இணையதள உரிமையாளரைத் தொடர்புகொள்ளுதல்

இணையதளத்திலிருந்து எதையேனும் அகற்ற, நீங்கள் வழக்கமாக இணையதள உரிமையாளரிடம் பேச வேண்டும். இணையதளம் Googleளில் காட்டப்பட்டாலும், Google அதன் உரிமையாளர் இல்லை.

ஏன் இணையதள உரிமையாளரிடம் பேச வேண்டும்?

தேடல் முடிவிலிருந்து இணையதளத்தையோ படத்தையோ Google அகற்றினாலும், பக்கம் அகற்றப்படாமல் தொடர்ந்து இருக்கும். அதாவது, தளத்தின் URLலை டைப் செய்தோ, சமூக வலைதளப் பகிர்வு மூலமாகவோ, பிற தேடல் இன்ஜின்களில் இருந்தோ பிறர் அந்தப் பக்கத்தைத் தொடர்ந்து பார்க்க முடியும்.

இணையதள உரிமையாளரிடம் பேசுவதே சிறந்த வழி, ஏனென்றால் அவரால் மட்டுமே பக்கத்தை அகற்ற முடியும்.

உதவிக்குறிப்பு: நீங்கள் Googleளில் தேடும்போது ஒரு படமோ தகவலோ காட்டப்பட்டால், அது இணையத்தில் உள்ளது என்று அர்த்தம். அப்படியிருந்தால், Google அதற்கு ஒப்புதல் அளித்துள்ளது என்று அர்த்தமில்லை.

எப்படி இணையதள உரிமையாளரிடம் பேசுவது?

இணையதள உரிமையாளருடன் பேசுவதற்கான சில வழிகள்:

1. "எங்களைத் தொடர்புகொள்ளுங்கள்" இணைப்பு: “எங்களைத் தொடர்புகொள்ளுங்கள்” இணைப்பையோ இணையதள உரிமையாளரின் மின்னஞ்சல் முகவரியையோ கண்டறியவும். இது வழக்கமாக தளத்தின் முகப்புப் பக்கத்தில் இருக்கும்.
2. Whois மூலம் தொடர்புத் தகவலைக் கண்டறிதல்: இணையதளத்தின் உரிமையாளரைக் கண்டறிய Googleளைப் பயன்படுத்தலாம். google.com தளத்திற்குச் சென்று whois www.example.com என்று தேடவும். இணையதள உரிமையாளரைத் தொடர்புகொள்வதற்கான மின்னஞ்சல் முகவரி வழக்கமாக "பதிவு செய்தவரின் மின்னஞ்சல்" அல்லது "நிர்வாகத் தொடர்பு" என்பதன் கீழ் இருக்கும்.
3. இணையதளத்தின் ஹோஸ்டிங் நிறுவனத்திடம் பேசுதல்: இணையதளத்தை யார் ஹோஸ்ட் செய்கிறார் என்பதை Whois தேடல் முடிவு மூலமாகவும் தெரிந்துகொள்ளலாம். இணையதள உரிமையாளரை நீங்கள் தொடர்புகொள்ள முடியாவிட்டால், தளத்தை ஹோஸ்ட் செய்யும் நிறுவனத்துடன் பேச முயலவும்.

நீங்கள் கேட்டது போல் இணையதள உரிமையாளர் ஏற்கெனவே இணையதளத்தில் மாற்றங்களைச் செய்திருந்தால், பழைய தகவலைத் தேடலில் இருந்து அகற்றும்படி Googleளை நீங்கள் கேட்கலாம். அப்படிச் செய்ய, இணையப் பக்கத்திற்கான அகற்றுதல் கோரிக்கையை அனுப்பவும்.