Utafiti wa Watayarishi na Wasanii ni wa hiari kwa vituo vya YouTube vya wasanii na watayarishi walioko nchini Marekani, Uingereza, Brazili na India.
Unaweza kupata utafiti huu kwenye kipengele cha Demografia za Watayarishi katika sehemu ya Mipangilio ya Studio ya YouTube. Kwa sasa, ni wamiliki wa vituo walioko nchini Marekani, Uingereza, Brazili na India pekee ndio wanaweza kutumia mipangilio hii.
Data wanayoishiriki wasanii na watayarishi wa YouTube katika kipengele cha Demografia za Watayarishi hutusaidia kuwaelewa vyema. Taarifa mahususi tunazokusanya hutofautiana kulingana na maeneo lakini watayarishi, ikiwa wataamua kufanya hivyo, sasa wanaweza kushiriki na demografia ya YouTube na maelezo ya utambulisho.
Taarifa hizi kuhusu vituo vya YouTube hutusaidia kuhakikisha kuwa mifumo yetu haina upendeleo usio wa kukusudia.
Tunataka kuhakikisha kuwa YouTube ni jumuishi na inamfaa kila mtu. Kwa sasa, mchakato wa tathmini wa mifumo yetu ni mdogo kwa sababu hatuna taarifa za utambulisho kuhusu vituo vilivyo kwenye YouTube. Hatuna namna ya kutathmini kwa upana jinsi bidhaa na sera zetu zinavyofanya kazi kwenye vituo vya jumuiya ya watayarishi na wasanii wa demografia au utambulisho mahususi.
Tunawakaribisha Watayarishi wote wa Uingereza: Mipangilio ya Studio ya Demografia za Watayarishi
Jinsi tunavyotumia data ya kipengele cha Demografia za Watayarishi
Tunatumia data tuliyokusanya kutathmini jinsi YouTube inavyofanya kazi kwenye vituo vya watayarishi na wasanii wanaowakilisha jumuiya mbalimbali. Tunatumia data unayoshiriki ili:
- Kutathmini jinsi algoriti na mifumo yetu inavyoshughulikia maudhui kutoka jumuiya mbalimbali
- Kuelewa jinsi jumuiya mbalimbali zinavyokua kwenye YouTube
- Kubaini mitindo ya matumizi mabaya inayoweza kutokea, ikiwemo unyanyasaji na chuki
- Kuboresha mipango, kampeni na huduma zetu zilizopo
Iwapo tutapata matatizo kwenye mifumo yetu yanayoathiri jumuiya mahususi, tunajitolea kuyarekebisha. Tutaendelea kushiriki nawe hatua tunazopiga kwenye jitihada hizi kadiri tunavyoendelea.
Ukichagua kushiriki maelezo yako katika kipengele cha Demografia za Watayarishi, Google LLC itahifadhi maelezo yako kwa mujibu wa Sera ya Faragha ya Google. Maelezo unayotuma huhifadhiwa kwenye chaneli yako ya YouTube na hayatatumiwa na bidhaa nyinginezo za Google. Hazitawekwa hadharani au kutumiwa kwa madhumuni ya utangazaji bila idhini yako.
Yafuatayo ni maelezo zaidi kuhusu jinsi tunavyotumia data unayoshiriki:
Kutathmini jinsi algoriti na mifumo yetu inavyoshughulikia maudhui kutoka jumuiya mbalimbali
Kuelewa jinsi jumuiya mbalimbali zinavyokua kwenye YouTube
Data hii itatumiwa pia kutusaidia kuelewa jinsi jumuiya mbalimbali za watayarishi zinavyokua kwenye YouTube.
Mfano mmoja wa jinsi tunavyotathmini ukuaji ni kuchunguza jinsi jumuiya mbalimbali zinavyochuma mapato kwenye YouTube. Tumesikia maoni kutoka kwa watayarishi na wasanii kuhusu hali ambapo mifumo yetu ya uchumaji wa mapato haifanyi kazi inavyotarajiwa. Tunajitahidi kuhakikisha mifumo na sera zetu zinafanya kazi vyema kwa watayarishi na aina zote za maudhui.
Kubaini mitindo hatari ya tabia inayoweza kutokea, ikiwa ni pamoja na unyanyasaji na chuki
Kuboresha mipango, kampeni na huduma zetu zilizopo
Chaguo la kubadilisha au kufuta maelezo ya majibu yako
Soma hapa chini ili upate maagizo kuhusu jinsi ya kufuta maelezo ya majibu yako. Unaweza kubadilisha maelezo uliyoshiriki mara moja katika kipindi cha siku 45. Tarehe inayofuata ambayo unaweza kujaribu tena kutuma maelezo itaonekana kwenye Studio. Inawezekana kufuta majibu yako kabisa wakati wowote.
Kubadilisha majibu ya Demografia za Watayarishi katika Studio ya YouTube:
- Ingia katika akaunti ya Studio ya YouTube.
- Katika upande wa kushoto, bofya Mipangilio.
- Chagua Demografia za Watayarishi.
- Chagua BADILISHA MAJIBU YA UTAFITI.
- Badilisha majibu yako.
- Chagua WASILISHA.
Kubadilisha majibu ya Demografia za Watayarishi katika programu ya Studio ya YouTube:
- Fungua programu ya Studio ya YouTube .
- Gusa picha ya wasifu wako .
- Gusa Miapngilio katika menyu.
- Katika sehemu ya Chaneli, gusa Demografia za Watayarishi.
- Chagua BADILISHA MAJIBU YA UTAFITI.
- Badilisha majibu yako.
- Chagua WASILISHA.
Kufuta majibu ya Demografia za Watayarishi kwenye Studio ya YouTube:
- Ingia katika akaunti ya Studio ya YouTube.
- Katika upande wa kushoto, bofya Mipangilio.
- Chagua Demografia za Watayarishi.
- Chagua FUTA DATA.
- Chagua FUTA dirisha la kuthibitisha litakapoibuka.
Kufuta majibu ya Demografia za Watayarishi katika programu ya Studio ya YouTube:
- Fungua programu ya Studio ya YouTube .
- Gusa picha ya wasifu wako .
- Gusa Mipangilio kwenye menyu.
- Katika sehemu ya Chaneli, gusa Demografia za Watayarishi.
- Chagua FUTA DATA.
- Chagua FUTA dirisha la kuthibitisha litakapoibuka.
Kupakua majibu ya kipengele cha Demografia za Watayarishi:
Ili upakue data yako ya kipengele cha Demografia za Watayarishi, fuata maagizo haya. Iwapo ungependa kupakua data ya chaneli au chaneli zako za YouTube, ni lazima uingie katika akaunti ukitumia Akaunti yako binafsi ya Google, si kwa kutumia Akaunti ya Biashara.
Pata maelezo zaidi kuhusu Demografia za Watayarishi
Ninaweza kutumia mipangilio hii wakati gani?Tulisambaza Utafiti wa Demografia za Watayarishi na Wasanii kwa wasanii na watayarishi nchini Marekani mwaka 2021, tukapanua usambazaji nchini Uingereza mwezi Julai 2023, Brazili mwezi Septemba 2023 na sasa nchini India. Sasa unaweza kupata maswali haya kwenye kipengele cha Demografia za Watayarishi katika sehemu ya Mipangilio yako ya Studio ya YouTube kwenye kompyuta.
Ikiwa ungependa kufikia mipangilio hii, lazima uwe mmiliki wa kituo. Iwapo unatumia Akaunti ya Biashara, ni lazima uwe Mmiliki Mkuu. Iwapo unatumia ruhusa za kituo cha YouTube, ni lazima uwe Mmiliki.
Je, lini mtapanua usambazaji wa mipangilio hii ili ipatikane kwenye nchi au maeneo mengine na aina zaidi za utambulisho?
Tunapanua usambazaji ili ipatikane nchini India mwaka 2023 tukiwa na mipango ya kupanua usambazaji ili upatikane katika nchi au maeneo mengi hivi karibuni. Tunafahamu kwamba aina na chaguo zilizo kwenye utafiti haziangazii njia zote zinazotumiwa na watu ulimwenguni ili kufafanua utambulisho wao. Tunatazamia kuongeza aina na chaguo hizi katika siku zijazo.
Mipangilio hii inatumika pamoja na jitihada nyinginezo ambazo tayari zipo ili kutusaidia kuboresha hali ya utumiaji kwa watayarishi na watazamaji wote. Kwa mfano, YouTube inaendelea kufanya kazi na watazamaji na watayarishi wenye ulemavu ili kurahisisha ufikiaji wa mfumo na kusaidia kuhakikisha kuwa kila mtu anapata hali jumuishi ya utumiaji kwenye YouTube.
Je, ni lazima nijibu kila swali katika kipengele cha Demografia za Watayarishi?
Je, mipangilio hii itaathiri utendaji wa kituo changu?
Taarifa unazoshiriki hazitatumika kuathiri utendaji wa maudhui mahususi katika mifumo ya YouTube.
Tunataka kuhakikisha kuwa mifumo yetu haionyeshi upendeleo usio wa kukusudia. Data kutoka kipengele cha Demografia za Watayarishi itatumiwa kutathmini sehemu za YouTube kama vile mifumo yetu ya Utafutaji, Ugunduzi na Uchumaji wa Mapato. Iwapo tutapata hitilafu zinazoathiri jumuiya fulani, tutajitahidi kuboresha mafunzo ya mifumo yetu ili kuifanya ijumuishe kila mtu na iwe sahihi zaidi.Mlitayarishaje dodoso la kipengele cha Demografia za Watayarishi?
Je, majibu yangu yatashirikiwa nje ya YouTube?
Taarifa utakazoshiriki katika Utafiti wa Watayarishi na Wasanii au kwenye mipangilio ya kipengele cha Demografia za Watayarishi zitahifadhiwa kwenye kituo chako cha YouTube na hazitatumiwa na bidhaa nyingine za Google. Hazitawekwa hadharani bila idhini yako ya ziada na hazitatumiwa kwa madhumuni ya utangazaji. Hatutashiriki maelezo haya kwa watangazaji au kuyatumia kwa ajili ya ulengaji wa matangazo.
Unaweza kuchagua iwapo ungependa kutupatia idhini ya kutumia taarifa zako kutuma mialiko zaidi ya kujiunga kwenye mipango na matukio. Taarifa hizi zinaweza kujumuisha kituo au maudhui yako yaliyoangaziwa; au warsha, kutafiti watumiaji au kampeni nyinginezo.
Je, ninaweza kusasisha au kubadilisha maelezo yangu baada ya kuyawasilisha?
Kubadilisha majibu katika kipengele cha Demografia za Watayarishi:
- Ingia katika akaunti ya YouTube kwenye kompyuta au utumie programu ya Studio ya YouTube ukitumia akaunti yako ya mmiliki wa kituo.
- Nenda kwenye Mipangilio ya Studio ya YouTube kisha uchague Demografia za Watayarishi.
- Kwenye programu ya Studio ya YouTube, tafuta Demografia za Watayarishi kwa kugusa picha yako ya wasifu kisha kugusa Mipangilio .
- Chagua BADILISHA MAJIBU YA UTAFITI.
- Badilisha majibu yako.
- Chagua WASILISHA.
Kufuta majibu katika kipengele cha Demografia za Watayarishi:
- Ingia katika akaunti ya YouTube kwenye kompyuta au utumie programu ya Studio ya YouTube ukitumia akaunti yako ya mmiliki wa kituo.
- Nenda kwenye Mipangilio ya Studio ya YouTube kisha uchague Demografia za Watayarishi.
- Kwenye programu ya Studio ya YouTube, tafuta Demografia za Watayarishi kwa kugusa picha yako ya wasifu kisha kugusa Mipangilio.
- Chagua FUTA DATA.
- Chagua FUTA dirisha la kuthibitisha litakapoibuka.
Kupakua majibu ya kipengele cha Demografia za Watayarishi:
Ili upakue data yako ya kipengele cha Demografia za Watayarishi, fuata maagizo haya. Iwapo ungependa kupakua data ya chaneli au chaneli zako za YouTube, ni lazima uingie katika akaunti ukitumia Akaunti yako binafsi ya Google, si kwa kutumia Akaunti ya Biashara.