Puwede kang makakita ng mga mapang tinatantya ang mga apektadong lugar kung saan bumabaha. Matutulungan ka ng mga mapang itong manatiling ligtas at magkaroon ng kaalaman sa panahon ng krisis. Matuto pa tungkol sa Mga Google SOS Alert.
Saan namin nakukuha ang data
Gumagamit kami ng data ng satellite mula sa mga source tulad ng mga Copernicus Sentinel-1 na satellite mula sa European Space Agency. Bumubuo ang satellite na ito ng Synthetic Aperture Radar(SAR) na larawang ginagamit ng aming mga algorithm para kalkulahin ang binabahang lugar.
Kailan ina-update ang mapa
Ina-update namin ang mga mapa ng baha kapag may available na bagong larawan ng satellite. Pagkatapos kunan ang isang larawan, inaabot ito nang ilang oras bago ito mapunta sa aming mga system. Puwede ring abutin nang ilang araw para makabuo ng larawan ng satellite na magagamit namin. Kung ang pinakabagong available na larawan namin ay lampas na sa 72 oras, kadalasang itinitigil namin ang pagpapakita rito hanggang sa may bagong larawang available.
Katumpakan ng mapa
Mahirap tukuyin sa larawan ng satellite ang mga lugar na binabaha at hindi binabaha kaya posibleng may mga error minsan. Halimbawa, posibleng hindi maipakita ng mga mapa ang pagbabaha sa mga mapunong lugar o mataong lugar sa lungsod. Para sa karaniwang larawan, tinatantya naming tumpak ang humigit-kumulang 80% ng iminumungkahing binabahang lugar. Ang mga lugar na hindi minarkahang binabaha ay hindi tinatayang ligtas dahil hindi kami makapagpakita ng mga mapa sa mga mapunong lugar o mataong lugar sa lungsod.
Hindi available ang isang mapa
Sa ilang sitwasyon, posibleng wala kang makitang mapa ng baha. Minsan, walang available na larawan ng satellite o hindi nakakabuo ng kwalipikadong mapa ang larawan.