Mga Patakaran at Pagpapatupad ng Programa sa Pang-aabuso

Nalalapat ang mga patakaran ng programa sa ibaba sa content na pino-post mo sa Google Photos, mga komento sa Google Photos, at content ng print na ginawa sa pamamagitan ng Google Photos. Nagbibigay ang Google Photos ng storage at awtomatikong pagsasaayos ng iyong mga larawan at video nang libre. Mahalaga ang ginagampanang tungkulin ng mga patakaran sa pagpapanatili ng positibong karanasan para sa lahat ng gumagamit ng mga produkto ng Google.

Kailangan naming pigilan ang mga pang-aabusong nagbabanta sa aming kakayahang maibigay ang mga serbisyong ito, at hinihiling namin sa lahat na sumunod sa mga patakaran sa ibaba para matulungan kaming makamit ang layuning ito. Kapag naabisuhan na kami tungkol sa isang potensyal na paglabag sa patakaran, posibleng suriin namin ang content at gumawa kami ng pagkilos, kasama na ang paghihigpit sa access sa content, pag-aalis ng content, pagtangging i-print ang content, at paglilimita o pagwawakas ng access ng isang user sa mga produkto ng Google.

Puwede kaming gumawa ng pagkilos sa mga account na lumalampas sa limitasyon ng quota sa storage. Halimbawa, puwede naming tanggihan ang mga bagong upload, i-compress ang mga kasalukuyang content, o i-delete ang content kung lumampas ka sa iyong quota sa storage o nabigo kang makakuha ng sapat na karagdagang storage. Magbasa pa tungkol sa mga quota sa storage dito.

Habang inilalapat ang mga patakarang ito, posible kaming gumawa ng mga pagbubukod batay sa mga konsiderasyong pang-edukasyon, pandokumentaryo, pang-agham, o pansining, o kung saan may makabuluhang kapakinabangan para sa publiko ang hindi paggawa ng kilos sa content.

Tiyaking bumalik paminsan-minsan, dahil posibleng magbago ang mga patakarang ito. Pakitingnan din ang Mga Tuntunin ng Serbisyo ng Google para sa higit pang impormasyon. Bukod sa mga patakarang nakalista sa ibaba, tandaang baka may mga karagdagang patakaran at tuntunin ang ilang produkto at feature. Halimbawa, hindi puwedeng maglaman ang larawan sa profile sa Google ng content na pang-nasa hustong gulang o nakakapanakit, gaya ng larawang close-up ng puwit o cleavage ng isang tao.

Mag-ulat ng Pang-aabuso

Kung naniniwala kang may isang taong lumalabag sa mga patakarang makikita sa ibaba, pakiulat ito sa amin gamit ang link na “Mag-ulat ng Pang-aabuso” (o link na may katulad na pangalan). Matuto pa tungkol sa pag-uulat ng pang-aabuso sa Google Photos at tungkol sa mga karagdagang hakbang na puwede mong gawin para i-block ang isang tao sa Google Photos.

Para mag-ulat ng paglabag sa copyright o iba pang legal na isyu, pakigamit ang tool na ito, na gagabay sa iyo sa proseso ng pag-uulat ng content na pinaniniwalaan mong kinakailangang alisin sa mga serbisyo ng Google batay sa mga naaangkop na batas.

Mga Patakaran ng Programa

Pag-hijack ng Account

Huwag i-access ang account ng ibang user nang walang pahintulot niya. Posible kaming gumawa ng naaangkop na pagkilos kung maabisuhan kami tungkol sa pag-hijack ng account, kung saan posibleng kasama ang pag-uulat sa iyo sa mga nauugnay na awtoridad, pag-alis ng access sa ilan sa aming mga produkto, o pag-disable sa Google Account mo.

Kawalan ng Aktibibidad sa Account

Gamitin ang produkto para manatiling aktibo. Kasama sa aktibidad ang pag-access sa content ng produkto o pag-store ng bagong content sa produkto nang kahit isang beses kada 2 taon. Posible kaming gumawa ng pagkilos sa mga account na hindi aktibo, kung saan posibleng kasama ang pag-delete sa produkto ng content mo. Magbasa pa rito.

Sekswal na Pang-aabuso at Pananamantala sa Bata

Huwag gumawa, mag-upload, o mamahagi ng content na nananamantala o nang-aabuso sa mga bata. Kabilang dito ang lahat ng materyal na nagpapakita ng sekswal na pang-aabuso sa bata. Para mag-ulat ng content sa isang produkto ng Google na posibleng nananamantala sa isang bata, i-click ang "Mag-ulat ng pang-aabuso." Kung may nahanap kang content sa ibang lugar sa internet, makipag-ugnayan nang direkta sa naaangkop na ahensya sa iyong bansa.

Sa malawakan, ipinagbabawal ng Google ang paggamit sa aming mga produkto parailagay sa panganib ang mga bata. Kabilang dito ang, pero hindi limitado sa, mapanamantalang gawi sa mga bata gaya ng:

• 'Pagkukundisyon sa bata' (o 'Child grooming,' halimbawa, pakikipagkaibigan sa isang bata online para magsilbing daan sa sekswal na pakikipag-ugnayan, online man o offline, at/o pakikipagpalitan ng sekswal na koleksyon ng imahe sa batang iyon)

• Sextortion (halimbawa, pananakot o pag-blackmail sa isang bata sa pamamagitan ng paggamit ng tunay o sinasabing access sa maseselang larawan ng bata)

• Sekswalisasyon ng menor de edad (halimbawa, koleksyon ng imahe na naglalarawan, nanghihikayat, o nagsusulong ng sekswal na pang-aabuso sa mga bata o pagpapakita ng mga bata sa paraang puwedeng magresulta sa sekswal na pananamantala sa mga bata); at

• Trafficking ng bata (halimbawa, pag-advertise o pangangalap ng bata para sa komersyal na sekswal na pananamantala).

Aalisin namin ang ganitong content at gagawa kami ng naangkop na pagkilos, kung saan posibleng kasama ang pag-uulat sa National Center for Missing & Exploited Children, paglilimita sa access sa mga feature ng produkto, at pag-disable sa mga account. Kung naniniwala kang nasa panganib ang isang bata o nakakaranas siya ng pang-aabuso, pananamantala, o trafficking, makipag-ugnayan kaagad sa pulisya. Kung nakapag-ulat ka na sa pulisya at kailangan mo pa rin ng tulong, o kung nag-aalala kang nanganganib o dating nanganib ang isang bata sa aming mga produkto, puwede mong iulat ang gawi sa Google.

Pandaraya

Huwag gumawa ng mga pagkilos na naglalayong iwasan ang aming mga patakaran o lusutan ang mga paghihigpit na ipinataw sa iyong account. Kabilang dito ang paggawa o paggamit ng maraming account o iba pang paraang naglalayong lumahok sa isang gawing dati nang ipinagbawal.

Mga Mapanganib at Ilegal na Aktibidad

Huwag gamitin ang produktong ito sa paglahok sa mga ilegal na aktibidad, o para mag-promote ng mga aktibidad, produkto, serbisyo, o impormasyong posibleng magdulot ng malubha at agarang kapahamakan sa mga tao o hayop. Bagama't pinapahintulutan namin ang pangkalahatang impormasyon tungkol sa content na ito para sa mga layuning pang-edukasyon, pandokumentaryo, pang-agham, o pansining, hindi kasama sa pinapahintulutan namin ang content na direktang nagsisilbing daan sa kapahamakan o nanghihikayat ng ilegal na aktibidad. Magsasagawa kami ng naaangkop na pagkilos kung may mag-abiso sa amin tungkol sa mga ilegal na aktibidad, kung saan posibleng kasama ang pag-uulat sa iyo sa mga nauugnay na awtoridad, pag-alis ng access sa ilan sa aming mga produkto, o pag-disable sa Google Account mo.

Mga Mapanlinlang na Kagawian, Panloloko, at Scam

Huwag lokohin, linlangin, o lituhin ang mga user para sa pinansyal na kapakinabangan o para makapanakit ng kapwa. Kasama rito ang pagbibigay ng mga tagubilin sa, pag-recruit para sa, o pagsasagawa ng mga scam at panloloko. Kasama sa mapanlinlang na content ang, pero hindi limitado sa, mga pekeng review, mga “get rich quick” na scheme, advance na bayarin, pag-ibig, sweepstakes, at mga investment scam.

Huling na-update: Disyembre 2024

Panliligalig, Pananakot at Pagbabanta

Huwag manligalig, manakot, o magbanta ng ibang tao. Hindi rin namin pinapahintulutan ang paggamit sa produktong ito para gawin sa iba ang ganitong mga aktibidad o himukin ang iba na gawin ito. Kasama rito ang mapaminsalang pang-aabuso sa isang partikular na tao, pagbabanta ng matinding kapahamakan sa isang tao, sekswal na pambabastos sa isang tao sa paraang hindi ginusto, paglalantad ng pribadong impormasyon ng iba na puwedeng gamitin para gumawa ng pagbabanta, panlalait o pangmamaliit sa mga biktima ng karahasan o trahedya, pag-udyok sa iba na gawin ang mga aktibidad na ito, o panliligalig sa isang tao sa iba pang paraan. Laging tandaan na ilegal ang online na panliligalig sa maraming lugar at posibleng itong magdulot ng napakasamang epekto offline para sa nanliligalig at pati na rin sa biktima. Posible kaming gumawa ng naaangkop na pagkilos kung maabisuhan kami tungkol sa mga banta ng kapahamakan o iba pang mapanganib na sitwasyon, kung saan posibleng kasama ang pag-uulat sa iyo sa mga nauugnay na awtoridad, pag-alis ng access sa ilan sa aming mga produkto, o pag-disable sa Google Account mo.

Mapoot na Salita

Huwag magsabi ng mapoot na salita. Ang mapoot na salita ay content na nagsusulong o nagpapahintulot ng karahasan o may pangunahing layuning mag-udyok ng galit laban sa isang indibidwal o grupo batay sa kanilang lahi o etnikong pinagmulan, relihiyon, kapansanan, edad, nasyonalidad, status bilang beterano, sekswal na oryentasyon, kasarian, kinikilalang kasarian, o anupamang katangiang nauugnay sa sistemikong diskriminasyon o pangmamaliit at pang-aapi.

Pagpapanggap at Misrepresentasyon ng Pagkakakilanlan

Huwag magpanggap bilang ibang tao o organisasyon o magsinungaling tungkol sa iyong sarili. Kasama rito ang pagpapanggap bilang sinumang tao o organisasyong hindi mo kinakatawan; pagbibigay ng mapanlinlang na impormasyon tungkol sa pagkakakilanlan, mga kwalipikasyon, pagmamay-ari, layunin, mga produkto, mga serbisyo, o negosyo ng isang user/site.

Kasama rin dito ang content o mga account na nagsisinungaling tungkol sa, o itinatago ang, kanilang pagmamay-ari o pangunahing layunin gaya ng pagsisinungaling tungkol sa o sadyang pagtatago ng iyong pinagmulang bansa o iba pang mahahalagang detalye tungkol sa sarili mo kapag nagdidirekta ng content tungkol sa pulitika, mga isyung panlipunan, o mga pampublikong usapin sa mga user na nasa ibang bansa. Pinapayagan namin ang parody, satire, at paggamit ng mga pseudonym o pen name –iwasan lang ang content na malamang na makapanlinlang sa iyong audience tungkol sa totoong pagkakakilanlan mo.

Malware at Katulad na Nakakasamang Content

Huwag mag-transmit ng malware o anumang content na nakakapinsala o nakakasagabal sa pagpapatakbo ng mga network, server, device ng end user, o iba pang imprastraktura. Kabilang dito ang direktang pag-host, pag-embed, o pag-transmit ng malware, mga virus, mapanirang code, o iba pang mapaminsala o hindi gustong software o katulad na content. Kabilang din dito ang content na nagta-transmit ng mga virus, nagdudulot ng mga pop-up, sumusubok na mag-install ng software nang walang pahintulot ng user, o kaya ay nakakaapekto sa mga user gamit ang nakakahamak na code. Tingnan ang aming Mga Patakaran sa Ligtas na Pag-browse para sa higit pang impormasyon.

Mapanlinlang na Content

Huwag mamahagi ng content na nanloloko, nakakapanlinlang, o nakakalito sa mga user. Kabilang dito ang:

Nakakapanlinlang na content kaugnay ng mga civic at demokratikong proseso: content na malinaw na hindi totoo at posibleng magpahina nang husto sa pakikilahok o tiwala sa mga civic at demokratikong proseso. Kasama rito ang impormasyon tungkol sa mga pamamaraan ng pagboto ng publiko, pagiging kwalipikado ng kandidato sa pulitika batay sa edad / lugar ng kapanganakan, mga resulta ng eleksyon, o paglahok sa census na sumasalungat sa mga opisyal na tala ng pamahalaan. Kasama rin dito ang mga hindi tamang pahayag na nagsasabing namatay, naaksidente, o nakakaranas ng biglaang malubhang sakit ang isang politiko o opisyal ng pamahalaan.

Nakakapanlinlang na content kaugnay ng mga mapaminsalang conspiracy theory: content na nagsusulong ng o ginagawang kapani-paniwala ang mga paniniwalang may mga indibidwal o grupong sistematikong nagsasagawa ng mga aksyong nagdudulot ng malawakang pinsala. Ang content na ito ay pinabubulaanan ng matibay na ebidensya at nagresulta na sa o nag-uudyok ng karahasan.

Nakakapanlinlang na content kaugnay ng mga mapanganib na gawi sa kalusugan: nakakapanlinlang na content na pangkalusugan o medikal na nanghihikayat sa ibang tao na makilahok sa mga gawing posibleng humantong sa malubhang pisikal o emosyonal na kapahamakan sa mga indibidwal, o malubhang kapahamakan sa pampublikong kalusugan.

Minanipulang media: media na teknikal na minanipula o dinoktor sa paraang nanlilinlang sa mga user at posibleng magdulot ng matinding kapahamakan.

Posibleng payagan ang nakakapanlinlang na content sa kontekstong pang-edukasyon, dokumentaryo, siyentipiko, o artistiko, pero pakitandaang magbigay ng sapat na impormasyon para tulungan ang mga taong maunawaan ang kontekstong ito. Sa ilang sitwasyon, hindi papayagang manatili ang content na ito sa aming mga platform sa anumang konteksto.

Huling na-update: Oktubre 16, 2024

Koleksyon ng Di-konsensuwal at Intimate na Imahe (Non-consensual Intimate Imagery o NCII)

Huwag mag-store o magpamahagi ng mga pribadong nude, tahasang sekswal, o intimate na imahe o larawan nang wala ang pahintulot ng subject. Kung may nagpadala ng pribadong nude, tahasang sekswal, o intimate na imahe o larawan mo, magsumite ng ulat sa pamamagitan ng form na ito.

Personal at Kumpidensyal na Impormasyon

Huwag mag-store o mamahagi ng personal o kumpidensyal na impormasyon ng ibang tao nang walang pahintulot. Kabilang dito ang paggamit ng sensitibong impormasyon, gaya ng mga numero ng U.S. Social Security, numero ng bank account, numero ng credit card, larawan ng mga lagda, at personal na dokumentong pangkalusugan. Hindi kami karaniwang nagpoproseso ng mga pagkilos sa pagpapatupad para sa karamihan ng mga sitwasyon kung saan malawak na available ang impormasyong ito sa ibang bahagi ng internet o sa mga pampublikong talaan, tulad ng mga national ID number na nakalista sa website ng pamahalaan.

Phishing

Huwag gamitin sa phishing ang produktong ito. Kasama rito ang paghingi o pangongolekta ng sensitibong data gaya ng mga password, pinansyal na detalye, at numero ng social security.

Mga Kinokontrol na Produkto at Serbisyo

Huwag magbenta, mag-advertise, o mangasiwa ng pagbebenta ng mga kontroladong produkto at serbisyo. Kabilang sa mga kontroladong produkto at serbisyo ang alak, pagsusugal, mga gamot, mga hindi naaprubahang supplement, tabako, mga paputok, armas, o pangkalusugan/medikal na device.

Content na Tahasang Sekswal

Huwag mag-distribute ng content na naglalaman ng tahasang sekswal na materyal, gaya ng kahubaran, graphic na pakikipagtalik, at pornograpikong materyal. Kabilang dito ang paghimok ng trapiko sa mga komersyal na site ng pornograpiya. Pinapayagan namin ang kahubarang para sa mga layuning pang-edukasyon, pandokumentaryo, pang-agham, o pansining.

Spam

Huwag mag-spam. Posibleng kabilang dito ang hindi gustong pampromosyon o komersyal na content, hindi gustong content na ginawa sa pamamagitan ng automated na program, hindi gustong paulit-ulit na content, walang katuturang content, o anumang bagay na mukhang maramihang pangangalap.

Pagsagabal at Pang-aabuso sa System

Huwag abusuhin ang produktong ito at huwag magdulot ng pinsala, kapahamakan, o negatibong epekto sa operasyon ng mga network, device, o iba pang imprastraktura ng Google o iba pa. Kabilang dito ang paghamak, pag-disable, o negatibong pagsagabal sa anumang aspeto ng produkto o ng mga serbisyo nito. Posible kaming gumawa ng naaangkop na pagkilos kung maabisuhan kami tungkol sa pagsagabal at pang-aabuso sa system, kung saan posibleng kasama ang pag-uulat sa iyo sa mga nauugnay na awtoridad, pag-alis ng access sa ilan sa aming mga produkto, o pag-disable sa Google Account mo.

Mararahas na Organisasyon at Kilusan

Ang mga alam na marahas na organisasyon at kilusang hindi sa estado ay hindi pinapayagang gamitin ang produktong ito para sa anumang layunin. Huwag magpamahagi ng content na nagbibigay-daan o nagpo-promote sa mga aktibidad ng mga grupong ito, tulad ng pag-recruit, pag-oorganisa ng mga online o offline na aktibidad, pagbabahagi ng mga manual o iba pang materyal na posibleng magbigay-daan sa pinsala, pag-promote sa mga ideyolohiya ng mga marahas na organisasyong hindi sa estado, pag-promote ng mga gawain ng terorismo, pag-uudyok ng karahasan, o pagbubunyi ng mga pag-atake ng mga marahas na organisasyong hindi sa estado. Depende sa content, posible rin kaming gumawa ng pagkilos laban sa user. Posibleng payagan ang content na nauugnay sa mga marahas na organisasyong hindi sa estado sa konteksto ng edukasyon, dokumentaryo, agham, o sining, pero pakitandaang magbigay ng sapat na impormasyon para tulungan ang mga tao na maunawaan ang konteksto.

Mga Hindi Pinapahintulutang Larawan ng Mga Menor de Edad

Huwag mag-store o mamahagi ng mga larawan ng mga menor de edad nang walang tahasang pahintulot mula sa magulang, tagapag-alaga, o legal na kinatawan ng bata. Kung may nag-store o namahagi ng larawan ng isang menor de edad nang walang kinakailangang pahintulot, pakiulat ito sa amin dito.

Karahasan at Gore

Huwag mag-store o mamahagi ng marahas o madugong content na ang pangunahing layunin ay ang pagiging nakakapangilabot, kahindik-hindik, o walang kabuluhan. Kasama rito ang sobrang graphic na materyal, gaya ng pag-aalis ng bahagi ng katawan o close-up na footage ng mga kinatay na bangkay, at graphic na materyal, gaya ng content na sobrang madugo. Posibleng payagan ang content sa konteksto ng edukasyon, dokumentaryo, agham, o sining, pero pakitandaang magbigay ng sapat na impormasyon para tulungan ang mga taong maunawaan ang kontekstong ito. Sa ilang sitwasyon, posibleng maging sobrang marahas o nakakagimbal ang content, na hindi papayagang manatili ang content na iyon sa aming mga platform, kahit ano pang konteksto ang ibigay. Panghuli, huwag hikayatin ang iba na gumawa ng mga partikular na gawain ng karahasan.

Mga Karagdagang Patakaran

Pamamahagi ng Content

Nagbibigay-daan sa iyo ang Google Photos na mag-store, magbahagi, at mag-stream ng content na video, pero hindi dapat ito gamitin para sa malawakang pagbabahagi ng content. Para sa malawakang pampublikong pag-stream, mas naaangkop ang YouTube. Paghihigpitan ng Google Photos ang paggamit kapag mukhang ginagamit ito para sa malawakang pampublikong pag-stream. Posibleng may iba pang ilapat na pagkilos sa mga paulit-ulit na paglabag, kabilang ang pagwawakas sa iyong account o sa kakayahan mong gamitin ang Google Photos.

Content ng Mga Naka-print na Produkto

Dapat sumunod ang lahat ng larawan sa mga naka-print na produkto sa mga legal na regulasyon at patakaran sa content. Ibig sabihin, hindi namin pinapayagan ang ilang partikular na larawang ma-print sa aming mga produkto. Hind namin ipi-print ang anumang produktong naglalaman ng mga larawang lumalabag sa mga sumusunod na patakaran.

Pakitandaang ang anumang content na isinumite para i-print sa isang produkto ay posibleng suriin para matukoy kung lumalabag ba ito sa patakarang ito.

Mga Mapanganib at Ilegal na Aktibidad

Hindi kami magpi-print ng content na ilegal na gawain, o nagsusulong ng mga gawain, produkto, serbisyo, o impormasyong posibleng magdulot ng malubha at agarang kapahamakan sa mga tao o hayop. Bagama't pinapahintulutan namin ang pangkalahatang impormasyon para sa mga layuning pang-edukasyon, pandokumentaryo, pang-agham, o pansining, hindi kasama sa pinapahintulutan namin ang content na direktang nagsisilbing daan sa kapahamakan o nanghihikayat ng ilegal na aktibidad.

Nasa ibaba ang mga halimbawa ng kung ano ang hindi namin pinapayagan sa mga naka-print na produkto:

• Mga larawang lumalabag sa mga legal na karapatan ng kahit sino, kasama na ang copyright.
• Mga larawang naglalarawan o may kasamang tagubilin sa mga mapanganib o ilegal na gawain

Panliligalig, Pananakot at Pagbabanta

Hindi kami magpi-print ng content na nanliligalig, nananakot, o nagbabanta sa iba. Hindi rin kami magpi-print ng content na nagsasagawa o nang-uudyok sa iba na gumawa ng mga ganitong aktibidad. Kasama rito ang mapaminsalang pang-aabuso sa isang partikular na tao, pagbabanta ng matinding kapahamakan sa isang tao, sekswal na pambabastos sa isang tao sa paraang hindi ginusto, paglalantad ng pribadong impormasyon ng iba na puwedeng gamitin para gumawa ng pagbabanta, panlalait o pangmamaliit sa mga biktima ng karahasan o trahedya, pag-udyok sa iba na gawin ang mga aktibidad na ito, o panliligalig sa isang tao sa iba pang paraan. Posible kaming gumawa ng naaangkop na pagkilos kung maabisuhan kami tungkol sa mga banta ng kapahamakan o iba pang mapanganib na sitwasyon, kung saan posibleng kasama ang pag-uulat sa iyo sa mga nauugnay na awtoridad, pag-alis ng access sa ilan sa aming mga produkto, o pag-disable sa Google Account mo.

Nasa ibaba ang mga halimbawa ng kung ano ang hindi namin pinapayagan sa mga naka-print na produkto:

• Content na nanliligalig, nananakot, o nambu-bully ng indibidwal o pangkat ng mga indibidwal

Mapoot na Salita

Hindi kami magpi-print ng mapoot na salita. Ang mapoot na salita ay content na nagsusulong o nagpapahintulot ng karahasan o may pangunahing layuning mag-udyok ng galit laban sa isang indibidwal o grupo batay sa kanilang lahi o etnikong pinagmulan, relihiyon, kapansanan, edad, nasyonalidad, status bilang beterano, sekswal na oryentasyon, kasarian, kinikilalang kasarian, o anupamang katangiang nauugnay sa sistemikong diskriminasyon o pangmamaliit at pang-aapi.

Nasa ibaba ang mga halimbawa ng kung ano ang hindi namin pinapayagan sa mga naka-print na produkto:

• Content na nag-uudyok ng galit laban sa isang indibidwal o grupo batay sa kanilang lahi o etnikong pinagmulan, relihiyon, kapansanan, edad, nasyonalidad, status bilang beterano, sekswal na oryentasyon, kasarian, pagkakakilanlan sa kasarian, o iba pang katangiang nauugnay sa sistematikong diskriminasyon o pagmamaliit at pang-aapi.

Content na Tahasang Sekswal

Hindi kami magpi-print ng content na naglalaman ng materyal na tahasang sekswal. Posibleng pahintulutan ang kahubaran para sa mga layuning pang-edukasyon, pandokumentaryo, pang-agham, o pansining, at kahubarang hindi sekswal. Hinding-hindi namin pinapayagan ang content na nang-aabuso ng mga bata sa sekswal na paraan.

Nasa ibaba ang mga halimbawa ng kung ano ang hindi namin pinapayagan sa mga naka-print na produkto:

• Mga larawang naglalaman ng mga graphic na gawaing sekswal na naglalayong sekswal na magpukaw, kasama ang mga pagsasalarawan ng ari, pornograpiya, o mga ilustrasyon
• Content na nagpo-promote ng pakikipagtalik sa menor de edad, sapilitang pakikipagtalik, o iba pang ilegal na temang sekswal, tunay man o hindi
• Content na nagsusulong ng pananamantala sa mga menor de edad sa sekswal na paraan

Mararahas na Organisasyon at Kilusan

Ang mga alam na marahas na organisasyon at kilusang hindi sa estado ay hindi pinapayagang gamitin ang produktong ito para sa anumang layunin. Huwag magpamahagi ng content na nagbibigay-daan o nagpo-promote sa mga aktibidad ng mga grupong ito, tulad ng pag-recruit, pag-oorganisa ng mga online o offline na aktibidad, pagbabahagi ng mga manual o iba pang materyal na posibleng magbigay-daan sa pinsala, pag-promote sa mga ideyolohiya ng mga marahas na organisasyong hindi sa estado, pag-promote ng mga gawain ng terorismo, pag-uudyok ng karahasan, o pagbubunyi ng mga pag-atake ng mga marahas na organisasyong hindi sa estado. Depende sa content, posible rin kaming gumawa ng pagkilos laban sa user. Posibleng payagan ang content na nauugnay sa mga marahas na organisasyong hindi sa estado sa konteksto ng edukasyon, dokumentaryo, agham, o sining, pero pakitandaang magbigay ng sapat na impormasyon para tulungan ang mga tao na maunawaan ang konteksto.

Karahasan at Gore

Hindi kami magpi-print ng marahas o madugong content na ang pangunahing layunin ay ang pagiging nakakapangilabot, kahindik-hindik, o walang kabuluhan. Kasama rito ang sobrang graphic na materyal, gaya ng pag-aalis ng bahagi ng katawan o close-up na footage ng mga kinatay na bangkay, at graphic na materyal, gaya ng content na sobrang madugo. Posible kaming mag-print ng content na gagamitin sa konteksto ng edukasyon, dokumentaryo, agham, o sining. Sa ilang sitwasyon, posibleng maging sobrang marahas o nakakagimbal ang content, na hindi mapapahintulutan ang pag-print sa content na iyon, kahit ano pang konteksto ang ibigay. Panghuli, hindi kami magpi-print ng content na nanghihikayat sa iba na gumawa ng mga partikular na gawain ng karahasan.