Una swali kuhusu uanachama wako wa YouTube Premium au YouTube Premium Music? Soma hapa chini ili ufahamu kuhusu jinsi ya kuangalia maelezo ya uanachama, kama vile njia ya kulipa, tarehe ya malipo na stakabadhi za malipo ya miamala.
Kuangalia aina na hali ya uanachama wako
Kuangalia aina ya uanachama wako
Ili uone aina ya uanachama ambako umejisajili kwa sasa (jaribio, binafsi, familia, mwanafunzi):
- Nenda kwenye youtube.com/paid_memberships.
- Uanachama na vituo unavyofuatilia kwenye YouTube vitaorodheshwa chini ya sehemu ya “Uanachama”.
- Chini ya jina la kila uanachama, aina na bei ya uanachama wako zitaorodheshwa.
Iwapo umejisajili kwenye uanachama wa Premium kupitia Apple, utaona “Hutozwa na Apple” chini ya maelezo ya uanachama wako. Utahitaji kudhibiti uanachama wako kupitia Apple.
Kuangalia hali ya uanachama wako
Ili uthibitishe hali ya uanachama wako (unaendelea au umesitishwa):
- Nenda kwenye youtube.com/paid_memberships.
- Bofya Dhibiti uanachama.
- Utaona tarehe ya kipindi kinachofuata cha kutozwa iwapo umejisajili kwenye uanachama wa kila mwezi, tarehe ambapo jaribio lako litakamilika (iwapo unatumia kipindi cha kujaribu sasa), au chaguo la kuacha kusitisha uanachama wako (iwapo umesitishwa).
Kuangalia maelezo yako ya malipo
Kuangalia au kubadilisha njia yako ya kulipa inayotumika
- Nenda kwenye youtube.com/paid_memberships.
- Bofya kishale karibu na Dhibiti uanachama ili upanue maelezo ya uanachama wako.
- Utaona njia yako ya kulipa inayotumika ikiwa imeorodheshwa na njia zozote mbadala za kulipa ambazo umeweka.
- Unaweza kubofya Badilisha karibu na “Njia mbadala ya kulipa” ili uweke njia nyingine ya kulipa. Njia mbadala ya kulipa huhakikisha kuwa uanachama na manufaa yako yataendelea hata kama njia yako ya kwanza ya kulipa haiwezi kutozwa kwa sababu fulani.
Kuangalia kiasi na tarehe yako inayofuata ya kulipa
- Nenda kwenye youtube.com/paid_memberships.
- Bofya kishale karibu na Dhibiti uanachama ili upanue maelezo ya uanachama wako.
- Utaona “Tarehe inayofuata ya kulipa” ikiwa imeorodheshwa na bei ya uanachama wako.
Ili ukatize au usitishe uanachama wako, fuata hatua zilizo hapa. Unapokatiza uanachama wako, hutatozwa tena usipojisajili upya. Utaendelea kupata manufaa yako ya uanachama unaolipiwa wa YouTube hadi mwisho wa kipindi cha bili.
Kuangalia stakabadhi zako za malipo
Ili uangalie stakabadhi za malipo za uanachama wako wa YouTube Premium au YouTube Music Premium, tembelea payments.google.com 
Utaona orodha ya miamala yako yote, ikiwa ni pamoja na gharama zako za uanachama wa YouTube. Bofya muamala wowote ili uone maelezo kuhusu tozo hilo, ikiwa ni pamoja na:
- Jumla ya kiasi kinachotozwa
- Tarehe na wakati wa kutozwa
- Hali ya muamala
- Njia ya kulipa iliyotozwa
Iwapo kuna tozo ambalo hutambui au linaonekana kuzidi kiasi kinachotakiwa, angalia orodha hii ya sababu za kawaida za utozaji usiotarajiwa. Iwapo unaamini kuwa utozaji ulifanywa na mtu mwingine, unaweza kuripoti utozaji ambao haujaidhinishwa.
Iwapo unaishi kwenye nchi washirika katika Makubaliano ya Kiuchumi ya Ulaya, utatozwa Kodi ya Ongezeko la Thamani (VAT) kwa baadhi ya ununuzi kutoka Google. Kwa ununuzi huu, unaweza kuomba ankara ya VAT.
Kulingana na huduma ya Google unayotumia kufanya ununuzi, huenda sarafu iliyotumiwa kukutoza isiwe sarafu ya nchi ya nyumbani. Pata maelezo zaidi kuhusu ubadilishaji wa sarafu.
Gharama zinazojirudia nchini India
Kutatua matatizo ya utozaji kwenye YouTube
Bofya kitufe kilicho hapa chini ili utatue au upate maelezo kuhusu malipo yako kwenye YouTube.