Google-ren bilaketa-emaitzak hizkuntza desberdinetan iragazteko erabil dezakezu emaitzen hizkuntzaren iragazkia.
Nola funtzionatzen du emaitzen hizkuntzaren iragazkiak?Modu lehenetsian, Google Bilaketa zerbitzuak automatikoki zehazten du lagungarrien diruditen hizkuntza edo hizkuntzak, emaitzak erakusteko. Hala ere, batzuetan hizkuntza bateko edo gehiagotako emaitzak berariaz iragaztea komeniko zaizu, agian.
Emaitzen hizkuntzaren iragazkiarekin, sareko bilaketa-emaitzak hizkuntza hobetsi baten edo gehiagoren arabera iragaz ditzakezu.
Garrantzitsua: emaitzen hizkuntzaren iragazkia ez da agertuko hautatutako hizkuntza bakarra ingelesa bada. Baliteke hizkuntzaren iragazkiak ez funtzionatzea bilaketa-eginbide batzuetan, edo hizkuntza hauteman ezin bada. Lortu informazio gehiago Google-k bilaketa-emaitzen hizkuntza zehazteko duen moduari buruz.Emaitzen hizkuntzaren iragazkia erabiltzen hasi
- Google-ren bilaketa batean zaudela, sakatu Tresnak.
- Sakatu Edozein hizkuntza.
- Hautatu hizkuntza hobetsia.
Emaitzen hizkuntzaren iragazkia aldatu
Garrantzitsua: hizkuntza bateko baino gehiagotako emaitzak iragaz ditzakezu, baina iragazkiak ez ditu banaka bereiziko. Adibidez, iragazkia frantseserako, indonesierarako eta arabierarako ezartzen baduzu, hizkuntza horiek guztiak ager daitezen iragaziko dira emaitzak. Hala ere, ez dira bereiz iragaziko frantsesez, indonesieraz eta arabieraz daudenak.
- Ordenagailuan, ireki Bilaketa-ezarpenak.
- Ezkerrean, sakatu Hizkuntzak.
- Emaitzen hizkuntzaren iragazkia atalean, sakatu Editatu.
- Hautatu hizkuntza hobetsiak.
- Behean, sakatu Gorde.