Hindi ipapakita ng Google app ang mga resulta ng paghahanap

Kung wala kang makukuhang resulta ng paghahanap sa Google app, posibleng kailanganin mong baguhin ang ilang setting. Puwede mong lutasin ang mga error na tulad ng:

• "Sa kasamaang palad, huminto sa paggana ang Google Search."
• "Hindi naisagawa ang kahilingan dahil walang koneksyon sa internet." 

Sundin ang mga hakbang na ito para subukang lutasin ang iyong problema.

Tip: Posibleng mag-iba-iba ang mga setting ayon sa device.

Hakbang 1: Subukang ayusin ang iyong koneksyon sa Internet

1. Siguraduhing wala sa Airplane mode ang iyong device

Ino-off ng Airplane mode ang Wi-Fi at mga mobile network. Kung may icon na eroplano sa itaas ng iyong screen, naka-on ang Airplane mode.

Para i-off ang Airplane mode:

1. Buksan ang Mga Setting .
2. Sa ilalim ng "Wireless at mga network," i-tap ang Higit pa.
3. I-off ang Airplane mode.

Para makita kung makakakuha ka ng mga resulta, subukan ulit ang iyong paghahanap.

2. Tingnan ang iyong koneksyon ng Wi-Fi.

Kung gumagamit ka ng Wi-Fi para makakonekta sa Internet, posibleng kailanganin mong isaayos ang mga setting ng iyong Wi-Fi.

Para i-on ang Wi-Fi:

1. Buksan ang Mga Setting ​.
2. Sa ilalim ng "Wireless at mga network," i-tap ang Wi-Fi.
3. I-on ang Wi-Fi.
4. Pumili ng network at maglagay ng password kung hihingin ito.

Dapat ay may lumabas na icon ng Wi-Fi sa itaas ng iyong screen. Para makita kung makakakuha ka ng mga resulta, subukan ulit ang iyong paghahanap.

Kung wala kang makukuhang resulta, subukan ang mga hakbang na ito:

• Kung may "?" ang icon: Naka-on ang Wi-Fi, pero hindi ka nakakonekta sa isang network. Sundin ang mga hakbang para i-on ang Wi-Fi at pumili ng network.
• Kung may "!" ang icon: Nakakonekta ka sa isang network pero hindi sa Internet.
  • Tiyaking pinili mo ang tamang network.
  • Kung nakakonekta ka sa isang pampublikong network, posibleng mangailangan ka ng password. Sa iyong browser, magbukas ng webpage para makakita ng screen sa pag-sign in.
  • Kung sa iyo ang modem, i-restart ito. Kung hindi ito gagana, makipag-ugnayan sa iyong Internet provider.
• Kung ang icon ay bahagyang puno o nagbi-blink: Mahina ang koneksyon mo o sinusubukan pa rin ng iyong device na kumonekta.
  • Tiyaking pinili mo ang tamang network.
  • Kung alam mo kung nasaan ang router, para magkaroon ka ng mas malakas na signal, lumapit dito.
  • Kung sa iyo ang router, i-restart ito.

Kung hindi pa rin gagana ang Wi-Fi, posibleng kailanganin mong gumamit na lang ng koneksyon ng mobile data. I-off ang Wi-Fi at subukan ulit ang iyong paghahanap.

3. Suriin ang iyong koneksyon ng mobile data

Kapag hindi available ang Wi-Fi, puwede kang kumonekta sa Internet gamit ang mobile data.

Para masuri ang iyong koneksyon ng mobile data: Buksan ang browser mo at pumunta sa anumang webpage. Kung hindi maglo-load ang page, sundin ang mga hakbang sa ibaba.

Para i-on ang mobile data:

1. Buksan ang Mga Setting ​.
2. Sa ilalim ng "Wireless at mga network," i-tap ang Paggamit ng data.
3. I-on ang "Cellular data" o "Mobile data." Kung naka-on na ito, i-off ito at i-on ulit.

Sa itaas ng iyong screen, makikita mo dapat ang lakas ng iyong signal at uri ng koneksyon sa data (tulad ng LTE). Para makita kung makakakuha ka ng mga resulta, subukan ulit ang iyong paghahanap. 

Kung wala kang makukuhang resulta o kung makakakita ka ng icon na nagpapahiwatig na walang signal, subukan ang mga hakbang na ito:

1. Pumunta sa isang lugar na may mas mahusay na coverage.

Walang koneksyon sa ilang underground at rural na lokasyon. Subukang kumonekta sa ibang lugar.

2. Makipag-ugnayan sa iyong service provider sa mobile

Kung madalas na nagkakaroon ng problema sa mga koneksyon ang iyong device, makipag-ugnayan sa service provider mo.

Hakbang 2: Subukang ayusin ang Google app

1. I-restart ang Google app

1. Buksan ang Mga Setting ​.
2. Sa ilalim ng "Device," i-tap ang Mga App o Application manager.
3. Piliin ang Google App  Sapilitang ihinto  OK.

Para makita kung makakakuha ka ng mga resulta, subukan ulit ang iyong paghahanap.

2. I-restart ang iyong device

I-restart ang iyong device at subukan ulit ang iyong paghahanap.

3. I-update ang Google app

Kung nakakakonekta ka sa Internet, i-update ang Google app sa pinakabagong bersyon.

Para makita kung makakakuha ka ng mga resulta, subukan ulit ang iyong paghahanap.

4. I-clear ang cache ng iyong Google app

Kapag na-clear mo ang cache ng app, dine-delete mo ang data na naka-store sa isang pansamantalang lugar sa memory ng device. Hindi made-delete ng pagkilos na ito ang mga permanenteng file.

Para i-clear ang cache ng iyong Google app:

1. Buksan ang Mga Setting ​.
2. Sa ilalim ng "Device," i-tap ang Mga App o Application manager.
3. Piliin ang Google App.
4. Sa ilalim ng "Storage" o "Cache," i-tap ang I-clear ang cache.

Para makita kung makakakuha ka ng mga resulta, subukan ulit ang iyong paghahanap.

5. I-clear ang data ng iyong Google app

Kapag na-clear mo ang data ng isang app, permanente mong dine-delete ang lahat ng data ng app, kabilang ang mga file at setting.

Para i-clear ang data ng iyong Google app:

1. Buksan ang Mga Setting ​.
2. Sa ilalim ng "Device," i-tap ang Mga App o Application manager.
3. Piliin ang Google App.
4. Sa ilalim ng "Storage," i-tap ang Pamahalaan ang espasyo  I-clear ang data ng Google search.

Para makita kung makakakuha ka ng mga resulta, subukan ulit ang iyong paghahanap.

Tandaan na maraming problema na kusang nalulutas. Kung sinundan mo ang mga hakbang na ito at hindi pa rin lumalabas ang mga resulta ng paghahanap, subukan ulit sa loob ng ilang oras.