Itago ang iyong mga sensitibong larawan at video

Puwede mong i-save ang mga sensitibong larawan at video sa isang folder na protektado ng lock ng screen ng iyong device sa Google Photos app. Ang mga item na nasa Naka-lock na Folder ay hindi lalabas sa grid, mga alaala, paghahanap, o mga album sa Photos, at hindi magiging available ang mga ito sa iba pang app sa iyong device na may access sa mga larawan at video mo. 

Pinoprotektahan ng mga karaniwang kasanayan sa pag-encrypt ng Google Photos ang Naka-lock na Folder. Alamin kung paano pinapanatiling pribado at secure ng Google Photos ang iyong data.

Mahalaga:

• Available lang ang Naka-lock na Folder sa mga device na may bersyon 6 ng Android at mas bago.
• Maa-unlock ng mga taong may access sa lock ng screen ng device ang Naka-lock na Folder.

I-set up ang Naka-lock na Folder

Mahalaga: Sa unang beses na subukan mong maglipat ng mga larawan at video sa Naka-lock na Folder, ipa-prompt kang i-set up ito.

1. Buksan ang Google Photos app .
2. Pumunta sa Library Mga Utility Naka-lock na Folder .
3. I-tap ang I-set up ang Naka-lock na Folder.
   • Mapipili mo ring i-on ang pag-back up para sa Naka-lock na Folder sa panahong ito.
4. Sundin ang mga tagubilin sa screen para ma-unlock ang iyong device. Kung walang laman ang iyong folder, ang makikita mo ay “Wala pa itong laman.”
   • Kung wala kang naka-set up na lock ng screen para sa iyong device, kakailanganin mong mag-set up nito para magamit ang Naka-lock na Folder. Alamin kung paano magtakda o magbago ng lock ng screen sa iyong Android phone
   • Pareho ang password ng iyong Naka-lock na Folder at ng lock ng screen ng device mo. Hindi ka makakagamit ng ibang password para sa Naka-lock na Folder.

I-back up ang iyong Naka-lock na Folder

Puwede mong i-on ang awtomatikong pag-back up para sa iyong Naka-lock na Folder.

Kapag na-on mo ang pag-back up para sa Naka-lock na Folder, maa-access mo ang iyong Naka-lock na Folder mula sa iba pang device kapag naka-sign in ka sa Google Account mo.

Mahalaga:

• Para awtomatikong i-back up ang iyong Naka-lock na Folder para sa iba mo pang larawan at video, kailangan mo munang i-on ang pag-back up.
• Puwede mong panatilihing naka-off ang pag-back up para sa Naka-lock na Folder pero manual pa ring i-back up ang mga item sa Naka-lock na Folder.
• Sa device lang na iyon iso-store ang mga item sa Naka-lock na Folder na hindi mo iba-back up. Hindi mo makikita ang mga item na ito mula sa ibang device kung saan ka naka-sign in na may Naka-lock na Folder. Mawawala sa iyo ang mga item sa Naka-lock na Folder na hindi mo na-back up kung:
  • Ia-uninstall mo ang Photos app
  • Iki-clear mo ang data ng iyong Photos app
  • Masira o mawala ang iyong device

I-on at i-off ang pag-back up para sa Naka-lock na Folder

1. Sa iyong Android phone o tablet, buksan ang Google Photos app .
2. Mag-sign in sa iyong Google Account.
3. Sa itaas, i-tap ang iyong Larawan sa profile o Inisyal.
4. I-tap ang Mga setting ng Photos Pag-back Up I-back up ang Naka-lock na Folder.
5. Buksan ang Naka-lock na Folder.
6. Gamitin ang lock ng screen ng iyong device kapag na-prompt.
7. I-on o i-off ang I-back up ang Naka-lock na Folder.

Tip: Matuto tungkol sa mga benepisyo ng pag-back up.

Manual na i-back up ang iyong Naka-lock na Folder

Mapipili mong manual na mag-back up ng mga indibidwal na larawan at video sa iyong Naka-lock na Folder.

1. Sa iyong Android phone o tablet, buksan ang Google Photos app .
2. Mag-sign in sa iyong Google Account.
3. Pumunta sa Library Mga Utility Naka-lock na Folder .
4. Gamitin ang lock ng screen ng iyong device kapag na-prompt.
5. Piliin, sa pamamagitan ng matagal na pagpindot, ang mga larawan o video na gusto mong i-back up.
6. Sa ibaba, piliin ang I-back up .

Mag-save nang direkta sa Naka-lock na Folder mula sa Pixel camera

Mahalaga: Gumagana lang ang feature na ito sa mga Pixel 3 device at mas bago.

1. Buksan ang Pixel camera app.
2. Sa ibaba, i-tap ang Gallery. 
3. Pindutin nang matagal ang huling larawan sa Gallery.
4. Para i-save ang iyong larawan, piliin ang Gallery ng larawan o Naka-lock na Folder .
5. Kumuha ng larawan. Awtomatikong nase-save sa Naka-lock na Folder ang mga larawang kinukunan mo nang naka-on ang Naka-lock na Folder .

Sa Pixel 7 at mas bago, kasama ang Pixel Fold:

1. Sa tabi ng Shutter , pindutin nang matagal ang bilog na nagpapakita ng huling larawang kinuha mo.
2. Sa popup, i-tap ang Naka-lock na Folder.

Maglipat ng mga larawan o video sa Naka-lock na Folder

Mahalaga:

• Made-delete ang mga backup ng mga item na ito sa Google Photos kung hindi naka-on ang pag-back up para sa Naka-lock na Folder.
• Kapag naglipat ka ng mga larawan at video sa Naka-lock na Folder, hindi ililipat ang mga nauugnay na item. Kabilang dito ang mga kopya, na-edit na bersyon, at nakabahaging larawan at video na na-save ng iba.

1. Sa Photos app, i-tap ang Mga Larawan.
2. Piliin ang mga larawan at video na gusto mo sa Naka-lock na Folder.
3. Sa itaas, i-tap ang Higit pa Ilipat sa Naka-lock na Folder.
4. I-tap ang Ilipat.

Tip: Para maglipat ng mga larawan at video sa Naka-lock na Folder mula sa Trash, i-restore muna ang content mula sa Trash.

Matuto pa tungkol sa Naka-lock na Folder

Ang pinagkaiba ng Naka-lock na Folder sa Archive

Sa Naka-lock na Folder, mananatiling nakatago at protektado ng lock ng screen ng device o password ng Google Account mo ang mga item. Puwede pa ring ma-access ang mga naka-archive na item.

Hindi makikita ang mga item sa Naka-lock na Folder kapag naghanap ka sa Google Photos, samantalang makikita pa rin ang mga Naka-archive na item.

Ang puwede mong gawin sa mga item sa iyong Naka-lock na Folder

Magagawa mong:

• Alisin ang mga iyon sa Naka-lock na Folder
• Permanenteng i-delete ang mga ito
• Makita ang mga ito sa Naka-lock na Folder pagkatapos itong i-unlock

Ang hindi mo magagawa sa mga item na nasa Naka-lock na Folder

Para maiwasan ang hindi sinasadyang pagkakalantad ng iyong mga sensitibong larawan at video, hindi mo magagawa ang mga sumusunod sa iyong content na nasa Naka-lock na Folder:

• Magdagdag ng mga item sa album o photo book
• Mag-edit ng mga item o mag-revert ng mga pagbabagong ginawa bago mailipat sa Naka-lock na Folder ang isang item
• Magbahagi ng mga item sa Google Photos o sa iba pang app gaya ng Instagram o Facebook
• Maglipat ng mga item sa Trash
• Tumingin ng mga larawan o manood ng mga video na hindi maipapakita ng iyong device sa orihinal na format o resolution

Mahalaga:

• Kung naka-off ang pag-back up, hindi ililipat ang mga item sa Naka-lock na Folder na lokal na naka-save sa iyong device sa mga paglilipat mula sa USB papunta sa USB o mga paglilipat ng data sa Cloud.
• Kung naka-off ang pag-back up, made-delete ang mga item sa Naka-lock na Folder kung gagawin mo ang mga sumusunod:
  • I-factory reset ang iyong device
  • I-clear ang data ng app
  • I-delete ang Photos app
• Para mapanatili ang iyong mga item sa Naka-lock na Folder, i-on ang pag-back up ng Naka-lock na Folder o indibidwal na i-back up ang mga item sa Naka-lock na Folder mo.

Paano gumagamit ng iyong quota ng storage ang mga item sa Naka-lock na Folder

Hindi gumagamit ng iyong quota ng storage ang mga naka-back up na item sa Naka-lock na Folder. Matuto pa tungkol sa kung paano gumagana ang storage.

Saan mo maa-access ang mga item sa Naka-lock na Folder

Para mahanap ang mga item na inilipat mo sa Naka-lock na Folder:

• Sa iyong computer: I-click ang Naka-lock na Folder.
• Sa iyong mobile device: Pumunta sa Library Mga Utility Naka-lock na Folder .

Saan mo hindi maa-access ang mga item sa Naka-lock na Folder

Para panatilihing pribado ang iyong mga sensitibong larawan at video, ang mga item na nasa Naka-lock na Folder ay:

• Hindi lalabas sa mga resulta ng paghahanap, album, nakabahaging item, o anumang bagong alaala.
• Maaalis sa mga kasalukuyang alaala at draft na order ng print.
• Hindi available para maibahagi sa pamamagitan ng mga third party app.

Mahalaga: Hindi ipapakita ang iyong mga sensitibong larawan at video sa mga smart display ng Google gaya ng Nest Hub o sa pamamagitan ng Chromecast, bagama't posibleng abutin nang hanggang isang oras bago mawala ang mga item.

Bakit posibleng makakita ka ng mga kopya ng mga item sa Naka-lock na Folder sa ibang bahagi ng Photos

Kapag naglipat ka ng larawan o video sa Naka-lock na Folder, ang orihinal na item lang ang maililipat mula sa kung saanman ito lumalabas sa Google Photos. Pagkatapos mailipat ang isang item sa Naka-lock na Folder, mananatili ang anumang bagong kopya o kopyang ginawa o na-edit mo dati kung saan naka-store ang mga ito, kabilang ang mga item sa trash, maliban na lang kung illipat o ide-delete mo rin ang mga ito.

Bakit posibleng may access pa rin ang recipient ng pagbabahagi

Kung awtomatikong na-save o na-save ng user na pinagbahagian mo ang isang nakabahaging larawan, hindi malalapat sa kopyang na-save ng user na iyon ang anumang gagawin mo sa iyong bersyon ng nakabahaging larawan. Kabilang dito ang anumang pag-edit, pag-delete, o paglilipat sa iyong Naka-lock na Folder.

Matuto tungkol sa iyong pagiging kwalipikado para sa Naka-lock na Folder

Kasalukuyang hindi available ang Naka-lock na Folder sa mga ganap na pinapamahalaang device at para sa ilang partikular na uri ng account. Makipag-ugnayan sa admin ng iyong device o sa admin ng account mo para sa higit pang impormasyon.