Google gebruik jou ligging, mikrofoon, Bluetooth, luidspreker en Wi-Fi-inligting wanneer jy na spelers in die omtrek soek. Enige ander speler wat na spelers van dieselfde speletjie in die omtrek soek, kan jou kry. Kom meer te wete oor hoe Naby spelers in die omtrek opspoor.
Nabygeleë Spelers kan die volgende tegnologie tydelik aanskakel (selfs as hulle afgeskakel is) om teenwoordigheidinligting uit te saai en te bespeur:
- Oudio: Nabygeleë Spelers kan veroorsaak dat jou toestel 'n oudioteken uitgee om teenwoordigheidinligting uit te saai, en/of jou toestel se mikrofoon aanskakel om hierdie teken te bespeur. Jou toestel kan ook 'n kort buffer van omgewingoudio opneem. Oudio sal nie na Google se bedieners gestuur word nie; die tekenbespeuring vind in jou toestel plaas. Jy moenie Nabygeleë Spelers gebruik in enige situasie waar die opneem van oudio verbied word nie.
- Bluetooth (insluitend Bluetooth Low Energy): Nabygeleë Spelers kan jou toestel se Bluetooth-inligting gebruik om 'n unieke teken uit te saai en/of na nabygeleë toestelle te soek om hierdie teken en/of ander Bluetooth-toestelle te bespeur. Dit kan:
- jou Bluetooth tydelik aanskakel, selfs al het jy dit afgeskakel.
- tydelik jou toestel se Bluetooth-naam verander.
- vir nabygeleë toegangspunte skandeer en skandeerinligting na Google stuur.
- Wi-Fi (insluitend Wi-Fi Direct): Nabygeleë Spelers kan jou toestel se Wi-Fi-inligting gebruik om 'n unieke teken uit te saai en/of om vir nabygeleë toestelle te skandeer om hierdie teken en/of ander Wi-Fi-toestelle te bespeur. Dit kan:
- jou Wi-Fi tydelik aanskakel, selfs al het jy dit afgeskakel.
- jou toestel se netwerk- (SSID-) naam (Wi-Fi Direct en/of draagbare Wi-Fi-warmkol of -verbindingtoegangspunt) tydelik verander.
- vir nabygeleë toegangspunte skandeer en skandeerinligting na Google stuur.