ប្រសិនបើអ្នកចង់ប្ដូរ ឬលុបចោលជើងហោះហើររបស់អ្នក សូមទាក់ទងក្រុមហ៊ុនអាកាសចរណ៍ ឬភ្នាក់ងារទេសចរណ៍តាមអ៊ីនធឺណិតដោយផ្ទាល់ ដើម្បីសុំជំនួយ។ Google មិនអាចជួយដោយផ្ទាល់ជាមួយនឹងការប្ដូរ និងការលុបចោលបានទេ។
ត្រូវប្រាកដថាពិនិត្យមើលគោលការណ៍ស្ដីពីការលុបចោល ដើម្បីឲ្យអ្នកដឹងអំពីថ្ងៃផុតកំណត់ទាក់ទងនឹងការលុបចោល ការពិន័យ និងថាតើអ្នកនឹងទទួលបានការបង្វិលសងដែរឬទេ។ បច្ចុប្បន្ន ក្រុមហ៊ុនអាកាសចរណ៍មួយចំនួនកំពុងផ្តល់ជូន ភាពបត់បែនសម្រាប់ថ្លៃយន្តហោះ។
ជាធម្មតាអ៊ីមែលបញ្ជាក់ដែលអ្នកបានទទួល បន្ទាប់ពីការកក់ជើងហោះហើររបស់អ្នកមានលេខបញ្ជាក់ និងព័ត៌មានទំនាក់ទំនងរបស់ក្រុមហ៊ុនអាកាសចរណ៍ ឬភ្នាក់ងារទេសចរណ៍។ អ្នកក៏អាចរកឃើញព័ត៌មានបន្ថែមនៅក្នុងព័ត៌មានលម្អិតអំពីការធ្វើដំណើរដែលត្រូវគ្នា google.com/travel។
ប្រសិនបើអ្នក បានកក់នៅលើ Google និងត្រូវការជំនួយក្នុងការស្វែងរកព័ត៌មាននេះ ទាក់ទងមកយើងខ្ញុំ។