Para matiyak na sumusunod ang mga profile sa mga pagbabayad sa aming Mga Tuntunin ng Serbisyo at patakaran, pana-panahong sinusuri ng Google ang mga profile sa mga pagbabayad ng merchant. Maaari naming isara ang iyong profile sa mga pagbabayad dahil sa ilang bagay kabilang ang, ngunit hindi limitado sa, sumusunod:
- Hindi paghahatid ng mga order
- Paglabag sa aming Mga tuntunin ng serbisyo
- Pagkakaroon ng masyadong maraming chargeback o negatibong rating mula sa mamimili: Kung napakarami na ng nakuha mong chargeback, di-pagkakasundo, o negatibong rating kumpara sa kabuuang bilang ng mga order, maaari naming isara ang iyong profile sa mga pagbabayad. Kabilang sa mga halimbawa ng mga isyung nagdudulot ng reklamo ng customer ang mga sumusunod:
- Hindi nakukuha ng mga customer ang mga na-order
- Iba ang item na dumating sa inilarawan noong binili
- Negatibong karanasan sa customer service
- Kung hindi naming mave-verify ang impormasyon sa profile: Regular naming sinusuri ang mga profile sa mga pagbabayad para matiyak na mayroon itong napapanahong impormasyon sa pakikipag-ugnayan gaya ng iyong pangalan sa pakikipag-ugnayan, address, numero ng telepono, at pangalan ng negosyo. Kung hindi namin ma-verify ang impormasyong ito, maaari naming isara ang iyong profile.
- Kung mayroon kang negatibong balanse: Kapag nagre-refund ka ng mga order kung saan nagkaroon ka ng merchant payout, maaaring maging negatibo ang balanse ng iyong account. Maaari ding magkaroon ng negatibong balanse ang iyong profile sa mga pagbabayad dahil sa mga chargeback. Kung hindi mo maaayos ang iyong negatibong balanse sa pamamagitan ng mga bagong order o hindi mo mabibigyang-daan ang Google na kolektahin ang mga pondo mula sa iyong bank account sa loob ng 48 oras, maaari naming isara ang iyong profile.
Pagkatapos naming isara ang iyong profile sa mga pagbabayad
Pagkatapos naming magsara ng profile sa mga pagbabayad ng merchant, narito ang maaari mong asahan:
- Access: Hindi mo maa-access, matitingnan, o mababago ang alinman sa mga detalye ng iyong profile sa mga pagbabayad, kabilang ang mga detalye ng order at impormasyon tungkol sa iyong pagkakakilanlan
- Mga transaksyon sa hinaharap: Hindi mo magagawang magproseso ng anumang transaksyon sa hinaharap, tumanggap ng mga merchant payout, at pipigilan o isasara namin ang anumang profile sa mga pagbabayad na susubukan mong buksan sa hinaharap
- Mga reserba: Sa ilang kaso, para mag-offset ng mga refund, chargeback, o iba pang claim laban sa iyong balanse, maaaring magtabi ang Google ng isang bahagi ng natitirang mga pondo ng merchant. Kung nagtakda ang Google ng reserba sa iyong profile, papadalhan ka namin ng email tungkol sa prosesong ito.
Mga Tuntunin ng Serbisyo
Alinsunod sa Mga Tuntunin ng Serbisyo (Seksyon 2.3 sa U.S.), may karapatan ang Google Payment Corp. ("GPC") na (i) singilin, suspindihin, o itigil ang Serbisyo, sa kabuuan o bahagi nito, gaya ng kinakailangan para magsagawa ng pagmementina o update sa Serbisyo at (ii) magtakda ng mga limitasyon sa ilang partikular na feature o paghigpitan ang acces sa ilang bahagi ng Serbisyo o sa buong Serbisyo nang walang abiso at nang walang pananagutan. Maaaring tumanggi ang GPC na iproseso ang anumang Transaksyon ng Pagbabayad kaugnay ng, bukod sa iba pang dahilan, mga aktibidad sa pag-iwas sa panloloko, naaangkop na batas, o mga patakaran ng GPC.