Hver er munurinn á forsjárreikningi og venjulegum YouTube- eða YouTube Music-reikningi?
Forsjárreikningur barnsins þíns mun að flestu leyti líkjast venjulegum YouTube- eða YouTube Music-reikningi en mun hafa ólíka eiginleika og stillingar í boði.
Efnið sem barnið þitt getur spilað fer eftir efnisstillingunni sem þú velur fyrir forsjárreikning þess. Sumir eiginleikar sem eru venjulega í boði á YouTube og YouTube Music verða ekki í boði. Til að fá lista yfir eiginleika sem eru ekki í boði, farðu á Hvað er upplifun með eftirliti á YouTube?.
Þar sem tjáning og samfélag eru mikilvægir hlutar af YouTube störfum við með foreldrum og sérfræðingum þegar við ákveðum hvaða eiginleikum er breytt á forsjárreikningum.
Hvað er YouTube Kids? Hvernig er það frábrugðið forsjárreikningi á YouTube?
YouTube Kids er sérstakt forrit sem við höfum búið til með börn í huga. Á forsjárreikningi velja foreldrar efnisstillingu sem takmarkar hvað börn geta fundið og spilað á YouTube og YouTube Music.
Vídeóin í YouTube Kids eru fjölbreytt en í minna úrvali heldur en það sem er í boði á venjulega YouTube. Vídeó eru valin með nokkrum aðferðum. Þessi vídeó eru valin með mennskri yfirferð og spilunarlistum sem sérfræðingar setja saman. Síun með reikniriti hjálpar líka við að velja viðeigandi vídeó.
Frekari upplýsingar um muninn á YouTube Kids og forsjárreikningum er að finna á Hverjir eru valkostir fjölskyldunnar.
Hvað er takmörkunarstilling? Hvernig er hún frábrugðin forsjárreikningi á YouTube?
Takmörkunarstilling er valfrjáls stilling á YouTube. Hún hjálpar við að sía út efni sem er mögulega ætlað fullorðnum og sem þú vilt ekki sjá eða að aðrir sem nota tækið þitt sjái. Notendur sem vilja YouTube upplifun með meiri takmörkunum, eins og bókasöfn, skólar og opinberar stofnanir kveikja yfirleitt á takmörkunarstillingu.
Foreldrar unglinga eldri en 13 ára sem eru með aukið eftirlit með Google-reikningi unglingsins síns geta einnig notað takmörkunarstillingu til að útiloka efni sem er hugsanlega aðeins ætlað fullorðnum.
Forsjárreikningar eru ekki í boði fyrir unglinga eldri en sá aldur sem við á í þeirra landi/landsvæði sem hafa bætt eftirliti við fyrirliggjandi Google-reikninga sína. Forsjárreikningar eru í boði fyrir börn yngri en 13 ára (eða sá aldur sem við á í þeirra landi/landsvæði) og veita foreldrum tæki til að hafa umsjón með YouTube upplifun barna þeirra.
Hvaða valkosti hef ég fyrir efnisstillingar þegar ég set upp forsjárreikning fyrir barnið mitt?
Þú getur valið úr 3 efnisstillingum:
- Kanna: Passar yfirleitt við efnisflokkun fyrir áhorfendur sem eru 9+ ára. Vídeóin sýna meðal annars vídeóblogg, leiðsagnir, leikjavídeó, tónlistarvídeó, fréttir og fleira. Engin beinstreymi nema frumsýningar. Sum vídeó innihalda vægt ofbeldi, móðgandi orðalag og fíkniefni. Sum vídeó geta einnig innihaldið fræðandi efni sem tengist líkamsvitund og -breytingum, geðheilsu og kynheilbrigði.
- Skoða meira: Passar yfirleitt við efnisflokkun fyrir áhorfendur sem eru 13+ ára. Þessi stilling er með enn meira úrval af vídeóum. Vídeóin sýna meðal annars beinstreymi, vídeóblogg, leiðsagnir, leikjavídeó, tónlistarvídeó, fréttir, fræðsluefni, heimaframkvæmdir, listir og handverk, dans og fleira. Sum vídeó innihalda raunverulegt ofbeldi, takmarkaða notkun á blótsyrðum eða fíkniefni. Óbeinar kynferðislegar tilvísanir og efni tengt líkamsheilbrigði, geðheilsu, kynheilbrigði og vellíðan geta einnig komið fram.
- Flest á YouTube: Þessi stilling birtir næstum því allt á YouTube nema vídeó merkt 18+ og önnur vídeó sem eru mögulega óviðeigandi fyrir áhorfendur sem nota upplifun með eftirliti. Vídeóin sýna meðal annars beinstreymi, vídeóblogg, leiðsagnir, leikjavídeó, tónlistarvídeó, fréttir, fræðsluefni, heimaframkvæmdir, listir og handverk, dans og margt fleira. Sum vídeó munu innihalda: viðkvæm málefni sem eru e.t.v. viðeigandi fyrir eldri unglinga, t.d. gróft ofbeldi, efni ætlað fullorðnum, nekt, sterk blótsyrði og efni eins og geðsjúkdóma, megrun og kynheilbrigði.
Frekari upplýsingar eru í Efnisstillingar fyrir fjölskyldur sem nota upplifun með eftirliti.
Get ég veitt forsjárreikningi barnsins míns aðgang að YouTube Music eða YouTube TV?
Forsjárreikningar eru studdir fyrir YouTube Music. Efnisstillingin sem þú velur fyrir forsjárreikning barnsins þíns gildir einnig um efni á YouTube Music þegar það skráir sig inn í forritið eða vefsvæðið.
Hvað ef ég get ekki sótt YouTube eða YouTube Music í iOS-tæki barnsins?
Foreldrar ættu að skoða stillingar efnis- og birtingartakmarkana í iOS-tæki barnsins til að sækja YouTube- eða YouTube Music-forritið.
Ef barnið mitt er með forsjárreikning, getur það þá notað YouTube í sjónvarpinu mínu?
Forsjárreikningar geta notað YouTube á flestum gjaldgengum snjallsjónvörpum, Microsoft Xbox, Nintendo Switch og Sony PlayStation. Forsjárreikningra eru ekki studdir á eldri Android TV-tækjum.
Hvernig set ég upp forsjárreikning með tæki með innbyggðum Google-hjálpara?
Til að bæta barninu þínu við skaltu fylgja skrefunum í Leyfa barninu þínu að nota Google-hjálpara í tækjunum þínum. Ef þú bætir Google-reikningi og rödd barnsins við tækið geta forsjárreikningar notað Google-hjálpara í samnýttum tækjum.
Hvernig síar YouTube burt óviðeigandi efni?
Reglur netsamfélagsins lýsa því hvað er leyft og ekki leyft á YouTube. Þessar reglur gilda fyrir alla óháð aldri. Ef þú setur upp forsjárreikning fyrir barnið þitt eru til reglur til að ákveða hvaða efni er gjaldgengt fyrir ólíkar efnisstillingar.
Okkur er mjög annt um notendur okkar og kappkostum að útiloka óviðeigandi efni en engin sjálfvirk síukerfi eru fullkomin. Þú getur breytt heimildum forrits og efnisstillingum fyrir barnið þitt hvenær sem er. Ef þú finnur efni sem þú telur vera óviðeigandi fyrir YouTube geturðu tilkynnt það.
Hvernig virka auglýsingar með forsjárreikningum?
Til að veita börnum meiri vernd eru auglýsingar í ákveðnum flokkum bannaðar og slökkt er á sérsniðnum auglýsingum. Áhorfendur efnis „ætlað börnum" sjá kannski innskotsauglýsingu fyrir og eftir að vídeóauglýsing birtist. Þessi innskotsauglýsing varar þá við að auglýsing sé að hefjast eða ljúka. Ef þú ert með YouTube Premium-fjölskylduaðild getur barnið þitt fengið efni án auglýsinga og notið annarra sameiginlegra kosta við aðild.
Vídeó þar sem höfundur hefur sagt okkur að innihaldi keypta vöruinnsetningu eða meðmæli verða birt í forsjárreikningum á YouTube. Þessi vídeó verða líka að fara eftir auglýsingareglunum fyrir vídeó sem eru ætluð börnum.
YouTube er hluti af Google og fylgir persónuverndarstefnum og meginreglum Google. Við vitum að það er mikilvægt fyrir þig að skilja hvaða persónuupplýsingum við söfnum í tengslum við Google-reikning barnsins. Við vitum líka að þú þarft að vita hvers vegna við söfnum þeim og hvernig þú getur stjórnað og eytt upplýsingunum. Persónuverndarstefna Google og upplýsingar okkar um persónuvernd fyrir Google-reikninga fyrir börn yngri en 13 ára (eða sá aldur sem við á í þeirra landi/landsvæði) útskýra vinnureglur okkar um persónuvernd.
Barnið getur stjórnað persónuverndarstillingum sínum og stýringum og fengið frekari upplýsingar um þær í „Gögnin þín á YouTube“ á reikningi þess. Þessi síða veitir samantekt yfir vídeó þeirra og aðgerðagögn og stillingar til að stýra þessum gögnum. Síðan gefur líka upplýsingar um hvernig gögnin eru notuð til að bæta upplifun þeirra á YouTube, til dæmis með áminningum um hvað barnið hefur horft á og með því að gefa tillögur.
Sem umsjónarmaður með Google-reikningi barnsins getur þú gert hlé á eða eytt leitar- og áhorfsferli þess í Family Link. Þú getur líka eytt ferlinum á síðunni fyrir barnalæsingar á YouTube.
Geta skólar eða menntastofnanir fengið forsjárreikninga?
Hver getur notað forsjárreikning á YouTube?
Þú getur sett upp forsjárreikning á YouTube fyrir barn sem er yngra en 13 ára (eða sá aldur sem við á í landi/landsvæði þess).
Þú getur ekki notað forsjárreikning á YouTube ef:
- Barnið þitt er eldra en 13 ára (eða sá aldur sem við á í þínu landi/landsvæði). Þetta skilyrði gildir eingöngu ef þú bjóst til forsjárreikning fyrir barnið áður en það náði viðkomandi aldri í þeirra landi/landsvæði.
- Þú býrð í Evrópusambandinu og settir upp forsjárreikning fyrir barnið þitt fyrir apríl 2021. Ef barnið var undir þeim aldri sem við á í þeirra landi/landsvæði á þeim tíma er ekki hægt að búa til forsjárreikning.