YouTube авторларына арналған демографиялық сауалнама туралы

АҚШ-тағы, Біріккен Корольдіктегі, Бразилиядағы және Үндістандағы авторлар мен орындаушыларды демографиялық сауалнаманы толтыруға шақырамыз. Оған қатысу толығымен ерікті.

Сауалнамаға өту үшін YouTube Studio параметрлерін ашып, Авторларға арналған демографиялық сауалнама бөлімін тауып алыңыз. Қазіргі уақытта сауалнама тек АҚШ-тағы, Біріккен Корольдіктегі, Бразилиядағы және Үндістандағы арна иелеріне қолжетімді.

Сондай-ақ ол YouTube Studio мобильдік қолданбасының параметрлерінде де қолжетімді.

Біз бұл сауалнаманы YouTube-тегі авторлар мен орындаушылар туралы көбірек білу үшін жасадық. Сұрақтар әр аймақта әртүрлі болады, бірақ авторлар енді YouTube-пен демографиялық және жеке басты растайтын ақпаратын қалауынша бөлісе алады.

YouTube арналары туралы бұл ақпарат біздің жүйелерімізде байқаусызда қате түсінік қалыптастыратын ақпараттың жоқ екеніне көз жеткізуге көмектеседі.

Біз YouTube-тегі барлық пайдаланушының мүмкіндіктері тең болғанын қалаймыз. Өкінішке орай, бүгінгі таңда біздің платформамызды бағалау процесі шектеулі, өйткені бізде YouTube арналары туралы қажетті ақпарат жоқ. Біз әртүрлі демографиялық және басқа топтардың авторлары мен орындаушыларына платформамыздағы өнімдер мен саясаттар қаншалықты ыңғайлы екенін толық бағалай алмаймыз.

Ескертпе: сауалнамаға қатысу міндетті емес, сондықтан жеке басты растайтын ақпаратты бөлісу жағын өзіңіз шешіңіз. Бұл параметр авторлар мен орындаушылардың YouTube арналары туралы біз басқа жолмен біле алмайтын жеке деректерін алуға мүмкіндік береді. Жауаптарыңызды YouTube арнаңыз туралы деректермен бірге сақтаймыз және оларды басқа Google өнімдерінде пайдаланбаймыз. Жауаптарыңыз YouTube жүйелеріндегі арнаның немесе жеке бейнелердің көрсеткіштеріне әсер етпейді.

Ұлыбританияда орналасқан барлық авторды қатысуға шақырамыз: "Авторларға арналған демографиялық сауалнама" Studio параметрі

Авторларға арналған демографиялық сауалнамадағы деректердің пайдаланылуы

Алынған деректерге сүйене отырып, біз әртүрлі қауымдастықтардың өкілдері, яғни авторлар мен орындаушылардың арналары үшін YouTube жұмыс принциптерінің қаншалықты ыңғайлы екенін бағалаймыз. Біз сіз берген деректерді келесі мақсаттарда пайдаланамыз:

• алгоритмдеріміз бен жүйелеріміз әртүрлі қауымдастықтардағы контентті қалай өңдейтінін анықтау;
• бұл қауымдастықтардың YouTube-те қалай дамып жатқанын түсіну;
• қорлаушы мінез-құлық көріністерінің, соның ішінде харассмент пен өшпенділіктің ықтимал белгілерін анықтау;
• ағымдағы бағдарламаларды, науқандарды және ұсыныстарды жақсарту.

Жүйелердің кейбір ерекшеліктері белгілі бір қауымдастықтардың авторларына қиындық тудыратынын анықтасақ, түзетулер енгіземіз. Жұмысымыздың нәтижесін міндетті түрде сізбен бөлісетін боламыз. Сонымен қатар біз мұндай тексерістерді жүйелі түрде жүргізуді жоспарлап отырмыз.

Өз ақпаратыңызды авторларға арналған демографиялық сауалнамада бөліссеңіз, Google LLC ақпаратыңызды Google Құпиялық саясатының талаптарына сәйкес сақтайды. Біз бұл ақпаратты YouTube арнаңыз туралы деректермен бірге сақтаймыз және оларды басқа Google өнімдерінде пайдаланбаймыз. Ол сіздің келісіміңізсіз жария етілмейді немесе жарнамалық мақсатта пайдаланылмайды.

Мұнда сіз берген деректерді қалай пайдаланатынымыз туралы толығырақ ақпарат берілген:

алгоритмдеріміз бен жүйелеріміз әртүрлі қауымдастықтардағы контентті қалай өңдейтінін анықтау;

Бұл деректер біздің жүйелеріміздің әртүрлі қауымдастықтардағы контентті өңдеуінде айырмашылықтар бар-жоғын түсінуге көмектеседі.

Біздің мақсатымыз – автоматтандырылған жүйелердегі ықтимал ақауларды жақсырақ анықтау. Cондай-ақ жүйелердің инклюзивті екеніне көз жеткізу үшін анықтауға болатын қателерді түзеткіміз келеді.

Әртүрлі қауымдастықтардың YouTube-те қалай дамып жатқанын түсіну

Бұл деректер YouTube-те әртүрлі авторлық қауымдастықтардың қалай дамып жатқанын түсінуге көмектесу үшін де пайдаланылады.

Мысалы, біз әртүрлі топтағы авторлар мен орындаушылардың арналарындағы монетизация көрсеткіштерін салыстырамыз. Сондай-ақ біз белгілі монетизацияға қатысты мәселелермен жұмыс істеп жатырмыз. Авторлар мен орындаушылардың барлығы өз контентінен табыс таба алатындығына көз жеткізу үшін саясаттарды қарап шығып, жүйемізді тексеріп жатырмыз.

Қауіпті мінез-құлықты, соның ішінде харассмент пен өшпенділікті анықтау

Контент өшпенділік пен харассментке қатысты саясаттарымызды бұзса, біз оны өшіреміз. Көптеген авторлар бізге әлі де намысқа тиетін және жағымсыз контент пен пікірлерге тап болып жатқандарын хабарлап жатыр. Жауаптарыңыз осындай контент түрінің әртүрлі қауымдастықтарға қалай әсер ететінін түсінуге көмектеседі. Бұл сонымен қатар уақыт өте келе біздің автоматтандырылған жүйелерімізді жетілдіруге мүмкіндік береді.

Ағымдағы бағдарламаларды, науқандарды және ұсыныстарды жақсарту

Авторларға арналған демографиялық сауалнамада сізді әртүрлі бағдарламалар мен іс-шараларға қатысуға шақыру үшін деректеріңізді пайдалануға рұқсат бере аласыз. Бұл ақпарат қазіргі бағдарламаларымызды, науқандарымызды және ұсыныстарымызды жақсырақ түсінуге көмектеседі. Бұл ұсыныстарға жаңадан бастаған авторлардың дамуына көмектесетін авторларға арналған іс-шаралар және бағдарламалар кіреді. Біз сондай-ақ фокус-топтар, жеке сұхбаттар және қосымша сауалнамалар аясындағы тақырып бойынша тереңірек зерттеулер жүргіземіз. Алынған нәтижелер әзірлеушілерге авторлардың қажеттіліктерін жақсырақ түсінуге көмектеседі. Сонымен қатар жиналған деректер дәлірек нәтижелерге қол жеткізу үшін зерттеуге YouTube-тегі әртүрлі қауымдастықтардың көбірек өкілдерін шақыруға мүмкіндік береді.

Жауап ақпаратын өзгерту немесе жою

Жіберілген ақпаратты 45 күн сайын өзгертуге болады. Жауаптарыңызды қайта жіберуге болатын келесі күн Studio қолданбасында көрсетіледі. Сондай-ақ жауаптарыңызды кез келген уақытта толығымен жоя аласыз.

Ескертпе: жауаптарыңызды жойсаңыз немесе өзгертсеңіз, бұл YouTube-тегі контентіңіздің көрсеткіштеріне әсер етпейді.

Авторларға арналған демографиялық сауалнама жауаптарын YouTube Studio қолданбасында өзгерту:

1. YouTube Studio қолданбасына кіріңіз.
2. Сол жақтағы Параметрлер түймесін басыңыз.
3. Авторларға арналған демографиялық сауалнама опциясын таңдаңыз.
4. САУАЛНАМАНЫ ӨЗГЕРТУ опциясын таңдаңыз.
5. Қажетті жауаптарыңызды өзгертіңіз.
6. ЖІБЕРУ опциясын таңдаңыз.

Авторларға арналған демографиялық сауалнама жауаптарын YouTube Studio қолданбасында өзгерту:

1. YouTube Studio қолданбасын ашыңыз.
2. Профиліңіздің суретін түртіңіз.
3. Мәзірдегі Параметрлер түймесін түртіңіз.
4. "Арна" бөлімінде Авторларға арналған демографиялық сауалнама опциясын түртіңіз.
5. САУАЛНАМАНЫ ӨЗГЕРТУ опциясын таңдаңыз.
6. Қажетті жауаптарыңызды өзгертіңіз.
7. ЖІБЕРУ опциясын таңдаңыз.

Авторларға арналған демографиялық сауалнама жауаптарын YouTube Studio қолданбасында жою:

1. YouTube Studio қолданбасына кіріңіз.
2. Сол жақтағы Параметрлер түймесін басыңыз.
3. Авторларға арналған демографиялық сауалнама опциясын таңдаңыз.
4. ДЕРЕКТЕРДІ ЖОЮ опциясын таңдаңыз.
5. Растау қалқымалы терезесі шыққанда, ЖОЮ опциясын таңдаңыз.

Авторларға арналған демографиялық сауалнама жауаптарын YouTube Studio қолданбасында жою:

1. YouTube Studio қолданбасын ашыңыз.
2. Профиліңіздің суретін түртіңіз.
3. Мәзірдегі "Параметрлер" түймесін басыңыз.
4. "Арна" бөлімінде Авторларға арналған демографиялық сауалнама опциясын түртіңіз.
5. ДЕРЕКТЕРДІ ЖОЮ опциясын таңдаңыз.
6. Растау қалқымалы терезесі шыққанда, ЖОЮ опциясын таңдаңыз.

Авторларға арналған демографиялық сауалнама жауаптарын жүктеп алу:

Авторларға арналған демографиялық сауалнама деректерін жүктеп алу үшін мына нұсқауларды орындаңыз. YouTube арнасының немесе арналарының деректерін жүктеп алғыңыз келсе, Бренд аккаунтымен емес, жеке Google аккаунтыңызбен кіруіңіз керек.

Авторларға арналған демографиялық сауалнама туралы толық ақпарат

Бұл сауалнамадан қашан өтуге болады?

Біз 2021 жылы АҚШ-тағы авторлар мен орындаушыларға сауалнамадан өту рұқсатын бере бастадық, 2023 жылдың шілдесінде сауалнама Біріккен Корольдікте, ал 2023 жылдың қыркүйегінде Бразилияда қолжетімді болды, енді сауалнамадан Үндістанда да өтуге болады. Бұл сұрақтарды енді компьютеріңіздегі YouTube Studio параметрлеріндегі Авторларға арналған демографиялық сауалнама бөлімінен табуға болады.

Сауалнамадан тек арна иесі өте алады. Егер бренд аккаунтын қолдансаңыз, оның негізгі иесі болуыңыз керек. YouTube арнасының рұқсаттарын пайдалану үшін, оның иесі болуыңыз керек.

Сауалнама басқа елдердің авторлары мен орындаушылары үшін қолжетімді бола ма? Жауап нұсқалары көбірек бола ма?

Сауалнама 2023 жылы Үндістанда шығып, жақын арада басқа елдерде де қолжетімді болады. Сондай-ақ жауап нұсқалары да көбірек болады, өйткені әлемнің түкпір-түкпіріндегі адамдар өздерін мүлдем әрқалай анықтайды. Болашақта санаттар мен таңдау нұсқаларын арттыруды жоспарлап отырмыз.

Сауалнама маңызды, бірақ осы бағыттағы жалғыз қадам емес. YouTube-ті әркімге жағымды платформа ету жолында үздіксіз еңбектенеміз. Бұл ретте мүмкіндігі шектеулі көрермендермен және авторлармен бірлесіп жұмыс істейміз.

Авторларға арналған демографиялық сауалнамадағы әр сұраққа жауап беру керек пе?

Жоқ, барлық сұраққа жауап беру міндетті емес. Кез келген жауап өрісін бос қалдыруға немесе "Жауап бергім келмейді" опциясын таңдауға болады.

Сауалнама нәтижелері менің арнама әсер ете ме?

Жоқ. Жауаптарыңыз YouTube-тегі арнаның немесе жеке бейнелердің көрсеткіштеріне әсер етпейді.

Біздің жүйелеріміз абайсызда қате түсінік бермейтініне сенімді болғымыз келеді. Авторларға арналған демографиялық сауалнамадағы деректер YouTube-тің іздеу, табу және монетизация жүйелері сияқты алгоритмдерін бағалау үшін пайдаланылады. Біз әртүрлі қауымдастықтар контентінің өңделуінде айырмашылықтар бар-жоғын білгіміз келеді. Егер айырмашылықтар табылса, біз оларды оқыту тәсілін өзгертеміз.

Авторларға арналған демографиялық сауалнаманы қалай жасадыңыз?

Біз азаматтық құқық және адам құқықтары саласындағы сарапшылардан көмек алдық. Біз сондай-ақ әртүрлі қауымдастықтардың авторларымен бірлесіп жұмыс істедік.

Менің жауаптарым YouTube-тен тыс жерде жариялана ма?

Жоқ, авторлар мен орындаушыларға арналған сауалнамада немесе авторларға арналған демографиялық сауалнамада берген жауаптарыңыз YouTube арна ақпаратымен бірге сақталады және басқа Google өнімдері мен қызметтерінде пайдаланылмайды. Ол сіздің арнайы келісіміңізсіз жария етілмейді және жарнамалық мақсатта пайдаланылмайды. Біз бұл ақпаратты жарнама берушілерге бермейміз және оны жарнама таргетингісі үшін пайдаланбаймыз.

Сіз бізге жиналған деректерді пайдалануға және сізді әртүрлі бағдарламалар мен іс-шараларға қатысуға шақыруға рұқсат бере аласыз. Бұған қоса сіздің келісіміңізбен біз әртүрлі материалдарда, соның ішінде семинарларда, аудиторияны зерттеу бағдарламаларында және басқа науқандарда арнаңыз бен контентіңізді ерекшелей аламыз.

Ақпаратты жібергеннен кейін жаңартуға/өзгертуге бола ма?

Иә. Авторларға арналған демографиялық сауалнама жауаптарын 45 күнде бір рет өзгертуге болады. Жауаптарыңызды қайта жіберуге болатын келесі күн Studio қолданбасында көрсетіледі. Сондай-ақ жауаптарыңызды кез келген уақытта толығымен жоя аласыз.

Авторларға арналған демографиялық сауалнама жауаптарын өзгерту:

1. Компьютерден YouTube сайтында немесе YouTube Studio қолданбасында арна иесінің аккаунтына кіріңіз.
2. YouTube Studio параметрлеріне кіріп, Авторларға арналған демографиялық сауалнама опциясын таңдаңыз.
   • YouTube Studio қолданбасында профиль суретін басып, Параметрлер түймесін түртіңіз және содан кейін Авторларға арналған демографиялық сауалнама опциясын басыңыз.
3. САУАЛНАМАНЫ ӨЗГЕРТУ опциясын таңдаңыз.
4. Қажетті жауаптарыңызды өзгертіңіз.
5. ЖІБЕРУ опциясын таңдаңыз.

Авторларға арналған демографиялық сауалнама жауаптарын жою:

1. Компьютерден YouTube сайтында немесе YouTube Studio қолданбасында арна иесінің аккаунтына кіріңіз.
2. YouTube Studio параметрлеріне кіріп, Авторларға арналған демографиялық сауалнама опциясын таңдаңыз.
   • YouTube Studio қолданбасында профиль суретін, содан кейін Параметрлер  түймесін түртіп, Авторларға арналған демографиялық сауалнама опциясын таңдаңыз.
3. ДЕРЕКТЕРДІ ЖОЮ опциясын таңдаңыз.
4. Растау қалқымалы терезесі шыққанда, ЖОЮ опциясын таңдаңыз.

Авторларға арналған демографиялық сауалнама жауаптарын жүктеп алу:

Авторларға арналған демографиялық сауалнама деректерін жүктеп алу үшін мына нұсқауларды орындаңыз. YouTube арнасының немесе арналарының деректерін жүктеп алғыңыз келсе, Бренд аккаунтымен емес, жеке Google аккаунтыңызбен кіруіңіз керек.

Бұл менің Google аккаунтым туралы ақпаратты өзгерте ме?

Жоқ, авторлар мен орындаушыларға арналған сауалнамада немесе авторларға арналған демографиялық сауалнамада берген жауаптарыңыз YouTube арна ақпаратымен бірге сақталады. Олар басқа Google өнімдері мен қызметтерінде пайдаланылмайды.