கீபோர்டில் சொற்களை உள்ளிடுவதற்குப் பதிலாக விரல்களால் தேடல் வார்த்தைகளை எழுதலாம். நீங்கள் எழுதுபவை சொற்களாக மாற்றப்பட்டு தேடல் பெட்டியில் உள்ளிடப்படும்.
இருப்பு
இந்தச் சாதனங்களில் கையெழுத்து அம்சத்தைப் பயன்படுத்தலாம்:
- Android 2.3 மற்றும் அதற்குப் பிந்தைய பதிப்பைக் கொண்ட மொபைல்கள்
- Android 4.0 மற்றும் அதற்குப் பிந்தைய பதிப்பைக் கொண்ட டேப்லெட்டுகள்
கையெழுத்து அம்சத்தை இயக்குதல் அல்லது முடக்குதல்
- மொபைல் அல்லது டேப்லெட்டில் Search அமைப்புகள் என்பதைத் திறக்கவும்.
- "கையெழுத்து" பிரிவிற்குச் செல்லவும்.
- கையெழுத்து அம்சத்தை இயக்க, இயக்கு என்பதைத் தட்டவும்.
- கையெழுத்து அம்சத்தை முடக்க, முடக்கு என்பதைத் தட்டவும்.
- பக்கத்தின் கீழே உள்ள சேமி என்பதைத் தட்டவும்.
உதவிக்குறிப்பு: நீங்கள் செய்த மாற்றங்களைப் பார்க்க, உலாவியை ரெஃப்ரெஷ் செய்யவும்.
கையெழுத்து அம்சத்தைப் பயன்படுத்தி எப்படித் தேடுவது?
- கையெழுத்து அம்சம் இயக்கத்தில் இருக்கும்போது மொபைலில் google.com தளத்திற்குச் செல்லவும்.
- கீழ் வலதுபுறத்தில் உள்ள கையெழுத்து என்பதைத் தட்டவும்.
- உங்கள் விரலால் திரையில் எங்காவது தேடல் வார்த்தைகளை எழுதவும்.
- நீங்கள் எழுதுபவை உரையாக மாற்றப்பட்டு தேடல் பெட்டியில் உள்ளிடப்படும்.
- தேடு என்பதைத் தட்டவும்.
உதவிக்குறிப்புகளும் நுட்பங்களும்
- எழுத்துகளை நீக்குதல்: பக்கத்தின் கீழே, நீக்கு என்பதைத் தட்டவும்.
- புதிதாக எழுதுதல்: தேடல் பெட்டியில், அழி என்பதைத் தட்டவும்.
- எழுத்துகளைத் தெளிவுபடுத்துதல்: நீங்கள் எழுதும் எழுத்தின் வடிவம் வேறொரு எழுத்தைப் போன்றும் இருந்தால் (உதாரணமாக, 0 (பூஜ்ஜியம்) என்பது எண் & 'O' என்பது ஆங்கில எழுத்து) திரையின் கீழே விருப்பங்கள் பட்டியல் தோன்றக்கூடும்.
- பரிந்துரைகளைப் பயன்படுத்துதல்: நேரத்தை மிச்சப்படுத்தும் வகையில் நீங்கள் எழுதும்போதே தேடல் வார்த்தைகளுக்கான பரிந்துரைகள் தேடல் பெட்டியில் தோன்றக்கூடும். அந்தப் பரிந்துரைகளில் நீங்கள் தேட விரும்புவதைத் தட்டவும். தொடர்புடைய தேடலைக் கண்டறிய அம்புக்குறியைத் தட்டவும்.
- குறியீடுகளைச் சேர்த்தல்: +, @, &, $ போன்ற குறியீடுகளையும் சிறப்பு எழுத்துக்குறிகளையும் எழுதிப்பார்க்கவும்.