Pagpili ng rehiyon sa Lens

Puwede mong gamitin ang Lens sa anumang bahagi ng larawan gamit ang pagpili ng rehiyon.

Mahalaga: Available lang ang update na ito para sa Android at iOS.

Sa Google Lens, magagawa mo nang:

• Pumili ng text.
• Pumili ng isang bahagi sa larawan.
• Manual na i-click ang button na Piliin ang Text at isalin ang piniling text sa opsyong Isalin .
• Mag-solve ng problem gamit ang opsyong Homework .

Pumili ng Text

1. Sa iyong Android device, buksan ang Google app .
2. Sa search bar, i-tap ang Google Lens .
3. Sa ilalim ng “Maghanap gamit ang iyong camera,” i-tap ang Maghanap .
4. Kumuha o mag-upload ng larawan para sa iyong paghahanap:
   • Para kumuha ng larawan: Itutok ang iyong camera sa isang bagay at i-tap ang Shutter .
   • Para mag-upload ng larawan: Sa ilalim ng “Mga Screenshot,” pumili ng larawan.
5. Para makita ang button na “Piliin ang text,” i-tap ang text o i-drag sa text ang mga sulok ng iyong box ng rehiyon.
6. I-tap ang Piliin ang text, may makikita kang menu sa paligid ng text kung saan puwede kang magsagawa ng mga karagdagang pagkilos tulad ng:
   • Kopyahin
   • Pakinggan
   • Isalin
   • Hanapin
   • Kopyahin at i-paste ang text
   • Magpadala ng email kung email address ang pinili
   • Idagdag sa mga contact kung numero ng telepono o email ang pinili
   • Tawagan kung numero ng telepono ang pinili
   • I-text kung numero ng telepono ang pinili
   • Buksan ang Maps kung address ang pinili
   • Magbukas ng website kung link ang pinili
   • Subaybayan ang shipment kung numero ng package ang pinili

Tip: Kapag pinili ang Pakinggan, ipapakita ang Ihinto hanggang sa matapos basahin nang malakas ang piniling text, o hanggang sa piliin ng user ang ihinto, at kapag nangyari ito, ipapakita ulit ang orihinal na menu.

Pumili ng isang bahagi sa larawan

1. Piliin ang bahaging gusto mong gamitin para sa iyong paghahanap:
   • Para hanapin ang isang bahagi ng larawan, i-tap ang larawan, pagkatapos ay i-drag sa paligid ng pinili mo ang mga sulok ng paghahanap sa rehiyon.
   • Puwede mo ring i-drag ang box para ilipat ito ng puwesto sa pamamagitan ng pag-tap at pag-hold sa gitna ng box.

Magsalin ng Text

1. Sa iyong Android device, buksan ang Google app .
2. Sa search bar, i-tap ang Google Lens .
3. Sa ilalim ng “Maghanap gamit ang iyong camera,” i-tap ang Isalin .
   • Para kumuha ng larawan: Itutok ang iyong camera sa isang bagay at kunan ng larawan ang mga salitang gusto mong isalin.
   • Para mag-upload ng larawan: Sa ilalim ng “Mga Screenshot” o “Lahat ng larawan,” pumili ng larawan at piliin ang mga salitang gusto mong isalin.
4. Piliin ang wika ng input at output sa dropdown ng wika. Puwede mo ring gamitin ang picker ng wika para piliin ang gusto mong wika.
   • Sa kaliwang bahagi, ide-detect ng picker ng wika ang wika sa piniling salita.
   • Sa kanang bahagi, piliin ang wika kung saan mo gustong isalin ang mga salita.

Kasama sa pagpili ng text sa Translate ang:

• Paghahanap ng larawan
• Homework
• Isalin ang lahat ng text
• Isalin ang mga hindi buong text

Humingi ng tulong sa Homework

1. Sa iyong Android device, buksan ang Google app .
2. Sa search bar, i-tap ang Google Lens .
3. Sa ilalim ng “Maghanap gamit ang iyong camera,” i-tap ang Homework .
   • Para kumuha ng larawan: Itutok ang iyong camera sa isang bagay at kunan ng larawan ang tanong sa homework.
   • Para mag-upload ng larawan: Sa ilalim ng “Mga Screenshot” o “Lahat ng larawan,” pumili ng larawan at piliin ang tanong sa homework.

Puwede mong gamitin ang feature na Homework para humingi ng tulong sa homework. Kabilang sa mga ito ang:

• Mga math at science problem.
• Mga word problem.
• Mga geometry problem.
• Mga diagram problem

Iba pang tip at trick

• Baguhin ang pahintulot sa app sa iyong Android phone
• Tiyaking gumagamit ka ng malinaw at maliwanag na larawan.

 

Mga kaugnay na resource

• Maghanap ng mga larawan sa Google
• Maghanap gamit ang isang larawan sa Google