Subaybayan at paghambingin ang mga security

Maghanap ng mga real-time na quote ng mga security, chart, at balitang pampinansyal sa Google Finance. Maghanap ng impormasyon tungkol sa mga security tulad ng mga stock, currency, at future. Puwede ka ring gumawa ng iyong mga sariling watchlist para subaybayan ang mga stock at iba pang security na pipiliin mo.

Subaybayan ang isang security

1. Sa iyong computer, pumunta sa google.com/finance.
2. Maghanap ng security, tulad ng “Dow Jones Industrial Average.” I-click ang security na gusto mong subaybayan. 
3. Sa kanan ng pangalan ng security, i-click ang Subaybayan.
4. Idaragdag ang security sa iyong default na watchlist. Para idagdag ito sa custom na watchlist, i-click ang Idinagdag sa watchlist. 
5. I-click ang mga watchlist kung saan mo gustong isama ang security.

Paghambingin ang mga security

1. Pumunta sa google.com/finance.
2. Maghanap ng security, tulad ng “Dow Jones Industrial Average.” Mag-click sa pangalan ng security.
3. Sa ilalim ng chart, pumili ng isa sa mga inirerekomendang security. Para maghanap ng iba, piliin ang Paghambingin. 
4. Para mag-alis ng security sa paghahambing, i-click ang icon na  .

Huminto sa pagsubaybay sa security

1. Pumunta sa google.com/finance.
2. Maghanap ng security, tulad ng “Dow Jones Industrial Average.”
3. Sa tabi ng pangalan ng security, i-click ang Sinusubaybayan.
   • Kung hindi mo makita ang “Sinusubaybayan,” i-click ang simbolong ✓.
4. Para i-unselect ang mga watchlist kung saan mo gustong alisin ang security, i-click ang asul na simbolong ✓.

Paghambingin ang mga market

1. Pumunta sa google.com/finance.
2. Para mag-expand ng chart ng performance ng market sa paglipas ng panahon, sa itaas ng screen, i-click ang Paghambingin ang Mga Market. 
3. Pumili ng market. Halimbawa, “Europe” o “Mga Currency.”

Gumawa at maghambing ng mga watchlist

Binibigyang-daan ka ng mga watchlist na ayusin ang mga security na sinusubaybayan mo.

Gumawa ng custom na watchlist

1. Pumunta sa google.com/finance.
2. Sa ilalim ng “Iyong Mga Watchlist,” i-tap ang Bagong watchlist. 
   • Kung hindi mo makita ang “Bagong watchlist,” subukang mag-scroll pakanan.
3. Pangalanan ang iyong watchlist. Halimbawa, “Aking Mga Paboritong Stock.”
4. Para magdagdag ng mga asset sa iyong watchlist, i-tap ang Magdagdag ng mga pamumuhunan.

Mag-browse ng balitang kaugnay ng watchlist

1. Pumunta sa google.com/finance.
2. Sa ilalim ng "Iyong mga watchlist," pumili ng watchlist.
3. Para mag-browse ng kaugnay na balita, mag-scroll sa ibaba ng listahan sa ilalim ng "Iyong watchlist sa balita."

Mag-rename o mag-delete ng custom na watchlist

1. Pumunta sa google.com/finance.
2. Sa ilalim ng "Iyong mga watchlist," piliin ang watchlist na gusto mong i-rename o i-delete. 
   • Tip: Hindi mo puwedeng i-rename o i-delete ang iyong default na watchlist (tinatawag na “Watchlist”), ang mga custom na watchlist mo lang.
3. Sa kanang bahagi sa itaas, i-tap ang .
4. Piliin ang I-rename o I-delete.