Kuhusu Demografia za Watayarishi wa YouTube

Kutuma Demografia za Watayarishi ni hiari kwa watayarishi na wasanii walioko Marekani, Uingereza, Brazili, India, Japani, na Ujerumani.

Unaweza kupata Demografia za Watayarishi katika sehemu ya mipangilio ya programu ya Studio ya YouTube kwenye kompyuta ya mezani au vifaa vya mkononi.

Tungependa kuhakikisha kuwa YouTube inamjumuisha na kumfaa kila mtu. Kwa sasa, mchakato wa tathmini wa mifumo yetu ni mdogo kwa sababu hatuna taarifa za utambulisho kuhusu chaneli kwenye YouTube. Hatuna namna ya kutathmini kwa upana jinsi bidhaa na sera zetu zinavyofanya kazi kwenye chaneli za jumuiya za watayarishi na wasanii wa demografia au utambulisho mahususi.

Kumbuka: Tunafahamu kuwa utambulisho ni suala la kibinafsi; kutuma taarifa hizi ni kwa hiari. Mipangilio hii hutupatia data ya utambulisho ambayo hatuifahamu kuhusu chaneli za watayarishi na wasanii kwenye YouTube. Maelezo ya majibu yako ya utafiti yatahifadhiwa kwenye chaneli yako ya YouTube na hayatatumiwa na bidhaa nyingine za Google. Taarifa unazotupatia hazitatumiwa kuathiri utendaji wa video mahususi au chaneli kwenye mifumo ya YouTube.

Jinsi tunavyotumia data ya Demografia za Watayarishi

Tunatumia data tuliyokusanya kutathmini jinsi YouTube inavyofanya kazi kwenye vituo vya watayarishi na wasanii wanaowakilisha jumuiya mbalimbali. Tunatumia data unayotuma ili:

• Kutathmini jinsi algoriti na mifumo yetu hushughulikia maudhui kutoka jumuiya mbalimbali.
• Kuelewa jinsi jumuiya mbalimbali zinavyokua kwenye YouTube.
• Kubaini mitindo ya matumizi mabaya inayoweza kutokea, ikiwemo unyanyasaji na chuki.
• Kuboresha mipango, kampeni na huduma zetu zilizopo.

Iwapo tutapata matatizo kwenye mifumo yetu yanayoathiri jumuiya mahususi, tunajitolea kuyarekebisha. Tutaendelea kukutumia hatua tunazopiga kwenye jitihada hizi kadri tunavyoendelea.

Ukichagua kutuma maelezo yako katika kipengele cha Demografia za Watayarishi, Google LLC itahifadhi maelezo yako kwa mujibu wa Sera ya Faragha ya Google. Maelezo unayotuma huhifadhiwa kwenye chaneli yako ya YouTube na hayatatumiwa na bidhaa nyingine za Google. Hazitawekwa hadharani au kutumiwa kwa madhumuni ya utangazaji bila idhini yako.

Yafuatayo ni maelezo zaidi kuhusu jinsi tunavyotumia data unayoshiriki:

Kutathmini jinsi algoriti na mifumo yetu inavyoshughulikia maudhui kutoka jumuiya mbalimbali

Data hii itatusaidia kuelewa jinsi mifumo yetu inavyoshughulikia maudhui kutoka jumuiya mbalimbali.

Lengo letu ni kubaini vizuri zaidi matatizo yanayoweza kutokea kwenye mifumo yetu ya kiotomatiki. Pia, tunataka kushughulikia matatizo ambayo huenda tukayapata ili kuhakikisha kuwa mifumo yetu inajumuisha kila mtu.

Kuelewa jinsi jumuiya mbalimbali zinavyokua kwenye YouTube

Data hii itatumiwa pia kutusaidia kuelewa jinsi jumuiya mbalimbali za watayarishi zinavyokua kwenye YouTube.

Mfano mmoja wa jinsi tunavyotathmini ukuaji ni kuchunguza jinsi jumuiya mbalimbali zinavyochuma mapato kwenye YouTube. Tumesikia maoni kutoka kwa watayarishi na wasanii kuhusu hali ambapo mifumo yetu ya uchumaji wa mapato haifanyi kazi inavyotarajiwa. Tunajitahidi kuhakikisha mifumo na sera zetu zinafanya kazi vyema kwa watayarishi na aina zote za maudhui.

Kubaini mitindo hatari ya tabia inayoweza kutokea, ikiwa ni pamoja na unyanyasaji na chuki

Iwapo maudhui yanakiuka sera zetu dhidi ya chuki na unyanyasaji, tutayaondoa. Tumesikia maoni kwamba watayarishi wengi wanaendelea kuathiriwa na maudhui ya kukera na ya kuumiza na tabia ya kutoa maoni ya kukera. Data hii itatusaidia kuelewa mapema jinsi aina hii ya tabia inavyoweza kuathiri jumuiya mbalimbali za watayarishi. Pia, itaboresha mifumo yetu ya kiotomatiki kadiri muda unavyosonga.

Kuboresha mipango, kampeni na huduma zetu zilizopo

Kwenye kipengele cha Demografia za Watayarishi, unaweza kutupatia idhini ya kutumia taarifa zako kuwatumia watu wengi zaidi mialiko ya kujiunga kwenye mipango na matukio. Taarifa hizi zinaweza kutusaidia kuelewa vizuri zaidi mipango, kampeni na huduma zetu zilizopo. Huduma hizi ni pamoja na mipango kama vile matukio ya watayarishi na mipango ya kusaidia watayarishi wanaochipukia wakue. Pia, tunafanya utafiti na watayarishi kama vile vikundi vya watu mahususi, vipindi vya kutoa maoni vya ana kwa ana, maswali ya utafiti na aina nyingine za utafiti. Kupitia kazi hii, tunaweza kuwasilisha maoni ya watayarishi kwa timu zetu za usanidi wa bidhaa. Taarifa zilizo kwenye kipengele cha Demografia za Watayarishi zitatuwezesha kutuma mialiko ya utafiti kwa watayarishi wengi zaidi wanaowakilisha uanuai wa jumuiya kwenye YouTube.

Badilisha au ufute maelezo ya majibu yako

Unaweza kubadilisha maelezo uliyotuma mara moja katika kipindi cha siku 45. Tarehe inayofuata ambayo unaweza kujaribu tena kutuma maelezo itaonyeshwa kwenye Studio. Inawezekana kufuta majibu yako kabisa wakati wowote.

Kumbuka: Ukichagua kubadilisha au kufuta taarifa hizi, hatua hiyo haitaathiri utendaji wa maudhui yako kwenye YouTube.

Kubadilisha majibu ya Demografia za Watayarishi katika Studio ya YouTube:

1. Ingia katika akaunti ya Studio ya YouTube.
2. Katika upande wa kushoto, bofya Mipangilio.
3. Chagua Demografia za Watayarishi.
4. Chagua BADILISHA MAJIBU YA UTAFITI.
5. Badilisha majibu yako.
6. Chagua WASILISHA.

Kubadilisha majibu ya Demografia za Watayarishi katika programu ya Studio ya YouTube:

1. Fungua programu ya Studio ya YouTube .
2. Gusa picha ya wasifu wako .
3. Gusa Mipangilio kwenye menyu.
4. Katika sehemu ya Chaneli, gusa kipengele cha Demografia za Watayarishi.
5. Chagua BADILISHA MAJIBU YA UTAFITI.
6. Badilisha majibu yako.
7. Chagua WASILISHA.

Kufuta majibu ya Demografia za Watayarishi kwenye Studio ya YouTube:

1. Ingia katika akaunti ya Studio ya YouTube.
2. Katika upande wa kushoto, bofya Mipangilio.
3. Chagua Demografia za Watayarishi.
4. Chagua FUTA DATA.
5. Chagua FUTA dirisha la kuthibitisha litakapoibuka.

Kufuta majibu ya Demografia za Watayarishi katika programu ya Studio ya YouTube:

1. Fungua programu ya Studio ya YouTube .
2. Gusa picha ya wasifu wako .
3. Gusa Mipangilio kwenye menyu.
4. Katika sehemu ya Chaneli, gusa Demografia za Watayarishi.
5. Chagua FUTA DATA.
6. Chagua FUTA dirisha la kuthibitisha litakapoibuka.

Kupakua majibu ya kipengele cha Demografia za Watayarishi:

Ili upakue data yako ya kipengele cha Demografia za Watayarishi, fuata maagizo haya. Iwapo ungependa kupakua data ya chaneli zako za YouTube, ni lazima uingie katika akaunti ukitumia Akaunti yako binafsi ya Google, si kwa kutumia Akaunti ya Biashara.

Pata maelezo zaidi kuhusu Demografia za Watayarishi

Je, lini mtapanua usambazaji wa mipangilio hii katika nchi au maeneo mengine na aina zaidi za utambulisho?

Tunapanga kupanua katika nchi na maeneo zaidi hivi karibuni. Tunafahamu kwamba aina na chaguo zilizo kwenye utafiti haziangazii njia zote zinazotumiwa na watu kote dunianiili kufafanua utambulisho wao. Tunatazamia kuongeza aina na chaguo hizi katika siku zijazo.

Mipangilio hii inatumika pamoja na jitihada nyingine ambazo tayari zipo ili kutusaidia kuboresha hali ya utumiaji kwa watayarishi na watazamaji wote. Kwa mfano, YouTube inaendelea kufanya kazi na watazamaji na watayarishi wenye ulemavu ili kurahisisha ufikiaji wa mfumo na kusaidia kuhakikisha kuwa kila mtu anapata hali jumuishi ya utumiaji kwenye YouTube.

Je, ni lazima nijibu kila swali katika kipengele cha Demografia za Watayarishi?

Hapana, ukiamua kujaza kipengele Demografia za Watayarishi, kila swali ni la hiari. Unaweza usijibu maswali fulani au uchague “Nisingependa kujibu.”

Je, mipangilio hii itaathiri utendaji wa kituo changu?

Taarifa unazoshiriki hazitatumika kuathiri utendaji wa maudhui mahususi katika mifumo ya YouTube.

Tunataka kuhakikisha kuwa mifumo yetu haionyeshi upendeleo usio wa kukusudia. Data kutoka kipengele cha Demografia za Watayarishi itatumiwa kutathmini sehemu za YouTube kama vile mifumo yetu ya Utafutaji, Ugunduzi na Uchumaji wa Mapato. Iwapo tutapata hitilafu zinazoathiri jumuiya fulani, tutajitahidi kuboresha mafunzo ya mifumo yetu ili kuifanya ijumuishe kila mtu na iwe sahihi zaidi.

Mlitayarishaje dodoso la Demografia za Watayarishi?

Tulishirikiana kwa ukaribu na wataalamu wa masuala ya haki za kiraia na binadamu na watayarishi wanaowakilisha jumuiya mbalimbali katika kila nchi ambapo Demografia za Watayarishi imezinduliwa.

Je, majibu yangu yatatumwa nje ya YouTube?

Taarifa utakazoshiriki katika Utafiti wa Watayarishi na Wasanii au kwenye mipangilio ya kipengele cha Demografia za Watayarishi zitahifadhiwa kwenye kituo chako cha YouTube na hazitatumiwa na bidhaa nyingine za Google. Hazitawekwa hadharani bila idhini yako ya ziada na hazitatumiwa kwa madhumuni ya utangazaji. Hatutashiriki maelezo haya kwa watangazaji au kuyatumia kwa ajili ya ulengaji wa matangazo.

Unaweza kuchagua iwapo ungependa kutupatia idhini ya kutumia taarifa zako kutuma mialiko zaidi ya kujiunga kwenye mipango na matukio. Taarifa hizi zinaweza kujumuisha kituo au maudhui yako yaliyoangaziwa; au warsha, kutafiti watumiaji au kampeni nyinginezo.

Je, ninaweza kusasisha au kubadilisha maelezo yangu baada ya kuyawasilisha?

Unaweza kubadilisha majibu yako ya kipengele cha Demografia za Watayarishi mara moja katika kipindi cha siku 45. Tarehe inayofuata ambayo unaweza kujaribu tena kutuma maelezo itaonyeshwa kwenye Studio. Inawezekana kufuta majibu yako kabisa wakati wowote.

Kubadilisha majibu katika kipengele cha Demografia za Watayarishi:

1. Ingia katika YouTube kwenye kompyuta au utumie programu ya Studio ya YouTube ukitumia akaunti yako ya mmiliki wa chaneli.
2. Nenda kwenye Mipangilio ya Studio ya YouTube kisha uchague kipengele cha Demografia za Watayarishi.
   • Katika programu ya Studio ya YouTube, tafuta Demografia za Watayarishi kwa kugusa picha yako ya wasifu na kugusa Mipangilio .
3. Chagua BADILISHA MAJIBU YA UTAFITI.
4. Badilisha majibu yako.
5. Chagua WASILISHA.

Kufuta majibu katika kipengele cha Demografia za Watayarishi:

1.  Ingia katika YouTube kwenye kompyuta au utumie programu ya Studio ya YouTube ukitumia akaunti yako ya mmiliki wa chaneli.
2. Nenda kwenye Mipangilio ya Studio ya YouTube kisha uchague kipengele cha Demografia za Watayarishi.
   • Katika programu ya Studio ya YouTube, tafuta Demografia za Watayarishi kwa kugusa picha yako ya wasifu na kugusa Mipangilio .
3. Chagua FUTA DATA.
4. Chagua FUTA dirisha la kuthibitisha litakapoibuka.

Kupakua majibu ya kipengele cha Demografia za Watayarishi:

Ili upakue data yako ya kipengele cha Demografia za Watayarishi, fuata maagizo haya. Iwapo ungependa kupakua data ya chaneli zako za YouTube, ni lazima uingie katika akaunti ukitumia Akaunti yako binafsi ya Google, si kwa kutumia Akaunti ya Biashara.

Je, hatua hii itabadilisha taarifa zozote kuhusu akaunti yangu ya Google?

Taarifa utakazoshiriki katika Utafiti wa Watayarishi na Wasanii au kwenye mipangilio ya kipengele cha Demografia za Watayarishi zitahifadhiwa kwenye kituo chako cha YouTube. Hazitatumiwa na bidhaa nyinginezo za Google.