Puwede mong gamitin ang camera ng iyong telepono para magsalin ng text sa Translate app . Halimbawa, puwede kang magsalin ng mga karatula o nakasulat-kamay na tala.
Magsalin ng text sa mga larawan
Puwede mong isalin ang text sa mga larawan mula sa iyong device sa Google Translate.
Mahalaga: Ang katumpakan ng pagsasalin ay nakadepende sa linaw ng text. Posibleng hindi masyadong tumpak ang pagsasalin ng maliit, malabo, o stylized na text.
Para magsalin ng text sa isang larawan:
- Sa iyong browser, pumunta sa Google Translate.
- Sa itaas, piliin ang tab na Mga Larawan.
- Piliin ang mga wikang gusto mong pagsalinan at isalin.
- Mula: Pumili ng wika o piliin ang I-detect ang wika.
- Sa: Piliin ang wika kung saan gusto mong lumabas ang pagsasalin.
- Para pumili ng larawang gusto mong isalin, i-click ang I-browse ang iyong computer.
Gamitin ang mga isinaling text
Kapag naisalin na ang larawan, puwede mong kopyahin ang isinaling text o i-download ang isinaling larawan. Sa sulok sa itaas, i-click ang I-clear para magsimula ng bagong pagsasalin ng larawan.
Sa itaas ng larawan, pumili ng opsyon:
- Ipakita ang orihinal na text: Para ipakita ang orihinal na text katabi ng isinaling text, i-on ang Ipakita ang orihinal.
- Palakihin ang isinaling text: Para palakihin ang isinaling larawan, i-off ang Ipakita ang orihinal.
- Kopyahin ang text: Para kopyahin ang isinaling text, i-click ang Kopyahin ang text
.
- I-download ang isinaling larawan: Para i-download ang isinaling larawan, i-click ang I-download ang pagsasalin
.
.Tip: Sa mas maliliit na screen, kung naka-on ang “Ipakita ang orihinal," hindi mo makikita ang isinaling text sa tabi ng orihinal na text.
Makakuha ng pinakamagagandang resulta
Para makakuha ng pinakamagagandang resulta ng pagsasalin para sa iyong mga larawan:
- Tingnan kung tama ang mga wika sa “Isalin mula sa” at “Isalin sa.”
- Mag-upload ng malilinaw na larawang may mga karaniwang ginagamit na font para sa pinakamagagandang resulta.
Magpadala ng feedback
Para magpadala ng feedback, i-click ang Magpadala ng feedback.