Magtakda ng badyet para sa iyong mga gastusin sa Google Play

Puwede mong tingnan at subaybayan ang iyong mga gastusin sa Google Play, at itakda at pamahalaan ang isang badyet.

Magtakda ng badyet

Puwede ka lang magtakda ng badyet sa currency ng kasalukuyan mong profile ng bansa sa Google Play. Alamin kung paano palitan ang iyong bansa sa Google Play.

Mahalaga: Nagbibigay-daan sa iyo ang mga badyet na subaybayan ang iyong mga gastusin at tumanggap ng mga alerto kapag gumastos ka ng isang partikular na halaga. Hindi pagbabawalan ng mga ito ang mga transaksyon kapag lumampas ka sa iyong badyet.

Para magtakda ng badyet:

1. Sa iyong Android device, buksan ang Google Play Store app .
2. Sa kanang bahagi sa itaas, i-tap ang iyong Larawan sa profile.
3. I-tap ang Mga pagbabayad at subscription Badyet at history.
4. I-tap ang Magtakda ng badyet.
5. Maglagay ng halaga.
6. I-tap ang I-save.

Kung nalampasan mo na o malapit mo nang maabot ang iyong badyet, makakatanggap ka ng mensahe sa tuwing bibili ka ng item mula sa account mo.

Tip: Naka-store ang history ng iyong buwanang badyet sa Google Account mo, pero aalisin ito pagkalipas ng 1 taon.

Baguhin ang iyong badyet

1. Sa iyong Android phone o tablet, buksan ang Google Play Store app .
2. Sa kanang bahagi sa itaas, i-tap ang iyong Larawan sa profile.
3. I-tap ang Mga pagbabayad at subscription Badyet at history.
4. I-tap ang I-edit ang badyet.
5. Pumili ng halaga para sa iyong badyet, pagkatapos ay i-tap ang I-save.

Alisin ang iyong badyet

1. Sa iyong telepono, buksan ang Google Play Store app .
2. Sa kanang bahagi sa itaas, i-tap ang iyong Larawan sa profile.
3. I-tap ang Mga pagbabayad at subscription Badyet at history.
4. I-tap ang Alisin ang badyet.

Alamin kung magkano na ang nagastos mo

1. Sa iyong telepono, buksan ang Google Play Store app .
2. Sa kanang bahagi sa itaas, i-tap ang iyong Larawan sa profile.
3. I-tap ang Mga pagbabayad at subscription Badyet at history.
4. Sa itaas, makikita mo kung magkano na ang nagastos mo hanggang sa ngayon para sa kasalukuyang buwan.

Ayusin ang mga problema kapag nagtatakda o nag-aalis ka ng badyet

Kung makakuha ka ng error kapag sinubukan mong magtakda o mag-alis ng badyet: 

1. Tingnan ang iyong koneksyon sa internet o mobile data.
2. Subukan ulit.