ठिकाणांसाठी सोपे, टर्न-बाय-टर्न नेव्हिगेशन मिळवण्याकरिता, Google Maps अॅप वापरा. Maps तुम्हाला दिशानिर्देश दाखवते आणि तुमच्या गंतव्यस्थानासाठी सर्वोत्कृष्ट मार्ग शोधण्याकरिता रीअल-टाइम रहदारी माहिती वापरते.
व्हॉइस नेव्हिगेशन वापरून, तुम्ही रहदारीशी संबंधित सूचना, कुठे वळावे, कोणती लेन वापरावी आणि आणखी चांगला मार्ग उपलब्ध आहे का या गोष्टी ऐकू शकता.
महत्त्वाचे: नेव्हिगेशन आणि कोणती लेन वापरावी याविषयीची माहिती सर्व देश, प्रदेश व भाषांमध्ये उपलब्ध नाही. नेव्हिगेशन हे मोठ्या आकाराच्या किंवा आणीबाणीमधील वाहनांसाठी उद्देशित नाही.
नेव्हिगेशन वापरण्यासाठी तुम्हाला काय आवश्यक आहे
तुमच्या फोन किंवा टॅबलेटवर:
- तुमची GPS सुरू करा.
- Google Maps ला तुमचे सध्याचे स्थान आणि ऑडिओ स्पीकर वापरू द्या.
नेव्हिगेशन सुरू करणे किंवा थांबवणे
- Google Maps ॲप उघडा.
- ठिकाण शोधा किंवा ते नकाशावर टॅप करा.
- तळाशी डावीकडे, दिशानिर्देश वर टॅप करा. कार, बस, सायकल, हात हलवणारी व्यक्ती किंवा चालणारी व्यक्ती दिसेल. आणखी गंतव्यस्थाने कशी जोडायची ते जाणून घ्या.
- तुमचा वाहतुकीचा मोड निवडा.
- पर्यायी मार्ग उपलब्ध असल्यास, ते नकाशावर राखाडी रंगामध्ये दिसतात. पर्यायी मार्ग फॉलो करण्यासाठी, राखाडी रेषेवर टॅप करा.
- नेव्हिगेशन सुरू करण्यासाठी, सुरू करा वर टॅप करा. तुम्हाला “GPS शोधत आहे” असे दिसल्यास, तुमचा फोन GPS सिग्नल मिळवण्याचा प्रयत्न करत आहे. उदाहरणार्थ, तुम्ही बोगदा, पार्किंग गॅरेजमध्ये किंवा त्यापासून जवळ अथवा GPS सिग्नल नसलेल्या इतर स्थानावर असू शकता.
- नेव्हिगेशन थांबवण्यासाठी किंवा रद्द करण्यासाठी, तळाकडून वरती ड्रॅग करा आणि बाहेर पडा वर टॅप करा.
टिपा:
- तुम्हाला हवा तसा नकाशा शोधण्यासाठी, कंपासवर टॅप करा.
- घर किंवा ऑफिस यांसारख्या तुम्ही वारंवार प्रवास करत असलेल्या ठिकाणांसाठी दिशानिर्देश मिळवण्याकरिता शॉर्टकट कसा जोडावा याविषयी जाणून घ्या.
तुमच्या मार्गावरील 3D इमारती दाखवणे
तुम्ही मार्गावरील 3D इमारती पाहण्याचे निवडू शकता. Maps ने 3D इमारती दाखवण्यासाठी:
- तुमच्या iPhone किंवा iPad, Google Maps मध्ये साइन इन करा.
- तुमचा प्रोफाइल फोटो किंवा आद्याक्षरे सेटिंग्ज नेव्हिगेशन सेटिंग्ज वर टॅप करा.
- मार्गावरील 3D इमारती दाखवा हे सुरू किंवा बंद करा.
नेव्हिगेट करताना आणखी कृती शोधणे
तुम्ही एखाद्या ठिकाणावर नेव्हिगेट करताना आणखी कृती शोधण्यासाठी:
- स्क्रीनच्या तळाशी, माहिती कार्डवर जा.
- वर स्वाइप करा.
- मेनू लपवण्यासाठी, माहिती कार्डवर खाली स्वाइप करा.
- प्रवासाची प्रगती शेअर करा : तुम्ही येईपर्यंत तुमचे लाइव्ह स्थान शेअर करा. रीअल-टाइम स्थान शेअरिंगविषयी अधिक जाणून घ्या.
- मार्गावरील ठिकाण शोधा : तुमच्या मार्गावरील रेस्टॉरंट किंवा पेट्रोल पंप यांसारखे ठिकाण शोधा. तुमच्या मार्गावरील ठिकाण कसे शोधावे याविषयी जाणून घ्या.
- मार्गाचे पूर्वावलोकन करा : तुमच्या सध्याच्या स्थानावरून गंतव्यस्थानापर्यंत मार्गाचे पूर्वावलोकन दाखवते.
- दिशानिर्देश : स्टेप-बाय-स्टेप दिशानिर्देशांची सूची मिळवा.
- सेटिंग्ज : तुम्हाला तुमच्या मार्गावरील 3D इमारती दाखवायच्या असल्यास किंवा मैल आणि किलोमीटर यांदरम्यान स्विच करायचे असल्यास, तुमची सेटिंग्ज बदला.
तोंडी दिशानिर्देश ऐकणे
तुम्ही एखाद्या ठिकाणावर नेव्हिगेट करता, तेव्हा तुम्ही तोंडी दिशानिर्देशदेखील फॉलो करू शकता. व्हॉइस नेव्हिगेशनसंबंधित समस्यांचे निराकरण कसे करावे ते जाणून घ्या.
तुमच्या iPhone किंवा iPad चा व्हॉल्यूम बदलणे
तुम्ही तुमच्या iPhone किंवा iPad वर नेव्हिगेशन सुरू केल्यानंतर, मीडिया व्हॉल्यूम वाढवण्यासाठी अथवा कमी करण्याकरिता डिव्हाइसची व्हॉल्यूम बटणे प्रेस करा.
टीप: तुम्हाला तुमच्या स्क्रीनवर "रिंगर व्हॉल्यूम" डिस्प्ले झालेले दिसत असल्यास, नेव्हिगेशनशी संबंधित तोंडी मार्गदर्शन सुरू असताना तुम्ही बटण प्रेस करून पाहू शकता. तुम्ही तुमची सेटिंग्जदेखील बदलू शकता:
- तुमच्या iPhone किंवा iPad वर, सेटिंग्ज उघडा.
- आवाज आणि हॅप्टिक्स बटण वापरून बदला वर टॅप करा.
Google Maps नेव्हिगेशन व्हॉल्यूम बदलणे
- तुमच्या iPhone किंवा iPad वर, Google Maps ॲप उघडा.
- तुमचा प्रोफाइल फोटो किंवा आद्याक्षरे सेटिंग्ज नेव्हिगेशन सेटिंग्ज वर टॅप करा.
- मोठा, सामान्य किंवा कमी निवडा.
CarPlay शी कनेक्ट केले असताना व्हॉल्यूमची पातळी बदलणे
CarPlay शी कनेक्ट केले असताना व्हॉल्यूम बदलण्यासाठी, नेव्हिगेशनसंबंधित तोंडी मार्गदर्शन सुरू असताना तुमच्या वाहनाची व्हॉल्यूम नियंत्रणे वापरा.सूचना म्यूट, अनम्यूट करणे किंवा ऐकणे
- तुमच्या iPhone किंवा iPad वर, Google Maps ॲप उघडा.
- नेव्हिगेशन सुरू करा.
- सर्वात वरती उजवीकडे, आवाज वर टॅप करा. त्यानंतर, खालीलपैकी एकावर टॅप करा:
- म्यूट करा .
- सूचना . तुम्ही रहदारी, बांधकाम आणि क्रॅश यांसंबंधित अपडेट ऐकू शकाल. तुम्हाला टर्न-बाय-टर्न दिशानिर्देश ऐकू येणार नाहीत.
- आवाज . तुम्हाला अपडेट आणि टर्न-बाय-टर्न दिशानिर्देश ऐकू येतील.
भाषा बदलणे
- तुमच्या iPhone किंवा iPad वर, डिव्हाइस सेटिंग्जवर जा.
- सामान्य भाषा आणि प्रदेश iPhone भाषा वर टॅप करा.
- दुसरी भाषा निवडा.
टिपा:
- हे तुमच्या डिव्हाइसच्या मेनूची आणि इतर अॅप्सची भाषा बदलेल.
- तुम्ही तुमची भाषा बदलता, तेव्हा तुम्हाला कदाचित रस्त्यांची नावे ऐकू येणार नाहीत.
तुम्ही नेव्हिगेशन वापरून करू शकता अशा आणखी गोष्टी
रहदारीसंबंधित सूचनांची तक्रार करास्पीड कॅमेरा आणि रहदारीसंबंधित अपघातांची तक्रार करा
स्वतःसाठी आणि इतरांसाठी Maps मध्ये सुधारणा करण्यात मदत करण्याकरिता, तुम्ही तुमच्या मार्गावरील माहिती शेअर करू शकता. तुम्ही पुढील गोष्टींची तक्रार करू शकता:
- वेग कमी करा
- क्रॅश
- स्पीड ट्रॅप
टीप: तक्रार करणे सुरक्षित असेल तरच करा.
तक्रार जोडणे
- Google Maps अॅप उघडा.
- नेव्हिगेशन सुरू करा.
- तक्रार करा पर्याय निवडा वर टॅप करा.
- तुम्ही तुमच्या मार्गावर ज्या ठिकाणी होता तेथे तक्रार दिसेल. तक्रार निनावी असेल.
इतरांनी दिलेल्या सूचना शोधा
एखाद्याने काही तक्रार केली असल्यास, तुम्ही जवळ जाल तशी ती तुम्हाला नकाशावर दिसेल. तुमच्या सूचना सेटिंग्जनुसार, तुम्हाला चेतावणीदेखील ऐकू येईल.
तुम्ही सूचना दिलेल्या जागेवर पोहोचाल तेव्हा, तुम्हाला “हे अजूनही येथे आहे का?” असे विचारणारी सूचना दिसेल. केलेली तक्रार खरी आहे का ते इतरांना कळवण्यासाठी, होय किंवा नाही वर टॅप करा.
Maps हे तुमच्या फोन किंवा टॅबलेटवरून पुढील गोष्टी वापरत असल्यामुळे, नेव्हिगेशन सुरू असताना तुमच्या डिव्हाइसची बॅटरी जास्त प्रमाणात वापरली जाते:
- तुमचे सध्याचे स्थान
- तुमची स्क्रीन
- तुमचे स्पीकर
बॅटरी बचत करण्यासंबंधित टिपा
- पॉवर अडॅप्टर वापरा: तुमचा फोन चार्ज होत असल्यास, त्याची बॅटरी ड्रेन होईल याबद्दल काळजी करण्याची गरज नाही. तुमचा प्रवास ३० मिनिटांपेक्षा जास्त लांबचा असल्यास, आम्ही पॉवर अडॅप्टर वापरण्याची शिफारस करतो.
- तुमची स्क्रीन बंद करा: तुम्हाला नेव्हिगेशन वापरताना स्क्रीन पाहण्याची आवश्यकता नसल्यास, ती बंद करण्यासाठी तुमच्या फोन किंवा टॅबलेटवरील पॉवर बटण प्रेस करा. तुम्हाला तरीही तोंडी दिशानिर्देश ऐकू येतील.