Magmungkahi ng mga pag-edit sa isang lugar sa mga resulta ng paghahanap

Kung may makikita kang maling impormasyon tungkol sa mga lugar sa iyong resulta ng paghahanap sa Google, puwede mo itong ipaalam sa amin. Kung isa kang may-ari ng negosyo, alamin kung paano pamahalaan ang impormasyon tungkol sa iyong negosyo.

Mahalaga: Hindi available ang feature na ito sa ilang bansa at rehiyon.

Mga detalye kung saan ka puwedeng magmungkahi ng mga pag-edit

Puwede kang magdagdag o mag-edit ng impormasyon tungkol sa isang lugar, gaya ng:

  • Pangalan
  • Address
  • Lokasyon ng pananda
  • Mga oras o iba pang impormasyon

Puwede ka ring magdagdag o mag-edit ng mga attribute ng negosyo na may kapaki-pakinabang na impormasyon, tulad ng:

  • Mga opsyon sa delivery
  • Pagiging accessible para sa mga naka-wheelchair
  • May upuan sa labas

Magmungkahi ng pag-edit sa isang lugar

  1. Sa iyong computer, pumunta sa google.com.
  2. Maghanap ng lugar. Sa itaas ng mga resulta ng paghahanap, naroon ang buod ng lugar.
  3. Sa ibaba ng buod, i-click ang Magmungkahi ng pag-edit.
  4. Sundin ang mga tagubilin sa screen.

I-edit ang mga attribute ng negosyo

  1. Sa iyong computer, pumunta sa google.com.
  2. Maghanap ng negosyo. Sa kanan ng mga resulta ng paghahanap, naroon ang profile ng negosyo.
  3. Sa ilalim ng mga detalye ng negosyo, i-click ang Ibahagi ang pinakabagong impormasyon.

Magmarka ng lugar bilang sarado o lumipat

Puwede ka ring mag-flag ng lugar na:

  • Permanenteng sarado
  • Lumipat sa bagong lokasyon
  • Wala (isang lugar na wala o hindi naman nagkaroon)
  • Isang pribadong lugar o tahanan (isang lugar na hindi dapat ipakita, tulad ng bahay ng isang tao)
  • Spam, peke, o nakakapanakit (isang pekeng negosyo o lugar na may nakakapanakit na content na hindi dapat ipakita)
  • Duplicate (isang lugar na kopya ng isa pang lugar sa Google Maps)
Tip: Kung sa palagay mo ay may bagay na dapat alisin para sa mga legal na dahilan, magsumite ng legal na kahilingan.

Tagal ng paghihintay na ma-publish ang mga pagtatama

Sinusuri namin ang lahat ng pag-edit, kaya posibleng matagalan bago ma-update ang mga resulta ng paghahanap.

Paano magiging maganda ang isang pag-edit

Pangalan

Gamitin ang opisyal na pangalan ng isang lugar, ang ginagamit sa storefront o website. Huwag maglagay ng anumang karagdagang komento sa field ng pangalan.

Address

Maglagay ng kilalang address. Kung nagmumungkahi ang Maps ng isang address na hindi kumpleto, maglagay ng mga karagdagang detalye sa address.

Pananda

Kapag naglilipat ka ng pananda, tiyaking sapat ang pagkaka-zoom in mo at lumipat sa satellite view. Makakatulong ito sa iyong makita ang mga gusali at ilipat ang pananda sa gusali kung nasaan ang lugar.

Kategorya

Gumamit ng mga partikular na kategorya kapag naglalarawan ng lugar. Halimbawa, gamitin ang "Tindahan ng damit" sa halip na "Tindahan."

Oras

Ilagay ang mga oras kung kailan bukas ang isang lugar. Maaari kang magdagdag ng iba't ibang oras para sa iba't ibang araw ng linggo.

Numero ng telepono

Gamitin ang pangunahing numero ng telepono. Tingnan muna kung tama ang numerong iminungkahi mo. 

Website

Gamitin ang opisyal na website. Huwag magsama ng mga link papunta sa mga social networking site, aggregator ng review, o iba pang katulad na website.