Google ជើងហោះហើរផ្ដល់ជូនមុខងារ ដើម្បីជួយអ្នកក្នុងការស្វែងរកថ្លៃយន្តហោះល្អបំផុតសម្រាប់ពេលដែលអ្នកចង់ធ្វើដំណើរ។
នៅពេលដែលអ្នកស្វែងរកជើងហោះហើរ Google ជើងហោះហើរតម្រៀបលទ្ធផលដោយស្វ័យប្រវត្តិតាម "ជើងហោះហើរល្អបំផុត" ជាលំដាប់ដែលបង្ហាញពីគុណតម្លៃល្អបំផុតតាមរយៈតម្លៃ ចម្ងាយ ពេលវេលា និងកត្តាផ្សេងៗទៀត។ ប៉ុន្តែក៏មានឧបករណ៍ផ្សេងទៀតដែលអ្នកអាចប្រើប្រាស់ ដើម្បីស្វែងរកថ្លៃយន្តហោះដែលល្អបំផុតផងដែរ។
របៀបដែលយើងធ្វើចំណាត់ថ្នាក់ "ជើងហោះហើរចេញដំណើរល្អបំផុត"
ជើងហោះហើរទាំងនេះត្រូវបានធ្វើចំណាត់ថ្នាក់ដោយផ្អែកលើការលៃតម្រូវដ៏ល្អបំផុតរវាងតម្លៃ និងកត្តាភាពងាយស្រួលដូចជា រយៈពេល ចំនួននៃការឈប់ និងការផ្លាស់ប្ដូរអាកាសយានដ្ឋានអំឡុងពេលសម្រាក។ យើងក៏អាចរួមបញ្ចូលគម្រោងធ្វើដំណើរឥតឈប់ពីក្រុមហ៊ុនអាកាសចរណ៍ដែលយើងមិនមានព័ត៌មានអំពីតម្លៃផងដែរ ប៉ុន្តែគម្រោងធ្វើដំណើរទាំងនេះនឹងបង្ហាញនៅក្នុងទីតាំងខាងក្រោមបំផុតជានិច្ច។
ដើម្បីបង្ហាញលទ្ធផលទាំងនេះដល់អ្នក Google ជើងហោះហើរប្រៀបធៀបការផ្ដល់ជូនពីដៃគូផ្ដល់សេវាធ្វើដំណើរជាង 300 រាប់បញ្ចូលទាំងក្រុមហ៊ុនអាកាសចរណ៍ ភ្នាក់ងារទេសចរណ៍លើអ៊ីនធឺណិត និងទំព័រប្រមូលផ្ដុំព័ត៌មានអំពីសេវាកម្ម។ លទ្ធផលអាចនឹងមិនឆ្លុះបញ្ចាំងអំពីការផ្ដល់ជូនដែលមានទាំងអស់ទេ។
ដៃគូផ្ដល់សេវាធ្វើដំណើរមិនបង់ប្រាក់ឱ្យ Google ដើម្បីបង្ហាញខ្លួននៅក្នុងបញ្ជីជើងហោះហើរទេ ហើយលំដាប់បញ្ជីមិនរងឥទ្ធិពលដោយទំនាក់ទំនងរបស់ Google ជាមួយដៃគូទាំងនេះទេ។
របៀបដែលយើងធ្វើចំណាត់ថ្នាក់ "ជើងហោះហើរចេញដំណើរផ្សេងទៀត"
យើងធ្វើចំណាត់ថ្នាក់ជើងហោះហើរទាំងនេះតាមលំដាប់ឡើងលើនៃតម្លៃ។ គម្រោងធ្វើដំណើរដែលមិនមានតម្លៃបង្ហាញនៅខាងក្រោមលទ្ធផលដែលមានដាក់តម្លៃទាំងអស់។
របៀបដែលយើងធ្វើចំណាត់ថ្នាក់តំណសម្រាប់ការកក់
ក្បួនធ្វើចំណាត់ថ្នាក់តំណរបស់ Google ជើងហោះហើរពិចារណាលើកត្តាមួយចំនួនដែលមានទម្ងន់ខុសៗគ្នាដូចជា៖
- ថាតើតំណភ្ជាប់មានរួមបញ្ចូលតម្លៃឬអត់។
- តម្លៃដែលផ្តល់ដោយដៃគូនៅលើ Google ជើងហោះហើរ។
- ថាតើតំណនេះគឺជាក្រុមហ៊ុនអាកាសចរណ៍ ឬជាតំណ OTA។
- ទិន្នន័យរបស់ Google បង្ហាញថាអ្នកប្រើប្រាស់ចូលចិត្តតំណក្រុមហ៊ុនអាកាសចរណ៍ ប៉ុន្តែ Google មានគោលបំណងផ្តល់ទាំងជម្រើសក្រុមហ៊ុនអាកាសចរណ៍ និង OTA ក្នុងចំណោមលទ្ធផលកំពូល។
- ប្រភេទ និងគុណភាពតំណ រួមជាមួយនឹងការពិចារណាសម្រាប់តំណភ្ជាប់រាក់ធៀបនឹងតំណភ្ជាប់ជ្រៅ។
- អ្នកប្រើប្រាស់មិនគួរត្រូវជ្រើសរើសគម្រោងធ្វើដំណើរម្តងទៀតនៅលើគេហទំព័ររបស់ដៃគូនោះទេ។
- ថាតើតំណដែលបានរួមបញ្ចូលនៅលើ Google ជើងហោះហើរនាំទៅកាន់គេហទំព័រដែលងាយស្រួលប្រើសម្រាប់ឧបករណ៍ចល័តឬអត់។
យល់ដឹងអំពីមូលហេតុដែលតម្លៃមួយចំនួនមានពណ៌បៃតង
ទោះបីជាយើងពិចារណាកត្តាជាច្រើននៅពេលធ្វើចំណាត់ថ្នាក់ជើងហោះហើរ និងតំណសម្រាប់ការកក់ក៏ដោយ ក៏យើងទទួលស្គាល់ដែរថា តម្លៃគឺជាកត្តាសំខាន់ខ្លាំងសម្រាប់អ្នកប្រើប្រាស់ជាច្រើន។ យើងប្រើពុម្ពអក្សរពណ៌បៃតង ដើម្បីរំលេចជម្រើសកក់ និងជើងហោះហើរដែលមានតម្លៃសមរម្យបំផុត ដូច្នេះអ្នកអាចរកឃើញជម្រើសទាំងនេះបានកាន់តែងាយស្រួល។
ជម្រើសកក់ និងជើងហោះហើរដែលមានតម្លៃសមរម្យបំផុតទាំងនេះត្រូវបានកំណត់ដោយផ្អែកលើតម្លៃធៀបទៅនឹងជម្រើសដែលមានតម្លៃទាបបំផុត និងចំនួនជម្រើសដែលមានសរុប។
ដឹងអំពីពេលវេលាដែលត្រូវកក់ជើងហោះហើររបស់អ្នក
- តម្លៃមិនទំនងជានឹងធ្លាក់ចុះ មុនពេលអ្នកកក់ទេ៖ គន្លឹះនេះត្រូវបានបង្ហាញ នៅពេលដែល Google ជើងហោះហើរធ្វើការព្យាករដោយមានទំនុកចិត្តខ្ពស់ថា តម្លៃសម្រាប់ការធ្វើដំណើរនេះនឹងមិនធ្លាក់ចុះនៅចន្លោះពេលនៃការស្វែងរករបស់អ្នក និងការចេញដំណើររបស់ជើងហោះហើរទេ។ ការព្យាករនេះផ្អែកលើការវិភាគនិន្នាការតម្លៃរបស់ជើងហោះហើរមុនៗ ហើយជានិច្ចកាល តម្លៃនាពេលអនាគតអាចនឹងមិនដូចអ្វីដែលយើងរំពឹងទុកទេ។ (នៅលើឧបករណ៍ចល័ត កំណត់ចំណាំនេះអាចបង្ហាញនៅក្រោមផ្នែក "កក់ឆាប់ៗនេះ"។)
- តម្លៃថោកជាងធម្មតា៖ គន្លឹះនេះត្រូវបានបង្ហាញ នៅពេលដែលតម្លៃសម្រាប់ការធ្វើដំណើរថោកជាងការរំពឹងទុកខ្លាំង ដោយផ្អែកលើការវិភាគតម្លៃមុនៗនៃការធ្វើដំណើរស្រដៀងៗគ្នា។ នៅពេលដែលអ្នកចុចលើគន្លឹះនេះ វានឹងប្រាប់អ្នកពីកត្តាអ្វីដែល Google ជើងហោះហើរបានប្រើ ដើម្បីកំណត់ពីមូលហេតុដែលថាតម្លៃនេះថោកជាងធម្មតា
- តម្លៃទំនងជានឹងកើនឡើង៖ អ្នកក៏ប្រហែលរកឃើញគន្លឹះដែលប្រាប់ថា "តម្លៃទំនងជានឹងកើនឡើង" ក្នុងចំនួនជាក់លាក់ក្នុងរយៈពេលប៉ុន្មានថ្ងៃខាងមុខទៀត ដែលបង្ហាញនៅពេល Google ជើងហោះហើរអាចព្យាករដោយមានទំនុកចិត្តខ្ពស់ថា តម្លៃនឹងកើនឡើង និងក្នុងចំនួនប្រហែលប៉ុន្មាន។ ការព្យាករនេះផ្អែកលើការវិភាគនិន្នាការតម្លៃរបស់ជើងហោះហើរមុនៗ ហើយជានិច្ចកាល តម្លៃនាពេលអនាគតអាចនឹងមិនដូចអ្វីដែលយើងរំពឹងទុកទេ។ (នៅលើឧបករណ៍ចល័ត កំណត់ចំណាំនេះអាចបង្ហាញនៅក្រោមផ្នែក "កក់ឥឡូវនេះ"។)
ដឹងអំពីពេលវេលា និងទីកន្លែងសម្រាប់ការហោះហើរ
- កាលបរិច្ឆេទ៖ អ្នកអាចសម្គាល់ឃើញថា តម្លៃជើងហោះហើរមានការប្រែប្រួល នៅពេលដែលអ្នកជ្រើសរើសថ្ងៃផ្សេងៗនៃសប្ដាហ៍។ នៅពេលដែលអ្នកចុចកាលបរិច្ឆេទ អ្នកអាចឃើញថាតើកាលបរិច្ឆេទធ្វើដំណើរណាដែលមានថ្លៃយន្តហោះល្អបំផុត។
- ក្រាហ្វតម្លៃ៖ ប្រសិនបើកាលបរិច្ឆេទនៃការធ្វើដំណើររបស់អ្នកមានភាពបត់បែន ការចុចក្រាហ្វតម្លៃអនុញ្ញាតឱ្យអ្នករុករកនិន្នាការថ្លៃយន្តហោះតាមខែ ឬសប្ដាហ៍។ នៅក្នុងផ្នែកនេះ អ្នកក៏អាចចូលរួមតាមដានជើងហោះហើរ និងតម្លៃផងដែរ។
- អាកាសយានដ្ឋាន៖ ផ្នែកអាកាសយានដ្ឋានអាចកត់សម្គាល់ថា ថ្លៃយន្តហោះមានតម្លៃថោកជាងនេះនៅតាមអាកាសយានដ្ឋានផ្សេងៗ និងអាចឱ្យអ្នករកមើលថាតើថ្លៃយន្តហោះទាំងនោះមានតម្លៃប៉ុន្មានខ្លះ។