ද?
YouTube Kids යනු ළමයින් ගැන සිතා ගොඩ නැගූ අපගේ වෙන් වූ යෙදුමකි. අධීක්ෂිත ගිණුමක් සමග, මාපියන් YouTube සහ YouTube Music හි ළමයින්ට සොයා ගැනීමට සහ වාදනය කිරීමට හැකි දේ සීමා කරන.අන්තර්ගත සැකසීමක් තෝරා ගනී.
YouTube Kids හි වීඩියෝ යනු විවිධත්වයෙන් යුතු නමුත් සාමාන්‍ය YouTube හි ලබා ගත හැකි දේට වඩා කුඩා වීඩියෝ තෝරා ගැනීමකි. සංයෝජන කිහිපයක් හරහා වීඩියෝ තෝරා ගනු ලැබේ. මෙම වීඩියෝ මානව සමාලෝචනය සහ විශේෂඥයන්ගෙන් තෝරන ලද වාදන ලැයිස්තු මගින් තෝරා ගනු ලැබේ. ඇල්ගොරිත්මික පෙරහන් කිරීම ද සුදුසු වීඩියෝ තෝරා ගැනීමට උදව් වනු ඇත.
YouTube Kids සහ අධීක්ෂිත ගිණුම් අතර වෙනස්කම් ගැන තව දැන ගැනීමට, පවුලක් ලෙස ඔබේ තේරීම් අවබෝධ කර ගැනීම වෙත යන්න.
සීමා කළ ප්‍රකාරය යනු කුමක්ද? එය YouTube හි අධීක්ෂිත ගිණුමකට වඩා වෙනස් වන්නේ කෙසේ ද?
සීමා කළ ප්‍රකාරය යනු YouTube හි විකල්පමය සැකසීමකි. ඔබ දැකීමට අකැමැති හෝ ඔබේ උපාංගය භාවිත කරන වෙනත් අය දැකීමට අවශ්‍ය නොවන වැඩිහිටි විය හැකි අන්තර්ගතය පරික්ෂා කිරීමට උදව් කරයි. වඩාත් සීමා කරන ලද YouTube අත්දැකීමක් අවශ්‍ය වන පුස්තකාල, පාසැල් සහ පොදු ආයතන වැනි පරිශීලකයෝ සාමාන්‍යයෙන් සීමා කළ ප්‍රකාරය ක්‍රියාත්මක කරති.
තම නව යෞවනයාගේ Google ගිණුමට අධීක්ෂණය එක් කර ඇති අවුරුදු 13ට වැඩි නව යෞවනයන්ගේ මාපියන්ට ද වැඩිහිටියන් සඳහා විය හැකි අන්තර්ගතය පරික්ෂා කිරීමට සීමා කළ ප්‍රකාරය භාවිත කළ හැකි ය.
තමන්ගේ පවතින Google ගිණුම්වලට අධීක්ෂණය එක් කර ඇති තම රටේ/කලාපයේ අදාළ වයසට වැඩි නව යෞවනයන් සඳහා අධීක්ෂිත ගිණුම් ලබා ගත නොහැකි ය. අධීක්ෂිත ගිණුම් ලබා ගත හැක්කේ අවුරුදු 13 (හෝ ඔවුන්ගේ රටේ/කලාපයේ අදාළ වයස)ට අඩු දරුවන්ට වන අතර තම දරුවන්ගේ YouTube අත්දැකීම පාලනය කිරීමට මාපිය පාලනයන් ලබා දේ.
මා මගේ දරුවා සඳහා අධීක්ෂිත ගිණුමක් පිහිටුවන විට අන්තර්ගත සැකසීම් සඳහා මගේ තෝරා ගැනීම් මොනවාද?
ඔබට තෝරා ගත හැකි අන්තර්ගත සැකසීම් 3ක් ඇත:
- ගවේෂණය: අවුරුදු 9+ බලන්නන් සඳහා අන්තර්ගත ශ්‍රේණිගත කිරීම් සමග සාමාන්‍යයෙන් ගැළපේ. වීඩියෝවලට වීලොග, නිබන්ධන, ක්‍රීඩා වීඩියෝ, සංගීත වීඩියෝ, පුවත් සහ තවත් දේ ඇතුළත් වේ. මංගල දර්ශන සඳහා හැර, සජීවී ප්‍රවාහ නැත. ඇතැම් වීඩියෝවල සුළු ප්‍රචණ්ඩත්වය, අපහාසාත්මක භාෂාව සහ පාලනය කළ ද්‍රව්‍ය අඩංගු විය හැකි ය. ඇතැම් වීඩියෝවල දේහ ප්‍රතිරූපය සහ වෙනස්කම්, මානසික සහ ලිංගික සෞඛ්‍යයට අදාළ අධ්‍යාපනික අන්තර්ගතය ද ඇතුළත් විය හැකි ය.
- තවත් ගවේෂණය කරන්න: අවුරුදු 13+ බලන්නන් සඳහා අන්තර්ගත ශ්‍රේණිගත කිරීම් සමග සාමාන්‍යයෙන් ගැලපේ. මෙම සැකසීමට වඩා විශාල වීඩියෝ එකතුවක් ඇතුළත් වනු ඇත. වීඩියෝවලට සජීවී ප්‍රවාහ, වීලොග, නිබන්ධන, ක්‍රීඩා වීඩියෝ, සංගීත වීඩියෝ, පුවත්, අධ්‍යාපනික වීඩියෝ, DIY, කලා සහ ශිල්ප. නර්තනය සහ තවත් දේ ඇතුළත් වේ. ඇතැම් වීඩියෝවල සැබෑ ලෝකයේ ප්‍රචණ්ඩත්වය, සිමා කරන ලද අසභ්‍ය වචන හෝ පාලනය කළ ද්‍රව්‍ය අඩංගු විය හැකි ය. අසභ්‍ය නොවන ලිංගික යොමු කිරීම් සහ කායික, මානසික සහ ලිංගික සෞඛ්‍යය සහ යහපැවැත්මට අදාළ මාතෘකා ද පැවතිය හැකි ය.
- YouTube හි වැඩි පංගුවක්: මෙම සැකසීමට අවුරුදු 18+ ලෙස ලකුණු කළ වීඩියෝ සහ අධීක්ෂිත අත්දැකීම් භාවිත කරන බලන්නන් සඳහා සුදුසු නොවිය හැකි වීඩියෝ හැර YouTube හි සියලු දේම පාහේ ඇතුළත් වේ. වීඩියෝවලට සජීවී ප්‍රවාහ, වීලොග, නිබන්ධන, ක්‍රීඩා වීඩියෝ, සංගීත වීඩියෝ, පුවත්, අධ්‍යාපනික වීඩියෝ, DIY, කලා සහ ශිල්ප, නැටුම් සහ තවත් බොහෝ දේ ඇතුළත් වේ. සමහර වීඩියෝවල වැඩිහිටි නව යෞවනයන්ට පමණක් සුදුසු විය හැකි චිත්‍රක ප්‍රචණ්ඩත්වය, වැඩිහිටි අන්තර්ගතය, නිරුවත, අසභ්‍ය වචන සහ මානසික රෝග, ආහාර පාලනය සහ ලිංගික සෞඛ්‍යය වැනි මාතෘකා අඩංගු වනු ඇත.
අධීක්ෂිත අත්දැකීම් භාවිත කරන පවුල් සඳහා අන්තර්ගත සැකසීම් තුළින් තව දැන ගන්න.
මට මගේ දරුවාගේ අධීක්ෂිත ගිණුමට YouTube Music හෝ YouTube TV වෙත ප්‍රවේශය ලබා දීමට හැකි ද?
අධීක්ෂිත ගිණුම් YouTube Music සඳහා සහාය දක්වයි. ඔබේ දරුවාගේ අධීක්ෂිත ගිණුම සඳහා ඔබ තෝරා ගත් අන්තර්ගත සැකසීම ඔබ යෙදුම හෝ වෙබ් අඩවිය වෙත පුරන විට YouTube Music අන්තර්ගතය සඳහා ද අදාළ වනු ඇත.
මට YouTube හෝ YouTube Music මගේ දරුවාගේ iOS උපාංගය වෙත බාගැනීමට නොහැකි නම් කුමක් සිදු වේද?
YouTube හෝ YouTube Music යෙදුම බාගැනීමට, මාපියන් ඔවුන්ගේ දරුවාගේ iOS උපාංගයේ ඔවුන්ගේ අන්තර්ගත සහ පෞද්ගලිකත්ව සීමා කිරීම් සැකසීම්සමාලෝචනය කළ යුතු ය.
මගේ දරුවාට අධීක්ෂිත ගිණුමක් තිබේ නම්, දරුවාට මගේ රූපවාහිනියේ YouTube භාවිත කළ හැකි ද?
අධීක්ෂිත ගිණුම්වලට බොහෝ සුදුසුකම් ලත් ස්මාර්ට් රූපවාහිනි, Microsoft Xbox, Nintendo Switch, සහ Sony PlayStation හි YouTube භාවිත කළ හැකි ය. අධීක්ෂිත ගිණුම් පැරණි Android TV උපාංගවල සහාය නොදක්වයි.
මා Google සහයක සබලිත උපාංගයක් භාවිතයෙන් අධීක්ෂිත ගිණුමක් පිහිටුවන්නේ කෙසේද?
ඔබේ දරුවා එක් කිරීමට, ඔබේ දරුවාට ඔබේ උපාංගයේ Google Assistant භාවිත කිරීමට ඉඩ දෙන්න තුළ ඇති පියවර අනුගමනය කරන්න. ඔබ ඔබේ දරුවාගේ Google ගිණුම එක් කර උපාංගයට කතා කළහොත්, අධීක්ෂිත ගිණුම්වලට බෙදාගත් උපාංගවල Google සහායක භාවිත කළ හැකි ය.
YouTube නුසුදුසු අන්තර්ගතය පෙරහන් කරන්නේ කෙසේද?
අපගේ ප්‍රජා මාර්ගෝපදේශ YouTube හි ඉඩ දී ඇති සහ නොමැති දේ ගෙන හැර දක්වයි . මෙම මාර්ගෝපදේශ ඔවුන්ගේ වයස නොසලකා, සියලු දෙනාටම අදාළ වේ. ඔබ ඔබේ දරුවා සඳහා අධීක්ෂිත ගිණුමක් පිහිටුවන්නේ නම්, විවිධ අන්තර්ගත සැකසීම් සඳහා සුදුසුකම් ලබන අන්තර්ගතය කුමක් දැයි සොයා ගැනීමට ප්‍රතිපත්ති ඇත.
අප අපගේ පරිශීලකයන් ගැන අතිශයින් සැළකිලිමත් වෙමින් නුසුදුසු අන්තර්ගතය බැහැර කිරීමට මහන්සි වී වැඩ කරන නමුත්, පෙරහන්වල ස්වයංක්‍රිය කළ පද්ධතිය පරිපූර්ණ නොවේ. ඔබට ඕනෑම වේලාවක ඔබේ දරුවා සඳහා යෙදුම් අවසර සහ අන්තර්ගත සැකසීම් වෙනස් කළ හැකි ය. YouTube සඳහා නුසුදුසු යැයි ඔබ විශ්වාස කරන දෙයක් ඔබ සොයා ගන්නේ නම්, ඔබට එය වාර්තා කළ හැක.
අධීක්ෂිත ගිණුම් සමග වෙළඳ දැන්වීම් ක්‍රියා කරන්නේ කෙසේද?
දරුවන් වඩාත් හොඳින් ආරක්ෂා කිරීමට, ඇතැම් ප්‍රවර්ගවල දැන්වීම් තහනම් කර ඇති අතර පෞද්ගලීකරණය කළ දැන්වීම් ක්‍රියා විරහිත කර ඇත. "ළමයින් සඳහා සාදන ලද" අන්තර්ගතය බලන්නන් වීඩියෝ දැන්වීමක් පෙන්වීමට පෙර සහ පසු දැන්වීම් අවරෝධකයක් දකිනු ඇත. මෙම අවරෝධකය ඔවුන්ට දැන්වීමක් පටන් ගන්නා සහ අවසන් වන අවස්ථාව ඇඟවීමට උදවු කරයි. ඔබට YouTube Premium පවුල් සැලසුමක් තිබේ නම්, ඔබේ දරුවා දැන්වීම්-රහිත අන්තර්ගතය සහ සාමාජිකත්වයේ වෙනත් බෙදාගත් ප්‍රතිලාභ සඳහා සුදුසුකම් ලබයි.
තම වීඩියෝවේ ගෙවූ නිෂ්පාදන ස්ථාපනයක් හෝ පිටසනක් ඇති බව නිර්මාපක අපට පවසා ඇති වීඩියෝ YouTube හි අධීක්ෂිත ගිණුම්වලට පෙන්වනු ඇත. මෙම වීඩියෝ ළමයින් සඳහා සාදන ලද වීඩියෝ පිළිබඳ දැන්වීම් ප්‍රතිපත්තිය සමග ද අනුකූල විය යුතු ය.
YouTube යනු Google හි කොටසක් වන අතර Google හි පෞද්ගලිකත්ව ප්‍රතිපත්ති සහ මූලධර්ම පිළිපදියි. ඔබේ දරුවාගේ Google ගිණුම සමග සම්බන්ධව අප එකතු කරන පුද්ගලික තතු මොනවාදැයි තේරුම් ගැනීම ඔබට වැදගත් වන බව අපි දනිමු. අප එය එකතු කරන හේතුව සහ ඔබට එම තතු පාලනය කිරීමට සහ මැකීමට හැකි ආකාරය ඔබ දැන සිටීමට අවශ්‍ය බව ද අපි දනිමු. අවුරුදු 13 (හෝ ඔවුන්ගේ රටේ/කලාපයේ අදාළ වයස)ට අඩු දරුවන් සඳහා Google ගිණුම් සඳහා Google රහස්‍යතා ප්‍රතිපත්තිය සහ අපගේ රහස්‍යතා නිවේදනය අපගේ රහස්‍යතා භාවිතයන් පැහැදිලි කරයි.
ඔබේ දරුවාට ඔවුන්ගේ ගිණුමේ "YouTube තුළ ඔබේ දත්ත" යටතේ ඔවුන්ගේ YouTube පෞද්ගලිකත්ව සැකසීම් සහ පාලනයන් කළමනාකරණය කිරීමට සහ තව දැන ගැනීමට හැකි ය. මෙම පිටුවට ඔවුන්ගේ වීඩියෝවල සහ ක්‍රියාකාරකම් දත්තවල සාරාංශයක් සහ මෙම දත්ත කළමනාකරණය කිරීමට සැකසීම් ඇතුළත් වේ. මෙම පිටුව ඔවුන් නරඹා ඇති දේ ගැන ඔවුන්ට සිහිකැඳවීම සහ නිර්දේශ ලබා දීම වැනි ඔවුන්ගේ YouTube අත්දැකීම වැඩි දියුණු කිරීමට ඔවුන්ගේ දත්ත භාවිත කරන ආකාරය ගැන තොරතුරු ද විස්තර කරයි.
ඔබේ දරුවාගේ Google ගිණුමේ මාපිය කළමනාකරු ලෙස, ඔබට Family Link වෙතින් ඔවුන්ගේ සෙවුම් සහ නැරඹුම් ඉතිහාසය විරාම කිරීමට හෝ හිස් කිරීමට හැකි ය. ඔබට ඔබේ මාපිය සැකසීම් පිටුව වෙතින් ද ඉතිහාසය හිස් කිරීමට හැකි ය.
අධීක්ෂිත ගිණුම් පාසැල් හෝ අධ්‍යාපනික සංවිධාන සඳහා ලබා ගත හැකිද?
YouTube හි අධීක්ෂිත ගිණුමක් සඳහා සුදුසුකම් ලබන්නේ කවුද?
ඔබට අවුරුදු 13 (හෝ ඔවුන්ගේ රටේ/කලාපයේ අදාළ වයස)ට අඩු ඔබේ දරුවා සඳහා YouTube හි අධීක්ෂිත ගිණුමක් පිහිටුවිය හැකි ය.
මෙසේ වන්නේ නම් ඔබ YouTube හි අධීක්ෂිත ගිණුමක් සඳහා සුදුසුකම් නොලබයි:
- ඔබේ දරුවා අවුරුදු 13 (හෝ ඔවුන්ගේ රටේ/කලාපයේ අදාළ වයස)ට වඩා වැඩි වීම. මෙම අවශ්‍යතාව ඔබ ඔබේ දරුවාගේ අධීක්ෂිත ගිණුම ඔවුන් ඔවුන්ගේ රටේ/කලාපයේ අදාළ වයසට ළඟා වීමට පෙර තැනුවේ නම් පමණි.
- ඔබ යුරෝපීය සංගමය තුල ජීවත් වීම සහ ඔබ ඔබේ දරුවා සඳහා අධීක්ෂණය 2021 අප්‍රේල් මාසයට පෙර පිහිටුවීම. ඔබේ දරුවා එම අවස්ථාවේ දී ඔවුන්ගේ රටේ/කලාපයේ අදාළ වයසට අඩු වූයේ නම් ද, අධීක්ෂිත ගිණුමක් ලබා ගත නොහැකි වනු ඇත.