ஒரு தலைப்பு குறித்த புதிய முடிவுகள் Google தேடலில் காட்டப்படும்போது அது குறித்த மின்னஞ்சல்களைப் பெறலாம். உதாரணமாக செய்திகள், தயாரிப்புகள், உங்கள் பெயர் தொடர்பான குறிப்பிடல்கள் ஆகியவை குறித்த தகவலைப் பெறலாம்.
விழிப்பூட்டலை உருவாக்குதல்
- Google Alertsஸுக்குச் செல்லவும்.
- மேலே உள்ள பெட்டியில் நீங்கள் பின்தொடர விரும்பும் தலைப்பை உள்ளிடவும்.
- உங்கள் அமைப்புகளை மாற்ற விருப்பங்களைக் காட்டு என்பதைக் கிளிக் செய்யவும். இவற்றை நீங்கள் மாற்றலாம்:
- எப்போதெல்லாம் அறிவிப்பைப் பெறுவீர்கள்?
- நீங்கள் பார்க்கக்கூடிய தளங்களின் வகைகள்
- உங்கள் மொழி
- உலகின் எந்தப் பகுதியைக் குறித்த தகவலைப் பெற விரும்புகிறீர்கள்?
- எத்தனை முடிவுகளைப் பார்க்க விரும்புகிறீர்கள்?
- எந்தக் கணக்குகளெல்லாம் விழிப்பூட்டலைப் பெறும்?
- விழிப்பூட்டலை உருவாக்கு என்பதைக் கிளிக் செய்யவும். பொருந்தக்கூடிய தேடல் முடிவுகளை நாங்கள் கண்டறியும் போதெல்லாம் அது குறித்த மின்னஞ்சல்களை நீங்கள் பெறுவீர்கள்.
விழிப்பூட்டலை மாற்றுதல்
- Google Alertsஸுக்குச் செல்லவும்.
- விழிப்பூட்டலுக்கு அடுத்துள்ள மாற்று என்பதைக் கிளிக் செய்யவும்.
- விருப்பங்கள் எதுவும் தெரியவில்லை எனில் விருப்பங்களைக் காட்டு என்பதைக் கிளிக் செய்யவும்.
- உங்கள் மாற்றங்களைச் செய்யவும்.
- விழிப்பூட்டலைப் புதுப்பி என்பதைக் கிளிக் செய்யவும்.
- விழிப்பூட்டல்களைப் பெறும் விதத்தை மாற்ற அமைப்புகள் என்பதைக் கிளிக் செய்து, உங்களுக்குத் தேவையான விருப்பங்களைத் தேர்ந்தெடுத்து சேமி என்பதைக் கிளிக் செய்யவும்.
விழிப்பூட்டலை நீக்குதல்
- Google Alertsஸுக்குச் செல்லவும்.
- நீங்கள் அகற்ற விரும்பும் விழிப்பூட்டலுக்கு அடுத்துள்ள நீக்கு என்பதைக் கிளிக் செய்யவும்.
- விருப்பத்திற்குட்பட்டது: விழிப்பூட்டும் மின்னஞ்சலுக்கு கீழே உள்ள குழுவிலகு என்பதைக் கிளிக் செய்வதன்மூலமும் விழிப்பூட்டலை அகற்றலாம்.
விழிப்பூட்டல்களைப் பெறுவது அல்லது பார்ப்பது தொடர்பான சிக்கல்களைச் சரிசெய்தல்
படி 1: நீங்கள் உள்நுழைந்துள்ள கணக்கு சரியானதுதானா எனப் பார்க்கவும்
- Google Alertsஸுக்குச் செல்லவும்.
- உங்களின் தற்போதைய கணக்கை அறிய Google Bar பட்டியைப் பார்க்கவும்.
- சரியான கணக்கில் நீங்கள் இல்லை எனில் உங்களின் சுயவிவரப் படம் வெளியேறு என்பதைக் கிளிக் செய்யவும்.
- சரியான கணக்கில் உள்நுழையவும்.
படி 2: உங்கள் விழிப்பூட்டலின் அமைப்புகளைச் சரிபார்க்கவும்
- Google Alertsஸுக்குச் செல்லவும்.
- உங்கள் விழிப்பூட்டல்கள் முடக்கப்பட்டுள்ளன எனும் மெசேஜைப் பார்த்தல் இயக்கு என்பதைக் கிளிக் செய்யவும்.
- "எனது விழிப்பூட்டல்கள்" பிரிவில் நீங்கள் முடிவுகளைப் பார்க்க விரும்பும் விழிப்பூட்டலைக் கிளிக் செய்யவும்.
- உங்கள் மின்னஞ்சல் முகவரியையும் அமைப்புகளையும் பார்க்க விருப்பங்களைக் காட்டு என்பதைக் கிளிக் செய்யவும்.
படி 3: உங்கள் மின்னஞ்சல் அமைப்புகளைச் சரிபார்க்கவும்
மேலுள்ள படிகளைச் செய்தபிறகும் புதிய விழிப்பூட்டல்கள் கிடைக்கவில்லை எனில், உங்கள் மின்னஞ்சல் கணக்கில் இவற்றைச் சரிபார்க்கவும்:
- உங்கள் இன்பாக்ஸ் நிரம்பவில்லை என்பதை உறுதிசெய்யவும்.
- Google Alerts மின்னஞ்சல்கள் ஸ்பேம் கோப்புறைக்குச் செல்லவில்லை என்பதை உறுதிசெய்யவும். Gmailளைப் பயன்படுத்துகிறீர்கள் எனில் உங்கள் தொடர்புகளில் googlealerts-noreply@google.comமைச் சேர்க்கவும்.