Manood ng YouTube sa PlayStation

Puwede ka nang manood sa PlayStation ng mga video sa YouTube. Sa YouTube app, magagawa mong tingnan ang mga channel kung saan ka naka-subscribe, at maghanap ng content sa YouTube app. Alamin kung paano gamitin ang iyong telepono, tablet, o computer bilang remote.

I-download ang YouTube app

I-download ang YouTube app para magsimula.

I-link ang iyong Google Account sa PlayStation account mo

Puwede mong i-link ang iyong mga Google at PlayStation account para makapag-broadcast at makapag-share ng gameplay mula sa console mo patungo sa YouTube.

Alamin kung paano mag-sign in sa iyong account sa PlayStation mo. Kung wala ka nang access sa device, puwede ka ring lumipat ng account o mag-sign out.

Tandaan: Hindi ka masa-sign in sa YouTube kapag ni-link mo ang iyong Google Account sa PlayStation account mo. Kakailanganin mo pa ring mag-sign in sa YouTube app.

Mga kontrol sa video

Kapag nakapili ka na ng video na ipe-play, may lalabas na bar ng mga kontrol ng player at magbibigay-daan ito sa iyong isagawa ang mga sumusunod na pagkilos:

• Mag-pause/magpatuloy : Pindutin ang X sa iyong remote habang naka-focus ang progress bar ng video para i-pause o ituloy ang video.
• Mag-fast forward : Pindutin ang kanang arrow sa controller habang nasa progress bar ng video para mag-forward sa video.
• Mag-rewind : Pindutin ang kaliwang arrow sa controller habang nasa progress bar ng video para mag-backward sa video.
• Closed Captioning : Kung may mga caption ang video, piliin ang para i-on at i-off ang mga closed caption ng video at baguhin ang mga setting ng display ng caption.
• Mag-flag : Iulat ang video para sa hindi naaangkop na content.

Kapag nagpe-play ng video, makakakita ka ng higit pang opsyon sa pamamagitan ng pagpili sa Higit Pang Pagkilos. Doon, makikita mo ang:

• Mag-subscribe sa channel.
• I-rate ang video.
• Iulat ang video dahil sa paglabag sa Mga Alituntunin ng Komunidad.

Tandaan: Puwedeng i-play ang mga video nang hanggang 4K sa 60 frame bawat segundo.

Maghanap ng Mga Video

Puwede kang maghanap ng mga video sa YouTube app gamit ang Paghahanap Gamit ang Boses. Narito kung paano:

1. Magkonekta ng mikropono sa iyong DualShock® controller (o magkonekta ng PlayStation® Camera na may built-in na mikropono).
2. Buksan ang YouTube app at pumunta sa page ng Paghahanap.
3. Piliin ang Mikropono sa kaliwa ng on-screen na keyboard (o para sa shortcut, pindutin ang L2 sa iyong controller).
4. Magsalita sa mikropono at sabihin kung ano ang hinahanap mo.
5. Magpa-pop up ang iyong mga resulta.

Manood ng Mga 360 na Video

Puwede kang manood ng mga 360-degree na video sa iyong PlayStation 4 o 5. Kapag nanonood ng mga 360 na video, puwedeng gamitin ang kaliwa at kanang joystick sa naka-attach na controller para mag-pan sa palibot ng video.

Magpares ng pangalawang device sa iyong PlayStation

Puwede mong gamitin ang iyong telepono, tablet, o computer bilang remote control. Alamin kung paano mag-link sa iyong Playstation sa pamamagitan ng website o mobile app ng YouTube.

Mag-upload ng video

Puwede kang direktang mag-upload ng mga video ng gameplay sa YouTube gamit ang button na Share sa iyong PlayStation. Narito kung paano:

1. Pindutin ang button na Share sa iyong PS4 controller at piliin ang Upload Video Clip.
2. Piliin ang clip na gusto mong i-upload at piliin ang YouTube.
3. I-trim ang simula at pagatatapos, magdagdag ng pamagat, paglalarawan, at mga tag.
4. Kumpirmahin ang mga setting ng privacy at nag-a-upload ka sa tamang channel.
5. Piliin ang Share.

Magsisimula na ngayong mag-upload ang iyong clip. Puwede mong subaybayan ang pag-usad ng iyong mga upload sa pamamagitan ng pagbisita sa page na Mga Notification ng PS4 o PS5 mo.