Linisin ang iyong Pixel case para makatulong sa pag-alis ng mga mantsa at dumi.
Paano hugasan nang mano-mano ang iyong Pixel case (Pixel 6 at mas bagong case)
Mahalaga: Para sa Pixel Fold, panatilihin ang case sa iyong telepono at linisin lang ang bahaging marumi.
- Alisin ang iyong case sa telepono mo.
- Gawing mamasa-masa ang isang tela o sponge gamit ang tubig.
- Gamit ang basang tela, punasan ang iyong case sa pabilog na direksyon.
- Banlawan gamit ang malamig na tubig.
- Punasan gamit ang malinis na tuwalya at i-air dry, kung kailangan.
Tip: Iwasang gumamit ng laundry detergent at matatapang na cleaner. Huwag kusutin o ibabad ang iyong case.
Paano hugasan nang mano-mano ang iyong Pixel fabric case
Mahalaga: Puwede mong hugasan nang mano-mano ang mga fabric case ng Pixel 4a, Pixel 4a (5G), at Pixel 5. Kung kinakailangan, gumamit muna ng stain remover pen o cotton swab na ibinabad sa isopropyl alcohol sa anumang mantsa. Iwasan ang matatapang na cleaner. Huwag kusutin o ibabad ang iyong case.
- Alisin ang iyong case sa telepono mo.
- Gawing mamasa-masa ang isang tela o sponge gamit ang tubig at kaunting banayad na sabon o detergent.
- Gamit ang mamasa-masang tela, punasan ang tela sa pabilog na direksyon.
- Banlawan gamit ang malamig na tubig.
- Hayaang matuyo sa hangin ang iyong case sa room temperature.
Paano i-machine wash ang iyong Pixel fabric case
Mahalaga: Puwede mo lang i-machine-wash ang mga fabric case ng Pixel 4a, Pixel 4a (5G), at Pixel 5. Huwag i-machine-wash ang mga mas bagong modelo ng case kasama na ang mga recycled na polycarbonate at aluminum case.
- Alisin ang case sa iyong telepono.
- Ilagay ang iyong case sa washing machine.
- Idagdag ang tamang dami ng sabong panlaba na walang bleach.
- Huwag magdagdag ng bleach.
- Puwede mong labhan ang iyong case kasama ng iba pang damit o tela.
- Itakda ang washing machine sa delicate cycle.
- Gumamit ng malamig na tubig.
- Huwag ilagay sa dryer ang iyong case.
- Patuyuin ang case sa patag na lugar sa room temperature.
Tip: Para mag-alis ng mantsa, paagusan ang mantsa ng malamig na tubig. Puwede kang gumamit ng pang-alis ng mantsa, stain remover pen, o cotton swab na ibinabad sa isopropyl alcohol sa mantsa. Iwasan ang matatapang na cleaner. Huwag kusutin o ibabad ang iyong case.