Gebruik Android Kitsprogramme

Let wel: Android Kitsprogramme is tans net op sommige toestelle beskikbaar. 

Met Android Kitsprogramme kan jy programme gebruik sonder om hulle op jou toestel te installeer.

Gebruik Kitsprogramme

Hoe Android Kitsprogramme werk

Wanneer jy op 'n skakel klik, kyk Google Play of daar 'n program is wat die skakel kan oopmaak. Dit sal die skakel in die kitsprogram (indien beskikbaar) oopmaak as die program nog nie op jou toestel geïnstalleer is nie. 

'n Kitsprogram laai net die dele van die program wat nodig is om die huidige handeling uit te voer. Die dele van die program en enige data wat hulle berg, word tydelik by die toestel gevoeg. Sien “vee die data vir 'n spesifieke kitsprogram uit” hieronder om daardie data te verwyder. 

Let wel: Jy kan Android Kitsprogramme enige tyd afskakel. Volg die instruksies hierbo onder “Skakel Kitsprogramme aan of af”. 

Sien jou onlangse kitsprogramme

Jy kan sien watter kitsprogramme jy onlangs gebruik het:

1. Maak die Instellings-program op jou toestel oop.
2. Gaan na Google Kitsprogramme.
3. Tik op enige program om meer besonderhede oor die gebruik daarvan te sien. Kitsprogramme wat jy gebruik het, sal ook op die lys onlangse programme op jou foon se oorsigkieslys verskyn.

Installeer 'n program

Jy kan 'n kitsprogram gebruik sonder om dit op jou toestel te installeer. Jy kan die program installeer as jy dit gereeld wil gebruik of die program vanlyn wil gebruik. Vind dit in die Play Winkel of kyk op die Kitsprogramme-kieslys:  

Installeer dit deur die Google Play Winkel

1. Maak die Google Play Winkel-program  oop.
   • Let wel: jy kan ook na play.google.com gaan. 
2. Soek of blaai na die program. 
3. Kies dit.
4. Tik op Installeer.
5. Volg die instruksies op die skerm om die program op jou toestel te installeer.  

Installeer dit van die Kitsprogramme-kieslys af

1. Maak die Instellings-program op jou toestel oop.
2. Gaan na Google Kitsprogramme.
3. Tik op die program wat jy wil installeer. 
4. Tik op Installeer. 
5. Volg die instruksies op die skerm om die program op jou toestel te installeer. 

Vee die data vir 'n spesifieke kitsprogram uit

Jy kan die data uitvee vir 'n kitsprogram wat jy gebruik het:

1. Maak die Instellings-program op jou toestel oop.
2. Gaan na Google Kitsprogramme.
3. Tik op die kitsprogram waarvoor jy die instelling wil verander.
4. Tik op Vee programdata uit. 

Wenk: Dit kan ook raadsaam wees om na jou rekeningbladsy te gaan om programme te bestuur wat jy aan jou Google-rekening gekoppel het. Let daarop dat enige inligting wat jy met die ontwikkelaar gedeel het, aan die ontwikkelaar se privaatheidsbeleid onderworpe is. Daarom moet jy die ontwikkelaar kontak as jy hierdie inligting wil bestuur. 

Bestuur toestemmings vir Kitsprogramme

Jy beheer steeds toestemmings en toegang tot jou inligting vir 'n kitsprogram net soos vir 'n geïnstalleerde program. Vind meer uit oor hoe om jou toestemmings te bestuur. 

Hulp met Kitsprogramme

Kry hulp en foutspoor die probleem as jy kwessies met Android Kitsprogramme ondervind.