Paano mag-rate at mag-review ng mga app sa Google Play Store

Puwede kang mag-rate at mag-review para sa mga Android app, laro, at iba pang content sa Play Store. Kapag nag-review ka ng isang bagay sa Google Play, ili-link ang review sa iyong Google Account at lalabas ito sa publiko. Kung ayaw mong lumabas sa publiko ang isang review, puwede mo itong i-delete.

Paano mag-rate ng app at mag-iwan ng review

Mahalaga: Makakapag-rate ka lang ng mga app na dati mo nang na-download at na-install. Kapag nag-download ka ng app, mali-link ito sa iyong Google Account. Kung na-download mo ang app pero hindi mo nakikita ang opsyong magsulat ng review, tiyaking naka-sign in ka sa tamang account.

1. Sa iyong Android phone o tablet, buksan ang Google Play Store app .
2. I-browse o hanapin ang app na gusto mong i-review. 
3. Hanapin at piliin ang app para buksan ang page ng detalye.
   • Para mag-rate ng app: Sa ilalim ng “I-rate ang app na ito," piliin ang bilang ng mga star.
   • Para mag-iwan ng review: Sa ilalim ng star rating, i-tap ang Magsulat ng review.
4. Sundin ang mga tagubilin sa screen para magsulat ng review at magdagdag ng mga detalye.
5. I-tap ang I-post. 

Paano mag-delete o mag-edit ng review

1. Sa iyong Android phone o tablet, buksan ang Google Play Store app .
2. Pumunta sa page ng detalye ng na-review mong item.
3. Mag-scroll sa seksyon ng mga review.
4. Para i-edit: I-tap ang I-edit ang iyong review. Gawin ang mga pagbabago at pagkatapos ay i-tap ang I-post. 
5. Para i-delete: I-tap ang Higit pa   I-delete.

Kailan ka puwedeng magsulat ng mga review sa Play Store

• Puwede mo lang i-review ang mga app at larong na-download mo.
• Hindi ka makakapag-iwan ng review mula sa isang enterprise account, tulad ng account para sa trabaho o paaralan.
• Kung ang anumang account sa iyong device ay bahagi ng isang beta program para sa isang app, hindi ka makakapag-iwan ng review para sa app na iyon.
• Puwede kang umalis sa isang beta program kung gusto mong magsulat ng review.