Baguhin ang mga setting ng volume, tunog, at pag-vibrate sa iyong Pixel phone

Puwede mong lakasan o hinaan ang volume ng iyong telepono. Puwede mo ring baguhin ang iyong ringtone, tunog, at pag-vibrate.

Mahalaga:

• Gumagana lang ang ilan sa mga hakbang na ito sa Android 10 at mas bago. Alamin kung paano tingnan ang bersyon ng iyong Android.
• Kailangan ng ilan sa mga hakbang na ito na pindutin mo ang screen.

Lakasan o hinaan ang iyong volume

1. Pumindot ng button ng volume.
2. Sa kanan, i-tap ang Menu .
3. I-slide ang lakas ng volume sa kung saan mo gusto:
   • Volume ng media: Musika, mga video, mga laro, at iba pang media
   • Volume ng tawag: Volume ng taong kausap mo sa tawag
   • Volume ng Pag-ring
   • Volume ng notification
   • Volume ng alarm

Mga Tip:

• Para ipabago sa iyong Google Assistant ang volume ng telepono mo para sa iyo, sabihin o i-tap ang Hey Google, baguhin ang volume.
• Kung nakapares ang iyong telepono sa mahigit sa isang Bluetooth device, mababago mo kung saan ka makakarinig ng musika, mga video, at mga laro. Sa ilalim ng "Volume ng media," i-tap ang I-play ang media sa.
• Kapag pumindot ka ng button ng volume, nakadepende sa ginagawa mo kung anong volume ang mababago. Halimbawa, kung nanonood ka ng pelikula, magbabago ang volume ng pelikula. Kung pipindutin mo ang iyong mga button ng volume kapag wala kang pinapakinggan, magbabago ang volume ng media mo.

I-on ang pag-vibrate o pag-mute

1. Pumindot ng button ng volume.
2. Sa kanan, sa itaas ng slider, i-tap ang I-ring .
   • Para i-on ang pag-vibrate, i-tap ang I-vibrate .
   • Para i- mute, i-tap ang I-mute .

Mga Tip:

• Para i-on ulit ang pag-ring o tunog sa iyong telepono, i-off ang Pag-vibrate  o i-on ang Pag-ring .
• Para gawing silent ang pag-ring ng iyong telepono kapag nakatanggap ka ng tawag, pumindot ng button ng volume.

I-off ang ilang tunog at pag-vibrate

Puwede mong gawing naka-silent ang lahat ng tunog, o i-on ang ilang partikular na tunog gaya ng mga alarm o mahalagang tawag. 

Alamin kung paano kontrolin kung aling mga tunog ang gagawing naka-silent sa pamamagitan ng "Huwag Istorbohin."

I-on ang Adaptive na pag-vibrate ng alerto (Pixel 6a at mas bago, kabilang ang Fold)

Puwede mong kontrolin ang lakas ng haptics (mga pag-vibrate) ng alerto kapag hindi gumagalaw at nakapatong nang pahiga ang iyong telepono

1. Buksan ang app na Mga Setting ng iyong telepono.
2. I-tap ang Tunog at pag-vibrate Pag-vibrate at haptics.
3. I-on ang Gumamit ng pag-vibrate at haptics.

Alamin kung paano baguhin ang iyong mga setting gamit ang aming tutorial na may sunod-sunod na hakbang.

Ipa-vibrate ang lahat ng tawag sa telepono

1. Pumindot ng button ng volume.
2. Sa kanan, i-tap ang Menu .
3. Kung kailangan, i-tap ang Tumingin pa.
4. I-on ang Mag-vibrate para sa mga tawag. O i-tap ang Vibration at haptics  Mag-vibrate para sa mga tawag  I-on ang Palaging i-vibrate.

Baguhin kung ano ang mangyayari kapag pinindot mo ang power + pataas na volume (Pixel 5a at mas luma)

1. Buksan ang app na Mga Setting ng iyong telepono.
2. I-tap ang Tunog at pag-vibrate Shortcut para pigilang mag-ring.
3. I-on o i-off ang Pigilang mag-ring.
4. Piliin kung ano ang mangyayari kapag pinindot mo ang Power at Pataas na volume:
   • Ipa-vibrate: Magva-vibrate ang mga tawag sa telepono at notification
   • I-mute: Naka-silent ang mga tawag sa telepono at notification

Tip: Para mabilisang i-on ang pag-vibrate, pindutin ang Power + Pataas na volume.

Baguhin ang mga ringtone

Baguhin ang iyong ringtone

1. Buksan ang app na Mga Setting ng iyong telepono.
2. I-tap ang Tunog at pag-vibrate  Ringtone ng telepono.
3. Pumili ng ringtone.
4. I-tap ang I-save.

Alamin kung paano baguhin ang iyong ringtone gamit ang aming tutorial na may sunod-sunod na hakbang.

Magtakda ng ringtone para sa isang tao

1. Buksan ang app na Mga Contact ng iyong telepono .
2. Mag-tap ng contact.
3. I-tap ang Higit pa Itakda ang ringtone.
4. Pumili ng ringtone.
5. I-tap ang I-save.

Kumuha ng mga bagong ringtone

Kumuha ng mga ringtone app

Mag-download ng higit pang ringtone mula sa mga app ng ringtone sa Google Play Store .

Maglipat ng ringtone mula sa computer

1. Ikonekta ang iyong telepono sa computer mo gamit ang isang USB cable. Alamin kung paano maglipat ng mga file sa pamamagitan ng USB.
2. Sa bubukas na window, hanapin ang folder na "Mga Ringtone." Kopyahin ang iyong file ng musika (MP3) sa folder na "Mga Ringtone."
3. Idiskonekta ang iyong telepono sa computer mo.

Tip: Gumagamit ng magkaibang folder ang mga ringtone ng alarm at telepono. Alamin kung paano magdagdag ng mga ringtone para sa mga alarm.

Baguhin ang iba pang tunog at pag-vibrate

Baguhin ang mga tunog at pag-vibrate ng notification

Baguhin ang tunog ng iyong notification

1. Buksan ang app na Mga Setting ng iyong telepono.
2. I-tap ang Tunog at pag-vibrate  Default na tunog ng notification.
3. Pumili ng tunog.
4. I-tap ang I-save.

Tip: Puwede kang pumili ng iba't ibang tunog ng notification para sa iba't ibang app. Gamitin ang menu ng mga setting na nasa bawat app. Halimbawa, alamin kung paano baguhin ang mga notification sa Gmail.

Ipa-vibrate ang iyong mga notification

Sa ilang app, mapipili mo kung gusto mong mag-vibrate ang device para sa mga notification ng mga ito. Alamin kung paano baguhin ang mga notification para sa ilang partikular na app.

Pumili ng mga tunog at pag-vibrate ng keyboard

Para mabago ang mga tunog at pag-vibrate ng pag-type, baka kailanganin mong baguhin ang mga setting ng iyong keyboard. Halimbawa, para baguhin ang mga tunog ng Gboard:

1. Buksan ang app na Mga Setting ng iyong telepono.
2. I-tap ang System Mga wika at input.
3. I-tap ang Virtual na keyboard Gboard.
4. I-tap ang Mga Kagustuhan.
5. I-on o i-off ang:
   • Tunog sa keypress
   • Haptic na feedback sa keypress
     Tandaan: Kung wala kang nakikitang "Haptic na feedback sa keypress," i-tap ang Mag-vibrate sa keypress.

Tip: Kung na-on mo ang "Haptic na feedback sa keypress" ng Gboard, tiyaking naka-on din ang "Pag-vibrate sa pagpindot." Alamin kung paano i-on ang "Pag-vibrate sa pagpindot."

Baguhin ang mga setting ng pang-emergency na broadcast

Puwede mong i-on o i-off ang mga uri ng alerto, tingnan ang mga nakaraang alerto, at kontrolin ang tunog at pag-vibrate.

1. Sa iyong telepono, buksan ang app na Mga Setting.
2. I-tap ang Mga Notification  Mga wireless na alerto sa emergency.
3. Piliin kung gaano kadalas mo gustong makatanggap ng mga alerto at kung aling mga setting ang gusto mong i-on.

Pumili ng iba pang tunog at pag-vibrate (pagpindot, pag-charge, pag-lock ng screen, at higit pa)

1. Buksan ang app na Mga Setting ng iyong telepono.
2. I-tap ang Tunog at pag-vibrate Advanced.
3. Mag-on o mag-off ng tunog o pag-vibrate.

Baguhin ang mga tunog ng profile sa trabaho

1. Mag-set up ng profile sa trabaho.
2. Buksan ang app na Mga Setting ng iyong telepono.
3. I-tap ang Tunog at pag-vibrate Advanced.
4. Mag-scroll pababa sa "Mga tunog ng profile sa trabaho."
5. Piliin ang iyong mga ringtone at tunog.

I-on ang Adaptive Sound (Pixel 4a (5G) at mas bago, kasama ang Fold)

Mahalaga: Para magamit ang Adaptive Sound, tingnan kung mayroon ka ng pinakabagong software ng Android. Matutunan kung paano alamin ang bersyon ng iyong Android. Pagkatapos, mula sa Play Store, tingnan kung mayroon ka ng pinakabagong bersyon ng app ng Mga Serbisyo sa Pag-personalize ng Device.

Dahan-dahan at awtomatikong ino-optimize ng Adaptive Sound ang volume batay sa level ng ingay ng iyong kapaligiran.

Gumagana lang ang Adaptive Sound sa iyong Pixel phone. Hindi ito gumagana sa tunog na pine-play sa pamamagitan ng mga external na speaker o headphones. Naka-on bilang default ang Adaptive Sound sa mga Pixel 7 phone.

1. Buksan ang app na Mga Setting ng iyong telepono.
2. I-tap ang Tunog at pag-vibrate Adaptive Sound.
3. I-on o i-off ang Adaptive Sound.

I-on ang Malinaw na Tawag (Pixel 7 at mas bago, kasama ang Fold)

Mahalaga: Nakadepende ang feature na ito sa iyong bandwidth ng tawag at posibleng hindi ito available para sa lahat ng tawag.

1. Buksan ang app na Mga Setting ng iyong telepono.
2. I-tap ang Tunog at pag-vibrate Malinaw na pagtawag.
3. I-on o i-off ang Gamitin ang Malinaw na Pagtawag.

Baguhin ang iyong mga setting ng tunog ayon sa routine mo

Mahalaga: Para hayaang awtomatikong magbago ang mga setting kapag nasa partikular na lugar o Wi-Fi network ka, dapat kang magtakda ng panuntunan.

Magtakda ng iminumungkahing panuntunan

1. Puwedeng magmungkahi ang iyong Pixel phone ng mga panuntunan batay sa iyong routine. Para magtakda ng iminumungkahing panuntunan sa notification ng "Suhestyon sa mga setting," i-tap ang Mag-set up ng panuntunan.
2. Sa ilalim ng "Magdagdag ng panuntunan," i-tap ang panuntunang gusto mong idagdag:
   • Itakda ang ringer sa normal
   • I-silent ang telepono
   • I-on ang Huwag Istorbohin
3. I-tap ang Idagdag.

Gumawa ng custom na panuntunan

1. Buksan ang app na Mga Setting ng iyong telepono.
2. I-tap ang System Mga Panuntunan Magdagdag ng panuntunan Magdagdag ng Wi-Fi network o lokasyon.
3. Sa ilalim ng "Magdagdag ng panuntunan," i-tap ang panuntunang gusto mong idagdag:
   • I-on ang Huwag Istorbohin
   • I-silent ang telepono
   • Ipa-vibrate ang telepono
   • Ipa-ring ang telepono
4. I-tap ang Idagdag.

Mga kaugnay na resource

• Kontrolin ang iyong mga notification
• I-silent ang iyong telepono gamit ang Huwag Istorbohin
• Magtakda, magkansela, o mag-snooze ng mga alarm
• Tukuyin ang mga kantang nagpe-play sa iyong paligid